ഇനി നല്ല ഹെയർ ഡൈ തപ്പി നടക്കേണ്ട, ഈ ഇല രണ്ടെണ്ണം മതി അകാല നരയോട് വിട പറയാം

കറുത്ത മുടിയിഴകൾ നരയ്ക്കാൻ അധികം സമയം വേണ്ട. അകാല നരയാണ് ഏറെ ആളുകളും നേരിടുന്ന പ്രധാന പ്രശ്നം. അതിനുള്ള മികച്ച പരിഹാരമാണ് ഹെയർ ഡൈ. അവ കടകളിൽ ലഭ്യമാണ്. എന്നാൽ കെമിക്കലുകൾ അടങ്ങിയ ഇത്തരം പായ്ക്കറ്റ് ഡൈകൾ മുടിയിഴകളുടെ ആരോഗ്യത്തെ ബാധിച്ചേക്കും. പകരം ഔഷധ ഗുണങ്ങളുള്ള ഡൈകൾ വീട്ടിൽ തയ്യാറാക്കാം. 

Also Read: തലമുടി പരിചരണത്തിന് ഇതിൽ ഏതെണ്ണ നിങ്ങൾ തിരഞ്ഞെടുക്കും?

ഇതിനായി വെറ്റില ഉപയോഗിച്ചു നോക്കൂ. ഏറെ ഗുണങ്ങളുള്ള വെറ്റില പൂജാദി കർമ്മങ്ങൾക്കു മാത്രമല്ല മുടി പരിചരണത്തിനും ഉപയോഗിക്കാം. അകാല നര അകറ്റാൻ ഒരു മികച്ച ഹെയർ ഡൈ ഇതുപയോഗിച്ച് തയ്യാറാക്കാം. 

ചേരുവകൾ

• മൈലാഞ്ചിപ്പൊടി
• വെറ്റില
• തേയില

Also Read: ഒരു മുറി നാരങ്ങ മതി, ഇനി അകാലനര അകറ്റാൻ പായ്ക്കറ്റ് ഡൈ വേണ്ട

തയ്യാറാക്കുന്ന വിധം

ഒരു പാനിൽ കുറച്ച് വെള്ളമെടുത്ത് തേയില ചേർത്തു തിളപ്പിക്കാം. അതിലേയ്ക്ക് വെറ്റില ചെറുതായി നുറുക്കിയതും ചേർക്കാം. വെള്ളം നന്നായി തിളച്ചു കഴിയുമ്പോൾ അരിച്ചെടുക്കാം. ഒരു ഇരുമ്പ് ചീനച്ചട്ടിയിലേയ്ക്ക് മൈലാഞ്ചിയില ഉണക്കിപ്പൊടിച്ചതു ചേർക്കാം. ഇതിലേയ്ക്ക് തേയില വെള്ളം ചേർത്തിളക്കി യോജിപ്പിക്കാം. ഇത് 8 മണിക്കൂർ അടച്ചു വയ്ക്കാം. 

ഉപയോഗിക്കേണ്ട വിധം

എണ്ണ മയമില്ലാത്ത മുടി പല ഭാഗങ്ങളായി തിരിക്കാം. ശേഷം വിരലുകളോ ബ്രെഷോ ഉപയോഗിച്ച് ഈ മിശ്രിതം പുരട്ടാം. 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. ഷാമ്പൂ ഉപയോഗിക്കരുത്.

Also Read: ഒരു സ്പൂൺ മഞ്ഞൾപ്പൊടിയും കറ്റാർവാഴ ജെല്ലും ഉണ്ടെങ്കിൽ നരച്ച മുടി മറയ്ക്കാൻ പായ്ക്കറ്റ് ഡൈ വാങ്ങേണ്ട

ഗുണങ്ങൾ 

തലമുടിക്ക് നിറം നൽകാൻ മാത്രമല്ല മുടിയുടെ മിക്ക പ്രശ്നങ്ങൾക്കും ഇത് പരിഹാരമാണ്. 
ആൻ്റി ഇൻഫ്ലമേറ്ററി, ആൻ്റി ബാക്ടീരിയൽ സവിശേഷതകളാൽ സമ്പന്നമാണ് വെറ്റില. 
ശിരോചർമ്മം ശുദ്ധീകരിക്കാനും ഹെയർ ഫോളിക്കിളുകളെ ശക്തിപ്പെടുത്താനും ഇത് ഗുണം ചെയ്യും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: അതിവേഗം മുടി വളരും, ഈ സെറം കൈയ്യിലുണ്ടോ?