ഒറ്റരാത്രി കൊണ്ട് ചർമ്മം തിളങ്ങും ഇതിൽ ഒരു ഫെയ്സ്മാസ്ക് ട്രൈ ചെയ്യൂ

ചർമ്മ പരിചരണത്തിന് ഒരുപാട് കാര്യങ്ങൾ ചെയ്ത് തോൽവി സമ്മതിച്ചോ? എങ്കിലിനി ചില വീട്ടുവിദ്യകൾ ട്രൈ ചെയ്യൂ. പാർശ്വഫലങ്ങൾ ഒട്ടും ഇല്ലെന്നു മാത്രമല്ല വളരെ പെട്ടെന്നു തന്നെ ചർമ്മത്തിൽ മാറ്റങ്ങൾ കണ്ടുതുടങ്ങും. 

വീട്ടിൽ തന്നെ തയ്യാറാക്കി ട്രൈ ചെയ്യാവുന്ന ധാരാളം ഫെയ്സ്മാസ്ക്കുകൾ ഉണ്ട്. രാത്രിയിൽ ഉറങ്ങുന്നതിനു മുമ്പായി ഇതിലൊന്ന് ഉപയോഗിക്കുന്നത് ശീലമാക്കൂ. പാച്ച് ടെസ്റ്റ് ചെയ്തു നോക്കാൻ മറക്കേണ്ട.

തേനും കറ്റാവാഴയും

ഒരു ടേബിൾസ്പൂൺ കറ്റാർവാഴജെല്ലിലേയ്ക്ക് ഒരു ടേബിൾസ്പൂൺ​ തേൻ ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി രാത്രി ഉറങ്ങാൻ കിടക്കാം. രാവിലെ തണുത്ത വെള്ളത്തിൽ കഴുകി കളയാം. 

തൈര് ഫെയ്സമാസ്ക്

വൃത്തിയായി കഴുകിയ മുഖത്ത് രണ്ട് ടേബിൾസ്പൂൺ​ തൈര് പുരട്ടാം. രാവിലെ ഉണരുമ്പോൾ തണുത്ത വെള്ളത്തിൽ കഴുകി കളയാം. 

അവക്കാഡോ ഫെയ്സ്മാസ്ക്

നന്നായി പഴുത്ത ഒരു അവക്കാഡോയുടെ പകുതി തൊലി കളഞ്ഞ് ഉടച്ചെടുക്കാം. അതിലേയ്ക്ക് ഒരു ടീസ്പൂൺ ഒലിവ് എണ്ണ ചേർത്തിളക്കി യോജിപ്പിക്കാം. രാത്രിയിൽ ഉറങ്ങുന്നതിനു മുമ്പ് ഈ മിശ്രിതം മുഖത്ത് പുരട്ടാം. ശേഷം തണുത്ത വെള്ളത്തിൽ കഴുകി കളയാം. 

ഓട്സ് തേൻ

ഒരു ടേബിൾസ്പൂൺ ഓട്സ് പൊടിച്ചെടുക്കാം. അതിലേയ്ക്ക് ഒരു ടേബിൾസ്പൂൺ തേൻ ചേർത്തിളക്കി യോജിപ്പിക്കാം. ഇത് വൃത്തിയാക്കിയ മുഖത്ത് പുരട്ടാം. രാവിലെ ഉണരുമ്പോൾ തണുത്ത വെള്ളത്തിൽ കഴുകി കളയാം. 

റോസ്‌വാട്ടർ ഗ്ലിസറിൻ

ഒരു ടേബിൾസ്പൂൺ​ റോസ്‌വാട്ടറിലേയ്ക്ക് ഒരു ടീസ്പൂൺ​ ഗ്ലിസറിൻ ചേർത്തിളക്കി യോജിപ്പിക്കാം. ഇത് വൃത്തിയായി കഴുകിയ മുഖത്ത് പുരട്ടാം. രാവിലെ ഉണർന്നയുടൻ തണുത്ത വെള്ളത്തിൽ കഴുകി കളയാം. 

മഞ്ഞൾപ്പൊടി പാൽ

ഒരു ടീസ്പൂൺ മഞ്ഞൾപ്പൊടിയിലേയ്ക്ക് രണ്ട് ടേബിൾസ്പൂൺ​ പാൽ ചേർത്തിളക്കി യോജിപ്പിക്കാം. രാത്രി ഉറങ്ങാൻ കിടക്കുന്നതിനു മുമ്പ് ഈ മിശ്രിതം മുഖത്ത് പുരട്ടാം. രാവിലെ ഉണർന്നയുടൻ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• എണ്ണ മയമുള്ളതോ വരണ്ടതോ ആയ ചർമ്മത്തിന് ഗുണകരം ഈ ഫെയ്സ്‌വാഷ്Life
• മുഖത്തെ ബ്ലാക്ഹെഡ്സ് അകറ്റാം ഞൊടിയിടയിൽ, വെളിച്ചെണ്ണ മതി
• നെയ്യും ബദാമും മതി, കണ്ണിന് അഴകേകാൻ കാജൽ വീട്ടിൽ തയ്യാറാക്കാം
• കരുത്തുള്ള മുടിക്ക് വേണം തൈര് ചേർത്ത ഹെയർ മാസ്ക്കുകൾ
• 30കളിലും ഗ്ലാസ് സ്കിൻ നേടാം, ഗ്ലിസറിനും വെളിച്ചെണ്ണയും മതി