പച്ചമുളക് കുലകണക്കിന് വിളവെടുക്കാം, ഈ വളം ഉപയോഗിച്ചു നോക്കൂ

കറികളിൽ ചേർക്കാൻ ഏറ്റവും അധികം ആവശ്യമുള്ളതാണ് പച്ചമുളക്. എന്നാൽ വിപണിയിൽ ഇതിന് വില അധികം നൽകേണ്ടി വന്നേക്കും. കുറച്ചു പരിശ്രമിച്ചാൽ മുളക് ചെടികൾ ആരോഗ്യത്തോടെ വീട്ടിൽ വളർത്താം. വിത്ത് പാകിയും തൈകൾ നട്ടും മുളക് കൃഷി ചെയ്തു തുടങ്ങാം. മുറ്റത്തും ടെറസിലും, ബാൽക്കെണിയിലും ഇത് വളരെ എളുപ്പാം വളർത്തിയെടുക്കാവുന്നതാണ്. 

Also Read: കിലോ കണക്കിന് കാന്താരി വിളവെടുക്കാം, ചെടി തഴച്ചു വളരാൻ ഇങ്ങനെ ചെയ്തു നോക്കൂ

മുളക് കൃഷിയിൽ ഇക്കാര്യങ്ങൾ ശ്രദ്ധിക്കാം

• ഈർപ്പമുള്ള അൽപം സൂര്യവെളിച്ചം ഏൽക്കുന്ന ഇടങ്ങളാണ് മുളകിന് ഉചിതം. എന്നാൽ വെള്ളം കെട്ടിനിൽക്കുന്നത് വേരുകൾ ചീഞ്ഞുപോകാനുള്ള സാധ്യത വർധിപ്പിക്കും.
• മണ്ണ് ഇളക്കി മുളകിൻ്റെ വിത്തുകൾ പാകാം. മുളപൊട്ടുന്നതു വരെ കൃത്യമായി വെള്ളം ഒഴിക്കാൻ മറക്കരുത്.
• അൽപം മുളപൊട്ടിയാൽ അവ സൂര്യപ്രകാശം ഏൽക്കുന്ന ഇടത്തേയ്ക്കു മാറ്റി നടാം. തൈകൾ തമ്മിൽ നല്ല അകലം പാലിക്കാൻ ശ്രദ്ധിക്കാം.
• തൈകൾക്ക് അമിത അളവിൽ വെള്ളം ഒഴിക്കേണ്ടതില്ല. വെള്ളം കെട്ടിനിൽക്കാനും പാടില്ല. ഇത് വേര് ചീഞ്ഞഴുകാൻ കാരണമാകും. മഴക്കാലത്തും ഇക്കാര്യം ശ്രദ്ധിക്കേണ്ടതുണ്ട്.
• അടുക്കളയിലെ ഭക്ഷ്യ അവശിഷ്ടങ്ങളും മറ്റും ജൈവവളമായി മുളക് ചെടിക്ക് നൽകാം. നല്ല പച്ചനിറമാകുമ്പോൾ മുളക് പാകമാകും. ശേഷം ഇത് വിളവെടുക്കാം. കൈകൊണ്ട് പറിച്ചെടുക്കുന്നതിനു പകരം കത്തിയോ, കത്രികയോ ഉപയോഗിക്കാം.

Also Read: വെളുത്തുള്ളി കാടുപോലെ വളരും, ഇങ്ങനെ നട്ടു നോക്കൂ

മുളക് ചെടിക്ക് ഉത്തമ വളം

എത്ര ശ്രമിച്ചിട്ടും മുളക് ചെടി വളരുന്നില്ല, കായ്ഫലം ലഭിക്കുന്നില്ല എന്നതാണോ പ്രശ്നം. നടുന്നതിൽ മാത്രമല്ല അവയ്ക്കു നൽകുന്ന പരിചരണത്തിലും ഏറെ ശ്രദ്ധവേണം. ജൈവവളങ്ങളോടൊപ്പം ചില പൊടിക്കൈകളും പരീക്ഷിക്കാവുന്നതാണ്. വീട്ടിൽ കുമ്മായം ഉണ്ടെങ്കിൽ അൽപം പൊടിച്ചെടുത്തോളൂ, കുട്ടകണക്കിന് പച്ചമുളക് വിളവെടുക്കാൻ ഒരു കിടിലൻ വഴിയുണ്ട്.

Also Read: എത്ര മുരടിച്ചു നിൽക്കുന്ന കറിവേപ്പും തഴച്ചു വളരും; ഈ ലായനി ഒഴിക്കൂ

• ഒരു ഗ്ലാസ് വെള്ളത്തിൽ ഒരു നുള്ള് കുമ്മായം ചേർത്ത് നന്നായി ഇളക്കാം. 
• ഇത് ചെടിയുടെ ചുറ്റും ഒഴിച്ചു കൊടിക്കാം. 
• കുറച്ചു സമയത്തിനു ശേഷം വെള്ളം നനച്ചു കൊടുക്കാം. ഇടയ്ക്ക് ഈ മണ്ണ് ഇളക്കി കൊടുക്കാം. 

Read More: വില കൊടുത്ത് വാങ്ങേണ്ട വീട്ടിൽ വിളയിക്കാം സ്ട്രോബെറി