ഫേഷ്യൽ ചെയ്യാൻ ഒരു ബീറ്റ്റൂട്ട് മതി, ഇനി ചർമ്മം തുടുക്കും

DIY Beetroot Face Mask: ബീറ്റ്റൂട്ടിൻ്റെ ഗുണങ്ങളെ കുറച്ച് കേട്ടിട്ടുണ്ടാകുമെല്ലോ?. ധാരാളം പോഷകങ്ങൾ അടങ്ങിയ ബീറ്റ്റൂട്ട് ചർമ്മാരോഗ്യത്തിന് ഏറെ ഗുണകരമാണ്. ചർമ്മത്തിൻ്റെ നിറം വർധിപ്പിക്കുന്നതിന് അധികം ആളുകളും സ്ഥിരമായി ഇത് ഉപയോഗിക്കാറുണ്ട്. ബീറ്റ്റൂട്ട് കഴിക്കുന്നതും പുറമേ പുരട്ടുന്നതും തിളക്കമുള്ള ചർമ്മം പ്രദാനം ചെയ്യും. 

മുഖത്തിനു മാത്രമല്ല ശരീരത്തിനും കൂടിയുള്ള ഒരു മികച്ച ക്ലെൻസറായി ഇത് പ്രവർത്തിക്കുന്നു. മുഖക്കുരു, പാടുകൾ, പിഗ്മൻ്റേഷൻ എന്നിവ അകറ്റി തിളക്കമുള്ള തുടുത്ത ചർമ്മം നൽകുന്നു. ബീറ്റ്റൂട്ട് ചർമ്മ പരിചരണത്തിനായി എങ്ങനെ ഉപയോഗിക്കാം എന്ന് കൂടുതൽ അറിയാം. 

ആഘോഷ ദിവസങ്ങളിൽ തിളക്കമുള്ള ചർമ്മം ലഭിക്കുന്നതിന് പാർലറുകളിൽ നിന്നും ലഭ്യമായ ഫേഷ്യൽ ചെയ്യുന്നതാകും പതിവ്. എന്നാൽ പൈസ കൊടുത്ത് അവ ചെയ്യുന്നതിനു പകരം ബീറ്ററൂട്ട് പോലെയുള്ള ചർമ്മ സംരക്ഷണ​ ചേരുവകൾ ഉപയോഗിച്ച് അത് വീട്ടിൽ തന്നെ ട്രൈ ചെയ്തു നോക്കൂ. പാർലറിൽ ചെയ്യുന്നതു പോലെ തന്നെ ഘട്ടം ഘട്ടമായി തന്നെ ഫേഷ്യൽ ബീറ്റൂട്ട് ഉപയോഗിച്ച് എങ്ങനെ ചെയ്യാം എന്ന് പരിചയപ്പെടാം. 

ക്ലെൻസർ

രണ്ട് ടേബിൾസ്പൂൺ തൈരിലേയ്ക്ക് ഒരു ടേബിൾസ്പൂൺ ബീറ്റ്റൂട്ട് ജ്യൂസ് ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി മൃദുവായി മസാജ് ചെയ്യാം. ശേഷം തുടച്ചു കളയാം.

ബീറ്റ്റൂട്ട് സ്ക്രബ്

ഒരു ടേബിൾസ്പൂൺ അരിപ്പൊടിയിലേയ്ക്ക് രണ്ട് ടേബിൾസ്പൂൺ​ ബീറ്റ്റൂട്ട് ജ്യൂസ് ചേർത്തിളക്കി യോജിപ്പിക്കാം. ഇതിലേയ്ക്ക് ഒരു ടേബിൾസ്പൂൺ തൈര് ചേർക്കാം. ഈ മിശ്രിതം മുഖത്ത് പുരട്ടി മൃദുവായി മസാജ് ചെയ്യാം. ശേഷം തുടച്ചു കളയാം.

ബീറ്റ്റൂട്ട് ജെൽ

രണ്ട് ടേബിൾസ്പൂൺ കറ്റാർവാഴയിലേയ്ക്ക് രണ്ട് ടേബിൾസ്പൂൺ​ ബീറ്റ്റൂട്ട് ജ്യൂസ് ചേർത്തിളക്കി യോജിപ്പിക്കാം. ആ മിശ്രിതം മുഖത്ത് പുരട്ടി 10 മിനിറ്റ് മൃദുവായി മസാജ് ചെയ്യാം. 

ബീറ്റ്റൂട്ട് ഫെയ്സ് മാസ്ക്

രണ്ട് ടേബിൾസ്പൂൺ മുൾട്ടാണി മിട്ടിയിലേയ്ക്ക് അ ടീസ്പൂൺ മഞ്ഞൾപ്പൊടിയും രണ്ട് ടേബിൾസ്പൂൺ കറ്റാർവാഴ ജെല്ലും, രണ്ട് ടേബിൾസ്പൂൺ ബീറ്റ്റൂട്ട് ജ്യൂസും ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 20 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം.

മോയ്സ്ച്യുറൈസർ

മുഖം വൃത്തിയായി കഴുകി തുടച്ചതിനു ശേഷം സ്ഥിരമായി ഉപയോഗിക്കുന്ന ഹൈഡ്രേറ്റിങ് ആയിട്ടുള്ള മോയ്സ്ച്യുറൈസർ ക്രീം പുരട്ടാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഇത്തിരി കുഞ്ഞൻ ഉലുവ വിത്തിന് ഒട്ടേറെ ഗുണങ്ങളുണ്ട്, ഈ ഹെയർമാസ്ക്കുകൾ ശീലമാക്കൂ
• തലമുടി ഇടതൂർന്ന് വളരും, ഈ എണ്ണ ഉപയോഗിക്കുന്നത് ശീലമാക്കൂ
• ഓറഞ്ച് തൊലി വലിച്ചെറിയല്ലേ...ഉപയോഗങ്ങൾ അനവധിയാണ്
• ബ്ലീച്ച് ചെയ്ത് സമയം കളയുന്നതിനു പകരം തൈരും അരിപ്പൊടിയും ഇങ്ങനെ ഉപയോഗിക്കൂ