ബ്ലീച്ച് ചെയ്ത് സമയം കളയുന്നതിനു പകരം തൈരും അരിപ്പൊടിയും ഇങ്ങനെ ഉപയോഗിക്കൂ

പ്രകൃതി ദത്തമായ ചേരുവകൾ കലർന്ന ഉത്പന്നങ്ങൾക്ക് ചർമ്മത്തിൽ അത്ഭുതങ്ങൾ സൃഷ്ടിക്കാൻ സാധിക്കും. അതിനായി വേണ്ട ചേരുവകൾ വീട്ടിൽ തന്നെ ലഭ്യമാണ്. അത്തരത്തിലൊന്നാണ് അരിപ്പൊടിയും തൈരും ഉപയോഗിച്ചുള്ള ഈ ബ്ലീച്ച്.

ചേരുവകൾ

അരിപ്പൊടി- 2 ടേബിൾസ്പൂൺ, തൈര്- 1 ടേബിൾസ്പൂൺ, തേൻ- ആവശ്യത്തിന്, റോസ് വാട്ടർ- ആവശ്യത്തിന്

അരിപ്പൊടി ഒരു നാച്യുറൽ സ്ക്രബ്ബാണ്. ഇത് മുഖത്തെ കരുവാളിപ്പ്, പാടുകൾ അടിഞ്ഞു കൂടിയ എണ്ണ അഴുക്ക് എന്നിവ നീക്കം ചെയ്യാൻ സഹായിക്കും. തൈരിന് ബ്ലീച്ചിങ് സവിശേഷതകളുണ്ട്. അത് ചർമ്മത്തിൽ ആഴ്ന്നിറങ്ങി തിളക്കവും മൃദുത്വവും നൽകും.

തയ്യാറാക്കുന്ന വിധം

ഒരു ടേബിൾസ്പൂൺ​ തൈരിലേയ്ക്ക് രണ്ട് ടേബിൾസ്പൂൺ അരിപ്പൊടി ചേർത്തിളക്കി യോജിപ്പിക്കാം. ഇതിലേയ്ക്ക് തേനും അൽപം റോസ്‌വാട്ടറും കലർത്തിയെടുക്കാം.

ഉപയോഗിക്കേണ്ട വിധം

വൃത്തിയായി കഴുകിയ മുഖത്ത് തയ്യാറാക്കിയ മിശ്രിതം ബ്രെഷ് ഉപയോഗിച്ചോ കൈകൾ കൊണ്ടോ പുരട്ടാം. ശേഷം 20 മിനിറ്റ് വിശ്രമിക്കാം. കഴുകുന്നതിനു മുമ്പായി കൈകൾ ഉപയോഗിച്ച് മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. | ചിത്രങ്ങൾ: ഫ്രീപിക്