പോപ് ഗായിക ഷക്കീറയുടെ വേൾഡ് ടൂർ ഔട്ട്ഫിറ്റ് ഒരുക്കിയത് ഈ ഇന്ത്യൻ ഡിസൈനർ

2010 ലോകകപ്പിന് പുറത്തിറങ്ങിയ 'വക്കാ വക്കാ' എന്ന ഔദ്യോഗിക ഗാനത്തിന് ചുവടു വയ്ക്കാത്തതായി ആരാണുള്ളത്? ലോകമെമ്പാടും ഏറെ ആഘോഷിക്കപ്പെട്ട ഗാനമായിരുന്ന ഷക്കീറയുടെ വക്കാ വക്കാ. യൂട്യൂബിൽ ഏറ്റവും അധികം ആളുകൾ കണ്ട വീഡിയോ ആയിരുന്നു അത്. ഹൃദയതാളത്തെ പോലും നിയന്ത്രിക്കുന്ന ചുവടുകളുമായി ഷക്കീറയോടൊപ്പം ലോകം മുഴുവൻ ഫുഡ്ബോൾ നെഞ്ചിലേറ്റി. 

'ദിസ് ടൈം ഫോർ ആഫ്രിക്ക' ആൽബത്തിൽ നിന്ന്.

ഇന്ത്യയിൽ ഏറെ ആരാധകരുള്ള ഷക്കീറയുടെ 2025 വേൾഡ് ടൂറിലെ ഔട്ട്ഫിറ്റ് ഒരുക്കിയിരിക്കുന്നത് സെലിബ്രിറ്റി ഡിസൈനറായ അനാമിക ഖന്നയാണ്. ബോളിവുഡും കടന്ന് ഹോളിവുഡിലേയ്ക്കു വരെ ചുവടു വച്ചിരിക്കുകയാണ് ഇന്ത്യൻ ഫാഷൻ ലോകം.

റിയോ ഡി ജനീറോയിൽ വച്ചു നടന്ന ഓപ്പണിങ് നൈറ്റിലാണ് കൈകൊണ്ട് തുന്നിയ എംബ്രോയിഡറി വർക്കുകൾ കൊണ്ട് അതിമനോഹരമായ അനാമികയുടെ ചുവപ്പൻ ബ്രാലെറ്റ് ഔട്ട്ഫിറ്റും അണിഞ്ഞ് ഷക്കീറ എത്തിയത്. 

നിക്കോളാസ് ബ്രൂ ആണ് ഈ എലഗെൻ്റ് ബോൾഡ് ലുക്ക് ഷക്കീറക്കായി സ്റ്റൈൽ ചെയ്തത്. മനോഹരമായ ത്രെഡ് വർക്കുകളിൽ തീർത്ത ബ്രാലെറ്റ് ടോപ്പാണ് ഏറ്റവും ആകർഷകം. അതിൽ തന്നെ സ്വരോവ്സികി ക്രിസ്റ്റലുകൾ പതിപ്പിച്ചിട്ടുണ്ട്.

ഷക്കീറയുടെ നൃത്ത ചുവടുകൾക്കൊപ്പം ഒഴുകി നടക്കുന്ന ഫ്രിൽഡ് സ്കേർട്ടും അണിഞ്ഞിരിക്കുന്നു. അതിലും ക്രിസ്റ്റലുകൾ കൊണ്ടുള്ള ഹെവി വർക്കുകൾ കാണാം. 

ട്രെഡീഷ്ണൽ എംബ്രോയിഡറി വിദ്യകൾക്കൊപ്പം ഗ്ലോബൽ ഫാഷൻ ആശയങ്ങളും കൊരുത്തു വച്ച ഷോസ്റ്റോപ്പിംഗ് ഔട്ട്ഫിറ്റ് എന്നു തന്നെ ഇതിനെ വിശേഷിപ്പിക്കാം. 

ഇന്ത്യയിലെ ഏറ്റവും മികച്ച ഫാഷൻ ഡിസൈനർമാരിൽ ഒരാളാണ് അനാമിക ഖന്ന. ട്രെഡീഷ്ണങ്ങൾ മോഡേൺ ഫാഷനുകളുടെ ഫ്യൂഷൻ പരീക്ഷണങ്ങളാണ് അനാമികയ്ക്ക് ഏറെ ശ്രദ്ധനേടി കൊടുത്തത്. 2007ലെ പാരീസ് ഫാഷൻ വീക്കിൽ വസ്ത്ര കളക്ഷനുകൾ പ്രദർശിപ്പിക്കാൻ ആദ്യമായി അവസരം ലഭിച്ച ഇന്ത്യൻ ഡിസൈനർ കൂടിയാണ് അനാമിക.

അന്താരാഷ്ട്ര ഫാഷൻ വേദികളിൽ പ്രത്യക്ഷപ്പെടുന്ന അപൂർവം ചില ഡിസൈനർമാരിൽ ഒരാൾ കൂടിയാണ്. അനാമിക ഖന്നയുടെ നിരവധി സ്റ്റൈലുകൾ ഫാഷൻ പ്രമികളുടെ നിഘണ്ടുവിൽ ഇടംപിടിച്ചിട്ടുണ്ട്. അതിൽ ഒന്നാണ് 'ധോത്തി സാരി'.  ബോളിവുഡ് നടി സോനം കപൂർ പല വേദികളിലും അത് ധരിച്ചെത്തിയിട്ടുണ്ട്.  

Read More

• ഗ്ലാം ക്വീനായി ദീപികയുടെ ദുബായ് ഫോട്ടോഷൂട്ട്
• റാംപ് വാക്കിൽ രോഹിത് ബാലിൻ്റെ ഓർമയിൽ വിതുമ്പി സോനം കപൂർ; ചിത്രങ്ങൾ
• തലമുടിക്ക് മികച്ച ക്ലെൻസർ തപ്പി സമയം കളയേണ്ട, വീട്ടിൽ തന്നെയുണ്ട് പ്രതിവിധി
• മുൾട്ടാണി മിട്ടിയുടെ ഗുണങ്ങൾ അറിയാമോ? ഉപയോഗിക്കാം വ്യത്യസ്ത തരത്തിൽ
• ഒരു തുള്ളി നെയ്യ് മതി, യുവത്വം തുളുമ്പുന്ന മൃദു ചർമ്മം നേടാം
• കറുത്ത ഇടതൂർന്ന മുടി ഇനി സ്വപ്നമല്ല; ഈ മൈലാഞ്ചി വിദ്യകൾ ട്രൈ ചെയ്യൂ
• മുടിയുടെ അറ്റം പിളർന്നു പോകുന്നത് തടയാം, പരിചരണം ഇങ്ങനെ ചെയ്യൂ
• തുളസിയുടെ മണം മാത്രമല്ല ചർമ്മ സംരക്ഷണ ഗുണങ്ങളും അത്ഭുതപ്പെടുത്തും; ഈ 5 ഫെയ്സ്മാസ്ക്കുകൾ ഉപയോഗിക്കൂ