ഈ ഇൻസ്റ്റൻ്റ് ഹെയർ ഡൈ തയ്യാറാക്കിയാൽ മാസങ്ങളോളം ഉപയോഗിക്കാം

അപ്രതീക്ഷിതമായി എന്തെങ്കിലും പരിപാടിയിൽ പങ്കെടുക്കേണ്ടി വരുമ്പോൾ നരച്ച മുടി നിങ്ങൾക്ക് വെല്ലവിളിയാകാറുണ്ടോ? പായ്ക്കറ്റ് ഡൈ വാങ്ങി പുരട്ടുമ്പോഴേക്കും സമയം പോകില്ലേ, എന്നാൽ ഇനി ആ ബുദ്ധിമുട്ടില്ല. വളരെ എളുപ്പം വീട്ടിൽ തയ്യാറാക്കി സൂക്ഷിക്കാവുന്ന ഇൻസ്റ്റൻ്റ് ഹെയർ ഡൈകൾ ഉണ്ട്. അവ മുടിക്ക് നിറം മാത്രമല്ല കരുത്തും തിളക്കവും നൽകുന്നു. ഇവ കെമിക്കൽ രഹിതമായതിനാൽ പാർശ്വഫലങ്ങളും കുറവായിരിക്കും. ഇനി ആഘോഷവേളയിൽ തിളങ്ങാൻ ഒരുപാട് കഷ്ടപ്പെടേണ്ട.

Also Read: ഹെയർ ഡൈ കടയിൽ നിന്നും വാങ്ങേണ്ട, ഔഷധ ഗുണങ്ങളുള്ള ഈ മൂന്ന് ഇലകൾ മതി

ചേരുവകൾ

• ഉണക്കനെല്ലിക്ക- 50 ഗ്രാം
• കരിഞ്ചീരകം-2 ടേബിൾസ്പൂൺ
• വെളിച്ചെണ്ണ- 2 ടേബിൾസ്പൂൺ
• ഗ്ലിസറിൻ- 1 ടേബിൾസ്പൂൺ
• വിറ്റമിൻ ഈ ക്യാപ്സൂൾ- 1

Also Read:വെളിച്ചെണ്ണ ഒരുസ്പൂൺ ഉണ്ടെങ്കിൽ ഹെർബൽ ഹെയർ സെറം തയ്യാറാക്കാം

തയ്യാറാക്കുന്ന വിധം

• ഒരു ഇരുമ്പ് ചീനച്ചട്ടി അടുപ്പിൽ വച്ചു ചൂടാക്കാം. 
• അതിലേയ്ക്ക് 50 ഗ്രാം ഉണക്കനെല്ലിക്കയും, രണ്ട് ടേബിൾസ്പൂൺ കരിഞ്ചീരകവും പ്രത്യേകം വറുത്തെടുക്കാം.
• ശേഷം അവ തണുക്കാൻ വയ്ക്കാം.
• അവ തണുത്തതിനു ശേഷം പൊടിച്ചെടുക്കാം.
• ഇത് അരിച്ച് വൃത്തിയുള്ള പാത്രത്തിൽ സൂക്ഷിക്കാം, ആവശ്യാനുസരണം ഉപയോഗിക്കാം. 

Also Read: കട്ടിയുള്ള ഇടതൂർന്ന മുടി സ്വന്തമാക്കാൻ ഇതാ 5 വഴികൾ

ഉപയോഗിക്കേണ്ട വിധം

• തയ്യാറാക്കിയ പൊടി ഒരു ചെറിയ ബൗളിലെടുക്കാം. അതിലേയ്ക്ക് രണ്ട് ടേബിൾസ്പൂൺ വെളിച്ചെണ്ണയും ഒരു ടേബിൾസ്പൂൺ ഗ്ലിസറിനും, ഒരു വിറ്റാമിൻ ഇ ക്യാപ്സൂളും ചേർത്തിളക്കി യോജിപ്പിക്കാം.
• എണ്ണമയം ഒട്ടുമില്ലാത്ത തലമുടി പല ഭാഗങ്ങളായി തിരിച്ച് ബ്രെഷോ കൈയ്യോ ഉപയോഗിച്ച് ഇത് പുരട്ടാം. 

ഇതൊരു ഇൻസ്റ്റൻ്റ് ഹെയർ ഡൈ ആയി മാത്രം ഉപയോഗിക്കാവുന്നതാണ്. അതിനാൽ ഏറെക്കാലത്തേയ്ക്ക് കറുപ്പ് നിറം നിലനിൽക്കില്ല. വളരെ പെട്ടെന്ന് ഒരു പരിപാടിയിൽ പങ്കെടുക്കാൻ തിരക്കിട്ട് നിൽക്കുമ്പോൾ പായ്ക്കറ്റ് ഡൈ വാങ്ങി പുരട്ടി സമയം കളയുന്നതിനു പകരം ഇത് തയ്യാറാക്കി സൂക്ഷിച്ചാൽ വളരെ വേഗം പുരട്ടാവുന്നതാണ്. ഇത് തയ്യാറാക്കിവൃത്തിയുള്ള പാത്രത്തിലാക്കി വച്ചാൽ മാസങ്ങളോളം സൂക്ഷിക്കാം. രശ്മി തൻ്റെ യൂട്യൂബ് ചാനലിലൂടെയാണ് ഈ ഇൻസ്റ്റൻ്റ് ഹെയർ ഡൈ പരിചയപ്പെടുത്തി തരുന്നത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ചിരട്ട വെറുതെ കളയരുത്, ഒപ്പം ഇതു കൂടി ചേർത്താൽ നരച്ച മുടി അതിവേഗം കറുപ്പിക്കാം