ഒരു സവാള ഉണ്ടെങ്കിൽ എത്ര നരച്ച മുടിയും ഒറ്റ ഉപയോഗത്തിൽ കറുപ്പിക്കാം

മുടി കറുപ്പിക്കാൻ നാച്യുറലായിട്ട് വീട്ടിൽ തന്നെ തയ്യാറാക്കാൻ പറ്റുന്ന ഒരു ഹെയർ ഡൈ ആണോ നിങ്ങൾ തേടുന്നത്. യാതൊരു പാർശ്വഫലങ്ങളും ഇല്ലാത്ത കെമിക്കലുകൾ അടങ്ങാത്തവയാണ് നാച്യുറൽ ഹെയർ ഡൈകൾ. ഇത് തയ്യാറാക്കാൻ നമ്മുടെ അടുക്കളയിൽ സുലഭമായ സവാള ഒരെണ്ണം മതി. തലമുടിയുടെ എല്ലാ പ്രശ്നങ്ങൾക്കും പരിഹാരമായി ഏറെക്കാലമായി ഉപയോഗിച്ചു വരുന്നതാണ് സവാള.  ഇതിൽ ധാരാളം സിങ്ക് അടങ്ങിയിരിക്കുന്നതു കൊണ്ട് മുടി വളർച്ച കൂടുന്നു. 

Also Read: ഹെയർ ഡൈ കടയിൽ നിന്നും വാങ്ങേണ്ട, ഔഷധ ഗുണങ്ങളുള്ള ഈ മൂന്ന് ഇലകൾ മതി

ചേരുവകൾ

• സവാള
• കറിവേപ്പില
• നെല്ലിക്കപ്പൊടി
• കയ്യോന്നി

Also Read: ഈ ഇൻസ്റ്റൻ്റ് ഹെയർ ഡൈ തയ്യാറാക്കിയാൽ മാസങ്ങളോളം ഉപയോഗിക്കാം

തയ്യാറാക്കുന്ന വിധം

• സവാള ചെറിയ കഷ്ണങ്ങളാക്കി അരിഞ്ഞ് അരച്ചെടുക്കാം.
• അരച്ചെടുത്ത മിശ്രിതം അരിച്ച് മാറ്റാം.
• ഒരു ഇരുമ്പ് ചീനച്ചട്ടി അടുപ്പിൽ വച്ചു ചൂടാക്കാം. അതിലേയ്ക്ക് രണ്ട് തണ്ട് കറിവേപ്പിലയില ചേർത്തു വറുക്കാം.
• കൈ കൊണ്ട് തൊട്ടാൽ പൊടിഞ്ഞു പോകുന്ന സ്ഥിതിയാകുമ്പോൾ അടുപ്പണയ്ക്കാം.
• തണുത്തതിനു ശേഷം ഇത് തരിയില്ലാതെ പൊടിച്ചെടുക്കാം.
• ഈ പൊടി വീണ്ടും ഇരുമ്പ് ചീനച്ചട്ടിയിലേയ്ക്കു മാറ്റാം.
• ഇതിലേയ്ക്ക് നെല്ലിക്ക ഉണക്കിപ്പൊടിച്ചതും കൈയ്യോന്നി ഇല ഉണക്കിപ്പൊടിച്ചതും ചേർത്തിളക്കാം. ഇവ നന്നായി ഇളക്കി യോജിപ്പിക്കാം.
• ശേഷം സവാളയുടെ നീര് ആവശ്യത്തിന് ഒഴിക്കാം.
• കറുപ്പ് നിറമായി കഴിയുമ്പോൾ അടുപ്പണയ്ക്കം. ഇത് ഒരു രാത്രി അടച്ചു സൂക്ഷിക്കാം. ശ്രീജയാണ് ഈ ഹെയർ ഡൈ തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: കടയിൽ പോയി ഡൈ വാങ്ങാതെ മുടി കറുപ്പിക്കാൻ ചില വിദ്യകളുണ്ട്

ഉപയോഗിക്കേണ്ട വിധം

എണ്ണ മയം ഒട്ടുമില്ലാത്ത തലമുടി പലഭാഗങ്ങളായി തിരിക്കാം. ശേഷം കൈ അല്ലെങ്കിൽ ബ്രെഷ് ഉപയോഗിച്ച് മുടിയിഴകളിൽ സവാള ഡൈ പുരട്ടാം. 2 മണിക്കൂറിനു ശേഷം കഴുകി കളയാം. കഴുകാൻ ഷാമ്പൂ ഉപയോഗിക്കരുത്. പകരം താളി ഉപയോഗിക്കാം. ദിവസവും ഇത് ഉപയോഗിക്കുന്നതിലൂടെ വളരെ പെട്ടെന്ന് മുടിയുടെ നിറം വർധിക്കുന്നത് കാണാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഞൊടിയിടയിൽ നരച്ചമുടി ഡൈ ചെയ്യാം, ഒരു പിടി കറിവേപ്പില ഇങ്ങനെ അരച്ചെടുത്താൽ മതി