കണ്ണിനടിയിലെ ചുളിവ് അകറ്റാൻ വെളിച്ചെണ്ണയും തേനും ഇങ്ങനെ ഉപയോഗിക്കൂ

യുവത്വം തുളമ്പുന്ന ചർമ്മവും കരുത്തുറ്റ ഇടതൂർന്ന മുടിയും എല്ലാവരുടേയും സൗന്ദര്യ സങ്കൽപ്പമാണ്. ഇവ സ്വന്തമാക്കാൻ ധാരാളം ഉത്പന്നങ്ങൾ വിപണിയിൽ ലഭ്യമാണ്. എന്നാൽ ഫലപ്രാപ്തിയെക്കാളുപരി അവയുടെ പാർശ്വഫലങ്ങളും ചിന്തിക്കേണ്ടതുണ്ട്. അതിനാൽ പ്രകൃതിദത്തമായ വഴികൾ തേടുന്നതാണ് എല്ലായിപ്പോഴും ഉചിതം. വീട്ടിൽ തന്നെ അവ ലഭ്യമാണ്. അതിലൊന്നാണ് വെളിച്ചെണ്ണ. ചർമ്മ സംരക്ഷണത്തിന് വ്യത്യസ്ത തരത്തിൽ വെളിച്ചെണ്ണ ഉപയോഗിക്കാം. അതിൻ്റെ ഗുണങ്ങൾ ഇവയാണ്:

കറുപ്പ് നിറം കുറയ്ക്കും

പ്രകൃതിദത്തമായ ബ്ലീച്ചിങ് സവിശേഷതകൾ വെളിച്ചെണ്ണയിൽ ഉണ്ട്. അതിനാൽ കണ്ണിനടിയിലെ കറുപ്പ് നിറം മങ്ങുന്നതിന് ഇത് സഹായിക്കും.

തടിപ്പ് കുറയ്ക്കുന്നു

വെളിച്ചെണ്ണയ്ക്ക് ആൻ്റി ഇൻഫ്ലമേറ്ററി സവിശേഷതകൾ ഉണ്ട്. കണ്ണിനടിയിൽ ഉണ്ടാകുന്ന തടിപ്പ് കുറയ്ക്കാൻ അത് ഗുണകരമാകുന്നു.

മോയ്സ്ചറൈസ് ചെയ്യുന്നു

ഫാറ്റി ആസിഡുകളുടെ സമ്പന്നമായ ഉറവിടമാണ് വെളിച്ചെണ്ണ. ഇത് ആഴത്തിൽ തന്നെ ചർമ്മത്തെ ഹൈഡ്രേറ്റ് ചെയ്യുന്നു. വരൾച്ച, ചുളിവകുൾ എന്നിവ കുറയ്ക്കുന്നു.

കൊളാജൻ ഉത്പാദനം

വെളിച്ചെണ്ണ കൊളാജൻ ഉത്പാദനം മെച്ചപ്പെടുത്തുന്നു. ചർമ്മത്തിൻ്റെ ഇലാസ്തികതയ്ക്ക് കൊളാജൻ അത്യന്താപേക്ഷിതമാണ്.

ചേരുവകൾ

• വെളിച്ചെണ്ണ- 1 ടീസ്പൂൺ
• തേൻ- 1/2 ടേബിൾസ്പൂൺ
• റോസ്‌വാട്ടർ- ആവശ്യത്തിന്

തയ്യാറാക്കുന്ന വിധം

ഒരു ടീസ്പൂൺ വെളിച്ചെണ്ണയിലേയ്ക്ക് അര ടേബിൾസ്പൂൺ തേനും രണ്ടോ മൂന്നോ തുള്ളി റോസ്‌വാട്ടറും ചേർത്തിളക്കി യോജിപ്പിക്കാം. ഈ മിശ്രിതം കണ്ണിനു ചുറ്റും പുരട്ടാം. ശേഷം മൃദുവായി മസാജ് ചെയ്യാം. ദിവസത്തിൽ ഒരു തവണ ഇത് ഉപയോഗിക്കുന്നത് ഏറെ ഫലപ്രദമാണ്.

വെളിച്ചെണ്ണയുടെ ഗുണങ്ങൾ

വെളിച്ചെണ്ണയിൽ ധാരാളം ആൻ്റി ഓക്സിഡൻ്റുകളും ഫാറ്റി ആസിഡുകളും അടങ്ങിയിട്ടുണ്ട്. ഇത് കട്ടി കുറഞ്ഞ ചർമ്മത്തെ മോയ്സ്ച്യുറൈസ് ചെയ്യാൻ സഹായിക്കുന്നു. 

തേൻ

ആൻ്റി ഇൻഫ്ലമേറ്ററി ആൻ്റി ഓക്സിഡൻ്റ് സവിശേഷതകൾ തേനിനുണ്ട്. ചർമ്മ പരിചരണത്തിന് വ്യാപകമായി തേൻ ഉപയോഗിക്കാറുണ്ട്. തേൻ മാത്രം ഉപയോഗിച്ച് മൃദുവായി മസാജ് ചെയ്യുന്നത് കണ്ണിന് ഗുണകരമാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുഖത്തെ ബ്ലാക്ഹെഡ്സ് അകറ്റാം ഞൊടിയിടയിൽ, അടുക്കളയിലെ സ്ഥിരം ചേരുവകൾ മതി
• കടുകെണ്ണയും കറിവേപ്പിലയും ചേർന്നാൽ മുടിക്ക് നിറം മാത്രമല്ല കരുത്തും നേടാം
• ക്ലെൻസർ മുതൽ ഫെയ്സമാസ്ക് വരെ, ഇനി ഫേഷ്യൽ ചെയ്യാൻ ഒരു ബീറ്റ്റൂട്ട് മതി
• ഇത്തിരി കുഞ്ഞൻ ഉലുവ വിത്തിന് ഒട്ടേറെ ഗുണങ്ങളുണ്ട്, ഈ ഹെയർമാസ്ക്കുകൾ ശീലമാക്കൂ
• തലമുടി ഇടതൂർന്ന് വളരും, ഈ എണ്ണ ഉപയോഗിക്കുന്നത് ശീലമാക്കൂ