മുടിയഴകിന് ഒരു മുട്ട കൊണ്ട് പ്രോട്ടീൻ ഹെയർ മാസ്ക്, ഒറ്റത്തവണ ട്രൈ ചെയ്യൂ

താരൻ എന്നത് ഒരു തരത്തിലുള്ള ഫംഗസാണ്. ഇതു മൂലം അമിതമായ ചൊറിച്ചിൽ, വരൾച്ച, മുടികൊഴിച്ചിൽ ഒപ്പം മുഖക്കുരു വരെ ഉണ്ടായേക്കാം. തലമുടി കഴുകാതിരുന്നാൽ ഇത് വീണ്ടും വർധിച്ചു വരികയേ ഉള്ളൂവെന്നാണ് വിദഗ്ധർ പറയുന്നത്. എന്നാൽ എല്ലാ ദിവസവും ഇങ്ങനെ ചെയ്യുന്നതു കൊണ്ട് താരൻ അകറ്റാൻ സാധിക്കും എന്നതിനു ശാസ്ത്രീയമായ തെളിവുകളില്ല.

Also Read: ഇങ്ങനെ ഷാമ്പൂ ചെയ്തു നോക്കൂ, കരുത്തുറ്റ തിളക്കമാർന്ന മുടി സ്വന്തമാക്കാം

അമിതമായ വിയർപ്പ്, പൊടി, രാസപദാർത്ഥങ്ങൾ അടങ്ങിയ ഷാമ്പൂവിൻ്റെ ഉപയോഗം എന്നിങ്ങനെ പലതും മുടിയുടെ പ്രശ്നങ്ങൾ വഷളാക്കിയേക്കും. ഇവയ്ക്ക് ഒരു പ്രകൃതിദത്ത പരിഹാരമാണ് ഈ ഹെയർ മാസ്ക്.

ചേരുവകൾ

• മുട്ട- 1
• തൈര്- 1/4 കപ്പ്

Also Read: കറിവേപ്പില വെറുതെ അരച്ചെടുക്കാതെ ഈ എണ്ണ ഒരു സ്പൂൺ ചേർത്ത് മുടിയിൽ പുരട്ടൂ

Also Read: കെമിക്കലുകളില്ല, ഒരു സ്പൂൺ തേയിലപ്പൊടിയിലേയ്ക്ക് ഇവ രണ്ടും ചേർത്താൽ ഹെയർ ഡൈ റെഡി

തയ്യാറാക്കുന്ന വിധം

• ഒരു ചെറിയ ബൗളിൽ മുട്ടയും തൈരും ചേർത്തിളക്കി യോജിപ്പിക്കാം.
• തലമുടി പല ഭാഗങ്ങളാക്കി ഇത് ശിരോചർമ്മത്തിലും മുടിയിലും പുരട്ടി മൃദുവായി മസാജ് ചെയ്യാം. 20 മിനിറ്റ് വിശ്രമിക്കാം.
• ശേഷം വീര്യം കുറഞ്ഞ ഷാമ്പൂ ഉപയോഗിച്ച് തണുത്ത വെള്ളത്തിൽ കഴുകി കളയാം.
• രണ്ടാഴ്ചയിൽ ഒരിക്കൽ ഇത് ഉപയോഗിക്കാം. 

ഗുണങ്ങൾ

• തൈരും മുട്ടയും പ്രോട്ടീൻ സമ്പന്നമാണ്. അവ മുടിയുടെ കരുത്തിന് സഹായകരമണ്. 
• തൈര് തലമുടി വരണ്ടു പോകുന്നത് തടയുന്നു. ഒപ്പം ശിരോചർമ്മത്തിലെ ഈർപ്പം നിലനിർത്താൻ സഹായിക്കും. 
• മുട്ട മുടിയുടെ ഇലാസ്തികത മെച്ചപ്പെടുത്തും. ഒപ്പം കരുത്ത് പകരും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു സ്പൂൺ വെളിച്ചെണ്ണയിലേയ്ക്ക് ഇഞ്ചി ചേർത്ത് മുടിയിൽ പുരട്ടുന്നതിൻ്റെ ഗുണങ്ങൾ അറിയാമോ?