കറിവേപ്പില വെറുതെ അരച്ചെടുക്കാതെ ഈ എണ്ണ ഒരു സ്പൂൺ ചേർത്ത് മുടിയിൽ പുരട്ടൂ

ഔഷധ ഗുണങ്ങളുടെ കാര്യത്തിൽ കറിവേപ്പിലയുടെ തട്ട് എന്നും താണ് തന്നെയിരിക്കും. മീൻ വറുക്കാനും, കറിയുടെ രുചിയും മണവും വർധിപ്പിക്കാനും മാത്രമല്ല തലമുടിയുടെ ആരോഗ്യത്തിനും കറിവേപ്പില തന്നെ താരം.

Also Read: വില കൂടിയ ചേരുവകൾ വേണ്ട, മുടി കണ്ടീഷൻ ചെയ്യാൻ തൈര് ഇങ്ങനെ ഉപയോഗിക്കൂ

തലമുടി വളർച്ചയ്ക്ക് സഹായകരമായ ധാരാളം പോഷകങ്ങൾ അതിലടങ്ങിയിട്ടുണ്ട്. ഇത് കാലാകാലങ്ങളായി മുടിക്കായി ഉപയോഗിക്കാറുണ്ട്. ഇതിനൊപ്പം ഉലുവയും, കടുകെണ്ണയും പോലെയുള്ളവ ചേർത്താൽ ഫലം വർധിക്കും. 

മുടിക്ക് നിറവും കരുത്തും പകരുന്നതിന് കറിവേപ്പില ഉപയോഗിച്ച് ഒരു ഹെയർ മാസ്ക് തയ്യാറാക്കാം. ആഴ്ചയിൽ ഒരു ദിവസമെങ്കിലും ഇത് ഉപയോഗിക്കണം.

ചേരുവകൾ

• ഉലുവ- 1 ടേബിൾസ്പൂൺ
• ജീരകം- 1 ടേബിൾസ്പൂൺ
• അരി- 2 ടേബിൾസ്പൂൺ
• കടുകെണ്ണ- 1 ടേബിൾസ്പൂൺ
• കറിവേപ്പില

Also Read: ഇനി നല്ല ഹെയർ ഡൈ തപ്പി നടക്കേണ്ട, ഈ ഇല രണ്ടെണ്ണം മതി അകാല നരയോട് വിട പറയാം

തയ്യാറാക്കുന്ന വിധം

• ഒരു ചെറിയ ബൗളിലേയ്ക്ക് ഉലുവ, ഒരു ടേബിൾസ്പൂൺ ജീരകം, രണ്ട് ടേബിൾസ്പൂൺ അരി, കറിവേപ്പില എന്നിവ എടുക്കാം.
• അതിലേയ്ക്ക് കുറച്ച് വെള്ളം ഒഴിച്ച് മാറ്റി വയ്ക്കാം.
• ഇത് ഒരു മിക്സിയിൽ ചേർത്ത് അരയ്ക്കാം.
• അരച്ചെടുത്ത മിശ്രിതത്തിലേയ്കക് കടുകെണ്ണ ചേർത്തിളക്കി യോജിപ്പിക്കാം.
• ശിരോചർമ്മത്തിലും തലമുടിയിലും ഈ മിശ്രിതം പുരട്ടി 40 മിനിറ്റ് വിശ്രമിക്കാം.
• ശേഷം തണുത്ത വെള്ളത്തിൽ കഴുകി കളയാം. ഇത് ആഴ്ചയിൽ രണ്ട് തവണ ഉപയോഗിക്കാം. 

ഗുണങ്ങൾ

• കറിവേപ്പിലയ്ക്ക് ആൻ്റി ബാക്ടീയിൽ ആൻ്റി ഇൻഫ്ലമേറ്ററി സവിശേഷകളുണ്ട്. അതിനാൽ താരൻ, ചൊറിച്ചിൽ, വീക്കം മുതലായ അസ്വസ്ഥതകളിൽ നിന്നും തലമുടിക്ക് മോചനം നൽകും.
• കടുകെണ്ണ ഒമേഗ 3 ഫാറ്റി ആസിഡിനാൽ സമ്പന്നമാണ്. അവ മുടി അമിതമായി വരണ്ടു പോകുന്നത് തടഞ്ഞി തിളക്കവും മിനുസവും നൽകും. കൂടാതെ ഇലാസ്തികത വർധിപ്പിക്കും. 

Read More:

• ഡൈ ചെയ്യാൻ പാർലറിൽ പോകേണ്ട, ഒരു സ്പൂൺ ഉലുവ കൊണ്ട് അത് വീട്ടിൽ തയ്യാറാക്കാം
• അതിവേഗം മുടി വളരും, ഈ സെറം കൈയ്യിലുണ്ടോ?
• തലമുടി പരിചരണത്തിന് ഇതിൽ ഏതെണ്ണ നിങ്ങൾ തിരഞ്ഞെടുക്കും?