പോക്കറ്റ് കാലിയാക്കുന്ന സെറം വേണ്ട, കറ്റാർവാഴയുണ്ടെങ്കിൽ അത് വീട്ടിൽ തയ്യാറാക്കാം

ചർമ്മ സംരക്ഷണത്തിന് ഏറ്റവും അത്യാവശ്യമായ ഘടകമാണ് വിറ്റാമിൻ സി. അത്  മിക്ക പ്രശ്നങ്ങളെയും പ്രതിരോധിക്കാന സഹായിക്കും. ചർമ്മം തിളക്കമുള്ളതാക്കും, വാർധക്യത്തിൻ്റെ ലക്ഷണങ്ങൾ തടയും, നാച്യുറൽ ആയിട്ടുള്ള ഗ്ലോ നിലനിർത്തും. അതിനായി കടയിൽ നിന്നും പ്രത്യേകം വിറ്റാമിൻ സി സെറം വാങ്ങി സൂക്ഷിക്കാറുണ്ടോ? കീശ കാലിയാക്കുന്ന ഇവ കെമിക്കൽ രഹിതമല്ലെന്ന് ഉറപ്പിക്കാൻ സാധിക്കില്ല. എന്നാൽ വളരെ കുറച്ച് ചേരുവകൾ യോജിപ്പിച്ച് ചേർത്ത് സെറം വീട്ടിൽ തയ്യാറാക്കാവുന്നതേയുള്ളൂ. അത്തരത്തിലുള്ള വ്യത്യസ്ത സെറം പരിചയപ്പെടാം.

മുഖക്കുരു അതിൻ്റെ പാടുകൾ, ചർമ്മത്തിലെ ചുവപ്പ്, ചൊറിച്ചിൽ തുടങ്ങി മിക്ക പ്രശ്നങ്ങൾക്കും മികച്ച പരിഹാരമാണ് കറ്റാർവാഴ. അതിൻ്റെ ആൻ്റിബാക്ടീരിയൽ, ആൻ്റി ഇൻഫ്ലമേറ്ററി സവിശേഷതകൾ ചർമ്മത്തിൻ്റെ സ്വാഭാവിക പ്രകൃതം നിലനിർത്താൻ സഹായിക്കും. കറ്റാർവാഴ ഉപയോഗിച്ച് ഫെയ്സ് സെറം തയ്യാറാക്കുന്ന വിധം പരിചയപ്പെടാം. 

ചേരുവകൾ

• കറ്റാർവാഴ- 1 ടേബിൾസ്പൂൺ
• വിറ്റാമിൻ സി പൗഡർ- 1 ടീസ്പൂൺ
• എസെൻഷ്യൽ ഓയിൽ- 3 തുള്ളി

തയ്യാറാക്കുന്ന വിധം

• ഒരു ടേബിൾസ്പൂൺ കറ്റാർവാഴ ജെല്ലിലേയ്ക്ക് ഒരു ടീസ്പൂൺ വിറ്റാമിൻ സി പൊടി ചേർത്തിളക്കി യോജിപ്പിക്കാം.
• ഇതിലേയ്ക്ക് ടീ ട്രീ ഓയിൽ അല്ലെങ്കിൽ ലാവെൻഡർ ഓയിൽ ചേർത്തിളക്കി യോജിപ്പിക്കാം.
• ഈ മിശ്രിതം വൃത്തിയുള്ള ഒരു കുപ്പിയിലേയ്ക്കു മാറ്റി ഫ്രിഡ്ജിൽ സൂക്ഷിക്കാം. 

ഉപയോഗിക്കേണ്ട വിധം

രാത്രി ഉറങ്ങാൻ കിടക്കുന്നതിനു മുമ്പ് ഇത് മുഖത്ത് പുരട്ടുന്നതാണ് നല്ലത്. സെറം പുരട്ടി മൃദുവായി മസാജ് ചെയ്ത് കൊടുക്കാം. സ്ഥിരമായി ഉപയോഗിക്കാൻ ശ്രദ്ധിക്കുക. പാച്ച് ടെസ്റ്റ് ചെയ്ത് അലർജി ഇല്ലെന്ന് ഉറപ്പാക്കിയതിനു ശേഷം ഇത് സ്ഥിരമാക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കണ്ണിനടിയിലെ ചുളിവ് അകറ്റാൻ വെളിച്ചെണ്ണയും തേനും ഇങ്ങനെ ഉപയോഗിക്കൂ
• മുഖത്തെ ബ്ലാക്ഹെഡ്സ് അകറ്റാം ഞൊടിയിടയിൽ, അടുക്കളയിലെ സ്ഥിരം ചേരുവകൾ മതി
• കടുകെണ്ണയും കറിവേപ്പിലയും ചേർന്നാൽ മുടിക്ക് നിറം മാത്രമല്ല കരുത്തും നേടാം
• ക്ലെൻസർ മുതൽ ഫെയ്സമാസ്ക് വരെ, ഇനി ഫേഷ്യൽ ചെയ്യാൻ ഒരു ബീറ്റ്റൂട്ട് മതി
• ഇത്തിരി കുഞ്ഞൻ ഉലുവ വിത്തിന് ഒട്ടേറെ ഗുണങ്ങളുണ്ട്, ഈ ഹെയർമാസ്ക്കുകൾ ശീലമാക്കൂ
• തലമുടി ഇടതൂർന്ന് വളരും, ഈ എണ്ണ ഉപയോഗിക്കുന്നത് ശീലമാക്കൂ