ചായക്കറയോ തുരുമ്പോ ഏതുമാകട്ടെ, ഈ പൊടി ഒരുസ്പൂൺ ഉണ്ടെങ്കിൽ വസ്ത്രങ്ങൾ പുതുപുത്തനായിരിക്കും

തൂവെള്ള നിറത്തിലുള്ള ഷർട്ടിലും ടോപ്പിലും തുരുമ്പ് കറയോ, ചായ കറയോ കണ്ടാൽ ഇനി മാറ്റി വയ്ക്കേണ്ട. സ്ഥിരമായി ഉപയോഗിക്കുന്ന നിങ്ങളുടെ ഇഷ്ട വസ്ത്രങ്ങളിൽ ഇത്തരത്തിൽ വിട്ടുമാറാത്ത കറ ഉണ്ടാകുന്നത് സ്വാഭാവികമാണ്. സ്ഥിരമായി ഉപയോഗിക്കുന്ന ഡിറ്റർജൻ്റുകൾ ഇതിന് ഒരു ശാശ്വത പരിഹാരമാകണമെന്നില്ല. 

Also Read: കറകൾ പമ്പ കടക്കും, വെള്ള വസ്ത്രങ്ങൾ കഴുകാൻ ഇനി ഇവ രണ്ടും ഉപയോഗിക്കൂ

പകരം അടുക്കളയിലുള്ള ബേക്കിംഗ് സോഡ ഒരു സ്പൂൺ ഉപയോഗിച്ച് അവ നീക്കം ചെയ്ത് നിങ്ങളുടെ പ്രിയപ്പെട്ട വസ്ത്രം പുതുപുത്തനായിരിക്കാം. 

Also Read: ദിവസങ്ങളോളം വസ്ത്രത്തിൽ സുഗന്ധം നിൽക്കും; ഇതാ പൊടിക്കൈകൾ

ബേക്കിംഗ് സോഡ ഉപയോഗിക്കേണ്ട വിധം

• തുരുമ്പോ, ചായക്കറകളോ പിടിച്ച വെളുത്ത തുണി നനച്ചെടുക്കുക. 
• ആ ഭാഗത്ത് ഡിഷ് സോപ്പ് പുരട്ടാം. 
• ശേഷം അൽപം ബേക്കിംഗ് സോഡ വിതറാം. 
• ഒരു ബ്രഷ് ഉപയോഗിച്ച് കറ പിടിച്ച ഭാഗം മൃദുവായി ഉരസാം. ശേഷം തണുത്ത വെള്ളത്തിൽ കഴുകി കളയാം. 
• കറ പിടിച്ചാൽ അത് മാറ്റി വയ്ക്കാതെ ഉടനടി കഴുകാൻ ശ്രദ്ധിക്കാം. 

Also Read: കരിമ്പനും കറയും എളുപ്പത്തിൽ അകറ്റാൻ ഇതാ ചില പൊടിക്കൈകൾ

ബ്ലീച്ചിംഗ് പൗഡർ ഉപയോഗിക്കാം

• ആദ്യം, നിങ്ങളുടെ വെള്ള വസ്ത്രങ്ങൾ സോപ്പ് പൊടി ചേർത്ത് വെള്ളത്തിൽ മുക്കി വയ്ക്കാം. 
• തുടർന്ന്, ഒരു വലിയ ബക്കറ്റിൽ വെള്ളം എടുക്കുക. വെള്ളത്തിൽ അല്പം ബ്ലീച്ചിംഗ് പൗഡർ ചേർത്ത്, ഒരു കോട്ടൺ തുണി കൊണ്ട് മൂടി നന്നായി അലിഞ്ഞുചേരാൻ അനുവദിക്കുക. 
• ഈ വെള്ളത്തിൽ വാഷിംഗ് സോഡ ചേർത്ത് നന്നായി ഇളക്കുക. വെള്ള വസ്ത്രങ്ങൾ ഈ മിശ്രിതത്തിൽ മുക്കിവയ്ക്കുക. കുറഞ്ഞത് 12 മണിക്കൂറെങ്കിലും കുതിർക്കാൻ വയ്ക്കുക.

Read More: ഒരു മുറി നാരങ്ങയും ഉപ്പും മതി, തുണികളുടെ വില്ലനായ കരിമ്പന് വിട