കഞ്ഞി വെള്ളം എന്തിന് വെറുതെ കളയണം, മുഖം കഴുകാൻ ഉപയോഗിച്ചു നോക്കൂ

ചോറ് വെന്ത് കഴിഞ്ഞാൽ ഇനി കഞ്ഞി വെള്ളം എന്തിനാണ്?. അങ്ങനെ ചിന്തിക്കാൻ വരട്ടെ, ധാരാളം പോഷക ഗുണങ്ങൾ കഞ്ഞിവെള്ളത്തിൽ അടങ്ങിയിട്ടുണ്ട്. അതിൽ പ്രോട്ടീനുകളും കാർബോഹൈഡ്രേറ്റുകളും ഉൾപ്പെടും. ഇത് ആരോഗ്യത്തിന് മാത്രമല്ല ചർമ്മ സംരക്ഷണത്തിനും ഫലപ്രദമാണെന്ന് അറിയാമോ?. മുഖത്തിനും തലമുടിയുടെ ആരോഗ്യത്തിനും ഇനി കഞ്ഞിവെള്ളം ഉപയോഗിച്ചു നോക്കൂ.

കഞ്ഞി വെള്ളം എങ്ങനെ ഉപയോഗിക്കാം

• കഞ്ഞിവെള്ളം ഉപയോഗിച്ച് പതിവായി മുഖം കഴുകുന്നത് ചർമ്മം തിളക്കുമുള്ളതും മൃദുവുാക്കും. അതിൽ അടങ്ങിയിരിക്കുന്ന ഫിനോളിക് ആസിഡ് ഫ്ലേവനോയിഡ് എന്നീ സംയുക്തങ്ങളാണ് ഗുണകരം. ഇവയ്ക്ക് ആൻ്റി ഇൻഫ്ലമേറ്ററി ഗുണങ്ങളുണ്ട്. ഇത് ചർമ്മത്തിലെ ചുവപ്പ് പാടുകൾ അകറ്റാൻ സഹായിക്കും. മുഖം വൃത്തിയാക്കി സുഷിരങ്ങൾ അടഞ്ഞു പോകുന്നത് തടയുന്നു. ഇത് മുഖക്കുരുവിനെ പ്രതിരോധിക്കുന്നു.
• കഞ്ഞിവെള്ളത്തിൽ വിറ്റാമിൻ ബി, വിറ്റാമിൻ ഇ എന്നിവ അടങ്ങിയിട്ടുണ്ട്. ചർമ്മത്തിൽ യുവത്വം നിലനിർത്തുന്നതിന് ഇത് സഹായിച്ചേക്കും. അമിതമായി വെയിൽ ഏൽക്കുന്നത് മൂലം ഉണ്ടാകുന്ന ടാൻ കുറയ്ക്കുന്നു. കൂടാതെ കണ്ണിനു ചുറ്റുമുള്ള കറുത്ത പാടുകൾ മങ്ങുന്നതിനും സഹായിക്കും. മുഖത്ത് മാത്രമല്ല കഴുത്തിനു ചുറ്റമുള്ള കറുത്ത പാടുകൾക്കും കഞ്ഞിവെള്ളം മികച്ച പ്രതിവിധിയാണ്. 

• കുളിക്കുന്നതിനു മുമ്പായി അൽപ്പം കഞ്ഞി വെള്ളം ഉപയോഗിച്ച് മുഖം കഴുകുക. ഏകദേശം പതിനഞ്ച് മിനിറ്റിനു ശേഷം സാധാരണ വെള്ളം ഉപയോഗിച്ച് കഴുകി കളയാം. കരുവാളിപ്പ് അകറ്റി ചർമ്മം തിളക്കമുള്ളതാക്കാൻ ഇത് ദിവസേന ചെയ്യാവുന്നതാണ്.  
• കട്ടിയുള്ള ഇടതൂർന്ന മുടിയുടെ വളർച്ചക്കും കഞ്ഞിവെള്ളം ഉപയോഗിക്കാവുന്നതാണ്. ഇതിനായി ഒരു കപ്പ് കഞ്ഞിവെള്ളത്തിൽ 20 ഗ്രാം ഉലുവ ഒരു രാത്ര കുതിർത്തു വയ്ക്കുക. പിറ്റേ ദിവസം ഇതേ വെള്ളം അരിച്ചെടുക്കാം. ശേഷം തലമുടി കഴുകുന്നതിനായോ അല്ലെങ്കിൽ നനഞ്ഞ മുടിയിൽ പുരട്ടുകയോ ചെയ്യാവുന്നതാണ്. പത്ത് മിനിറ്റിനു ശേഷം കഴുകി കളയാം. ഇത് മുടി കൊഴിച്ചിൽ തടയാൻ സഹായിച്ചേക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തണുത്ത വെള്ളത്തിൽ മുഖം കഴുകുന്നത് ശീലമാക്കിക്കോളൂ, ഗുണങ്ങൾ അറിയാം
• ചർമ്മ സംരക്ഷണത്തിന് തേൻ, ഇങ്ങനെ ഉപയോഗിച്ചു നോക്കൂ
• മുടി കൊഴിച്ചിലും അകാല നരയും അകറ്റാൻ ചില നുറുങ്ങു വിദ്യകൾ
• നാരങ്ങയും കറ്റാർവാഴയും കഞ്ഞിവെള്ളവും ഉണ്ടെങ്കിൽ കാൽപാദങ്ങൾ തിളങ്ങും