കെമിക്കലുകൾ ഇല്ലാതെ വെറും 1 മിനിറ്റിൽ മുടി കറുപ്പിക്കാം, തേയില വെള്ളം കൈയ്യിലുണ്ടെങ്കിൽ

കാലാവസ്ഥയ്ക്കനുസരിച്ച് സൗന്ദര്യ പരിചരണത്തിൽ മാറ്റങ്ങൾ കൊണ്ടു വരണം. ചർമ്മത്തിന് എന്നതു പോലെ തലമുടിക്കും പ്രത്യേക പരിചരണം ആവശ്യമാണ്. ചൂടും വിയർപ്പും മുടി വേരുകളിൽ അമിതമായി സെബം അടിഞ്ഞു കൂടുന്നതിന് കാരണമാകും. വിയർപ്പു കൂടുന്നതോടെ തലയോട്ടിയിൽ ചൊറിച്ചിലുണ്ടാകുന്നു. ഇത് പ്രശ്നങ്ങൾ വഷളാക്കുകയേ ഉള്ളൂ. 

Also Read: ഹെയർ ഡൈ ഇനി വീട്ടിൽ തന്നെ തയ്യാറാക്കാം വെളുത്തുള്ളി കൈയ്യിലുണ്ടെങ്കിൽ

ഇവയോടൊപ്പം അകാല നര കൂടി കണ്ടുതുടങ്ങിയാൽ വൈകാതെ പരിഹാരം തേടേണ്ടതുണ്ട്. അതിന് പ്രത്യേകം ഉത്പന്നങ്ങൾ തിരഞ്ഞെടുക്കുന്നതിനു പകരം ഒരു ഒറ്റമൂലി തന്നെ കണ്ടെത്താം. എന്നാൽ അവ പോക്കറ്റ് കാലിയാക്കുന്നവയും ആകരുത്. അങ്ങനെയങ്കിൽ തേയിലപ്പൊടിയും കരിഞ്ചീരകം ഉപയോഗിച്ചു നോക്കൂ. ഇത് ഒരു മികച്ച ഹെയർ ഡൈ മാത്രമല്ല തലമുടിയുടെ ആരോഗ്യത്തിന് സഹായകരമായ ഹെയർ മാസ്ക് കൂടിയാണ്.

കരിഞ്ചീരകം എന്ന ചെറിയ വിത്ത് ആരോഗ്യ ഗുണങ്ങളാല്‍ കേമനാണ്. ഇതു പോലെ തന്നെ ഇത് ചര്‍മ, മുടി സംരണത്തിനും ഏറെ മികച്ചതാണ്. കരിഞ്ചീരക എണ്ണ മുടിയില്‍ പുരട്ടുന്നത് മുടി നല്ല ഉള്ളോടെ, ആരോഗ്യത്തോടെ വളരാന്‍ സഹായിക്കുന്നു.

Also Read: നരച്ച മുടിക്ക് കറുപ്പ് നൽകാൻ ഒരു കടുക് മാജിക്; ഇനി പായ്ക്കറ്റ് ഹെയർ ഡൈ വേണ്ട

ചേരുവകൾ

• കരിഞ്ചീരകം
• നെല്ലിക്കപ്പൊടി
• മൈലാഞ്ചിപ്പൊടി
• തേയില വെള്ളം

തയ്യാറാക്കുന്ന വിധം

അടി കട്ടിയുള്ള ഒരു പാത്രമോ ഇരുമ്പ് ചീനച്ചട്ടിയോ അടുപ്പിൽ വച്ച് കരിഞ്ചീരകം അതിൽ ചേർത്തു വറുക്കാം. ശേഷം ഇത് പൊടിച്ചെടുക്കാം. അതിലേയ്ക്ക് നെല്ലിക്കപ്പൊടിച്ചതും മൈലാഞ്ചിയില പൊടിച്ചതും ചേർക്കാം. കുറച്ച് തേയില വെള്ളം കൂടി ഒഴിച്ച് ഇത് ഇളക്കി യോജിപ്പിക്കാം. ശേഷം അരമണിക്കൂർ അത് അടച്ചു സൂക്ഷിക്കാം.

Also Read: മുടികൊഴിച്ചിലിന് ബൈ പറയാം, കൈയ്യിലുള്ള ഈ മൂന്ന് വിത്തുകൾ മതി

ഉപയോഗിക്കേണ്ട വിധം

ഒട്ടും എണ്ണ മയമില്ലാത്ത മുടിയിഴകളിൽ ഈ മിശ്രിതം പുരട്ടാം. 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

ഇക്കാര്യങ്ങൾ ശ്രദ്ധിക്കാം

പാച്ച് ടെസ്റ്റ് ചെയ്ത് എന്തെങ്കിലും തരത്തിലുള്ള അലർജി ഇല്ലെന്ന് ഉറപ്പാക്കിയതിനു ശേഷം മാത്രം ഇത് സ്ഥിരമായി ഉപയോഗിക്കുക. എന്തെങ്കിലും തരത്തിലുള്ള ബുദ്ധിമുട്ടുകൾ അനുഭവപ്പെട്ടാൽ ഒരു ആരോഗ്യ വിദഗ്ധൻ്റെ  നിർദ്ദേശം തേടാൻ മടിക്കേണ്ട. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: മുടിയഴകിന് പ്രകൃതിദത്ത പരിഹാരം, ഈ ഹെയർ മാസ്ക് ശീലമാക്കാം