എണ്ണ മയമുള്ളതോ വരണ്ടതോ ആയ ചർമ്മത്തിന് ഗുണകരം ഈ ഫെയ്സ്‌വാഷ്

ചർമ്മം വൃത്തിയാക്കി സൂക്ഷിക്കണം. സ്ഥിരമായി മേക്കപ്പ് ഉപയോഗിക്കുന്നവരാണെങ്കിൽ ഉറങ്ങുന്നതിനു മുമ്പായി അവ നീക്കം ചെയ്യേണ്ടതുണ്ട്. ഇതിന് സഹായിക്കുന്ന സൗന്ദര്യ വർധക ഉത്പന്നങ്ങൾക്ക് വിപണിയിൽ യാതൊരു കുറവുമില്ല. എന്നാൽ അവയിൽ അടങ്ങിയിരിക്കുന്ന രാസ വസ്തുക്കൾ ചർമ്മാരോഗ്യത്തെ പ്രതികൂലമായി ബാധിച്ചേക്കാം.

ഏറ്റവും അധികം ആളുകളും തേടുന്നത് മുഖത്തെ കറുത്തപാടുകൾ, ടാൻ എന്നിവ അകറ്റാൻ സഹായിക്കുന്ന ചർമ്മത്തിന് അനുയോജ്യമായ  വസ്തുക്കളാണ്. പ്രകൃതിദത്തമായ ചേരുവകൾ തിരഞ്ഞെടുക്കുക എന്നതാണ് ഉചിതം.  വലിയ വില കൊടുക്കാതെ തന്നെ അത്തരം ചേരുവകൾ വീട്ടിൽ ലഭ്യമാണ്.

എണ്ണ മയമുള്ള ചർമ്മത്തിന്

മുൾട്ടാണി മിട്ടിയും കറ്റാർവാഴയും എണ്ണ മയമുള്ള ചർമ്മം ആഴത്തിൽ വൃത്തിയാക്കാൻ ഗുണകരമാണ്. ഇവ ഒരുമിച്ച് ചേർത്ത് ഇളക്കിയോജിപ്പിക്കാം. ഈ മിശ്രിതം മുഖത്ത് പുരട്ടി മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. 

കോമ്പിനേഷൻ ചർമ്മത്തിന്

കടലമാവിലേയ്ക്ക് തൈര് ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 5 മിനിറ്റ് മൃദുവായി മസാജ് ചെയ്യാം. അമിതമായി എണ്ണ മയമുള്ള ഭാഗങ്ങളിൽ കേന്ദ്രീകരിക്കാം. ഇത് ചർമ്മത്തിൽ അടിഞ്ഞു കൂടിയ അഴുക്കും, എണ്ണ മയവും നീക്കം ചെയ്യുന്നു വരണ്ടു പോകാതെ തന്നെ. 

വരണ്ട ചർമ്മത്തിന്

നന്നായി പഴുത്ത പഴം ഉടച്ചതിലേയ്ക്ക് തേൻ ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 10 മിനിറ്റ് വിശ്രമിക്കാം. ഉണങ്ങിയതിനു ശേഷം മൃദുവായി മസാജ് ചെയ്ത് തണുത്ത വെള്ളത്തിൽ കഴുകി കളയാം. 

മുഖക്കുരു ഉള്ള ചർമ്മത്തിന് കഞ്ഞിവെള്ളം

കഞ്ഞിവെള്ളം ഉപയോഗിച്ച് പതിവായി മുഖം കഴുകുന്നത് ചർമ്മം തിളക്കുമുള്ളതും മൃദുവുാക്കും. അതിൽ അടങ്ങിയിരിക്കുന്ന ഫിനോളിക് ആസിഡ് ഫ്ലേവനോയിഡ് എന്നീ സംയുക്തങ്ങളാണ് ഗുണകരം. ഇവയ്ക്ക് ആൻ്റി ഇൻഫ്ലമേറ്ററി ഗുണങ്ങളുണ്ട്. ഇത് ചർമ്മത്തിലെ ചുവപ്പ് പാടുകൾ അകറ്റാൻ സഹായിക്കും. മുഖം വൃത്തിയാക്കി സുഷിരങ്ങൾ അടഞ്ഞു പോകുന്നത് തടയുന്നു. ഇത് മുഖക്കുരുവിനെ പ്രതിരോധിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുഖത്തെ ബ്ലാക്ഹെഡ്സ് അകറ്റാം ഞൊടിയിടയിൽ, വെളിച്ചെണ്ണ മതി
• നെയ്യും ബദാമും മതി, കണ്ണിന് അഴകേകാൻ കാജൽ വീട്ടിൽ തയ്യാറാക്കാം
• കരുത്തുള്ള മുടിക്ക് വേണം തൈര് ചേർത്ത ഹെയർ മാസ്ക്കുകൾ
• 30കളിലും ഗ്ലാസ് സ്കിൻ നേടാം, ഗ്ലിസറിനും വെളിച്ചെണ്ണയും മതി
• കൊഴിഞ്ഞ മുടി അതിവേഗം വളരാൻ റോസ്മേരി ഓയിൽ ഉപയോഗിക്കാം വ്യത്യസ്ത തരത്തിൽ