നെയ്യും ബദാമും മതി, കണ്ണിന് അഴകേകാൻ കാജൽ വീട്ടിൽ തയ്യാറാക്കാം

സൗന്ദര്യത്തിൻ്റെ പ്രാധാന ലക്ഷണമായി കാണുന്ന ഒന്നാണ് കണ്ണുകൾ. മനഹോരമായ കണ്ണുകൾ മുഖത്തിൻ്റെ ആകൃതി നിർണയിക്കും. അതിനായി കണ്ണിൽ കൺമഷി എഴുതുന്ന ശീലം ഏറെക്കാലമായി ഉണ്ട്.

നിലവിൽ പല നിറത്തിലും പല പ്രകൃതത്തിലും കൺമഷികൾ കടകളിൽ ലഭ്യമാണ്. എന്നാൽ അവയിൽ അടങ്ങിയിരിക്കുന്ന ലെഡ് പോലെയുള്ള ചേരുവകൾ കണ്ണിൻ്റെ ആരോഗ്യത്തിന് ദോഷം ചെയ്യും. അമ്മൂമ്മാരുടെ മറ്റും കാലത്ത് വീടുകളിൽ തന്നെ കാജൽ തയ്യാറാക്കുന്ന രീതിയുണ്ടായിരുന്നു. എള്ള് തിരിയും, നെയ്യും ഇതാനായി ഉപയോഗിച്ചിരുന്നു. ബദാമും നെയ്യും ഉപയോഗിച്ചും ഇത് തയ്യാറാക്കാം. ഇവയ്ക്ക് ധാരാളം ഗുണങ്ങളുണ്ട്.

ഗുണങ്ങൾ

ബദാമിൻ വിറ്റാമിൻ ധാരാളം അടങ്ങിയിട്ടുണ്ട്. ഇത് മികച്ച് ആൻ്റി ഓക്സിഡൻ്റാണ്. കണ്ണുകളെ ഓക്സിഡേറ്റീവ് സ്ട്രെസ്സിൽ നിന്നും സംരക്ഷിക്കുന്നതിന് സഹായിക്കും. തിമിരം, പ്രായസംബന്ധമായി കണ്ണിനെ ബാധിക്കുന്ന പല പ്രശ്നങ്ങൾക്കും പ്രതിരോധം തീർക്കാൻ ഇത് സഹായിക്കും എന്ന് വിദഗ്ധാഭിപ്രായം ഉണ്ട്.

നെയ്യിൽ അടങ്ങിയിരിക്കുന്ന കൊഴുപ്പ് കണ്ണിനു ചുറ്റുമുള്ള ചുളിവുകൾ, കറുപ്പ് നിറം എന്നിവ കുറയ്ക്കുന്നു. മാത്രമല്ല അവ സമ്മർദ്ദം കുറച്ച് കണ്ണുകൾക്ക് ക്ഷീണം ഉണ്ടാകുന്നത് തടയും. 

കെമിക്കൽ രഹിത കാജൽ എങ്ങനെ വീട്ടിൽ തയ്യാറാക്കാം

ചേരുവകൾ

• ബദാം- 1
• നെയ്യ്- 1 ടീസ്പൂൺ
• കോട്ടൺ തുണി

തയ്യാറാക്കുന്ന വിധം

• ഒരു വിളക്കോ മെഴുകുതിരിയോ കത്തിച്ച് മുകളിലായി ബദാം വയ്ക്കാം.
• ചൂടാകുമ്പോൾ ബദാമിൽ നിന്നും എണ്ണ പുറന്തള്ളപ്പെടും. അത് ശേഖരിച്ച് മാറ്റി വയ്ക്കാം.
• ശേഷം മുകളിലായി ചെറിയ മൺചട്ടി കമഴ്ത്തി ബദാം കത്തുമ്പോൾ ലഭിക്കുന്ന പുക തടയാം.
• അത് ചുരണ്ടി ഒരു സ്റ്റീൽ പാത്രത്തിലേയ്ക്കു മാറ്റാം.
• ഇതിലേയ്ക്ക് ബദാം എണ്ണ ചേർക്കാം. ഒപ്പം കുറച്ച് നെയ്യ് കൂടി ചേർത്തിളക്കി യോജിപ്പിക്കാം.
• വായുസഞ്ചാരമില്ലാത്ത, വൃത്തിയുള്ള ഒരു പാത്രത്തിലേയ്ക്കു മാറ്റി ഈർപ്പം ഏൽക്കാതെ ഇതു സൂക്ഷിക്കാം, ആവശ്യാനുസരണം ഉപയോഗിക്കാം.

ആവണക്കെണ്ണ ബദാം എണ്ണ കൺമഷി

ബദാം ഇല്ലെങ്കിലും ബദാം എണ്ണയും അൽപം ആവണക്കെണ്ണയും് ചേർത്തും കൺമഷി ഉണ്ടാക്കാം. അതെങ്ങനെ എന്ന് പരിചയപ്പെടാം.

ചേരുവകൾ

• നെയ്യ്- 2 ടേബിൾസ്പൂൺ 
• ബദാം എണ്ണ- 1 ടീസ്പൂൺ
• ആവണക്കെണ്ണ- 1 ടീസ്പൂൺ

തയ്യാറാക്കുന്ന വിധം

• ഒരു ബൗളിലേയ്ക്ക് നെയ്യെടുക്കാം. അതിൽ ബദാം എണ്ണ, ആവണക്കെണ്ണ എന്നിവ ചേർത്തിളക്കി യോജിപ്പിക്കാം.
• ഒരു മെഴുകുതിരി കത്തിച്ച് അതിനു മുകളിലായി ബൗൾ വച്ച് 15 മിനിറ്റ് ചൂടാക്കാം. ഇടയ്ക്ക് ഇളക്കിക്കൊണ്ടിരിക്കാം.
• നല്ല കറുത്ത നിറമായി മാറുന്നതു വരെ ഇത് തുടരാം. ശേഷം തീയിൽ നിന്നും മാറ്റി കൺമഷി മറ്റൊരു സ്റ്റീൽ ബൗളിലെടുക്കാം. ഏതാനും തുള്ളി ആവണക്കെണ്ണ. ബദാം എണ്ണ എന്നിവ ചേർത്തിളക്കി യോജിപ്പിക്കാം.
• വായുസഞ്ചാരമില്ലാത്ത, വൃത്തിയുള്ള ഒരു പാത്രത്തിലേയ്ക്കു മാറ്റി ഈർപ്പം ഏൽക്കാതെ ഇതു സൂക്ഷിക്കാം, ആവശ്യാനുസരണം ഉപയോഗിക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കരുത്തുള്ള മുടിക്ക് വേണം തൈര് ചേർത്ത ഹെയർ മാസ്ക്കുകൾ
• 30കളിലും ഗ്ലാസ് സ്കിൻ നേടാം, ഗ്ലിസറിനും വെളിച്ചെണ്ണയും മതി
• കൊഴിഞ്ഞ മുടി അതിവേഗം വളരാൻ റോസ്മേരി ഓയിൽ ഉപയോഗിക്കാം വ്യത്യസ്ത തരത്തിൽ
• ഒരു സ്പൂൺ നെയ്യിൽ നേടാം യുവത്വം തുളുമ്പുന്ന ചർമ്മം