ചുണ്ട് വരണ്ടതും നിറം മങ്ങിയതുമാകുന്നുണ്ടോ? എങ്കിൽ പ്രിയങ്ക ചോപ്രയുടെ പ്രിയപ്പെട്ട ലിപ് സ്ക്രബ് ഉപയോഗിക്കൂ

ചർമ്മത്തിന് സ്വാഭാവിക തിളക്കം നൽകാൻ സ്വയം തയ്യാറാക്കുന്ന മാസ്കുകളും സ്‌ക്രബുകളും ഉപയോഗിക്കുന്നവരാണ് പലരും. നമ്മളിൽ മിക്കവരും മുഖത്തിന് കൂടുതൽ ശ്രദ്ധ നൽകുമ്പോൾ, ഏറ്റവും സൂക്ഷ്മമായ സവിശേഷതകളിൽ ഒന്നായ ചുണ്ടുകളുടെ സംരക്ഷണം മറന്നു പോകാറുണ്ട്.

Also Read: വെളുത്തുള്ളി കൈയ്യിലുണ്ടോ? താരനും പേനും ഇനി നിങ്ങളെ ബുദ്ധിമുട്ടിക്കില്ല

"മുഖത്ത് ഏറ്റവും അവഗണിക്കപ്പെടുന്ന ഭാഗം നിങ്ങളുടെ ചുണ്ടുകളായിരിക്കാം, പക്ഷേ മേക്കപ്പ് ഇല്ലാതെ തന്നെ ചുണ്ടുകൾ മികച്ചതായി കാണപ്പെടാൻ അവയ്ക്ക് നിരന്തരമായ പരിചരണവും പോഷണവും ആവശ്യമാണ്" എന്ന് ഡെർമറ്റോളജിസ്റ്റ് ഡോ. ഗീതിക മിത്തൽ ഗുപ്ത പറയുന്നു.

നിങ്ങളുടെ ചുണ്ടുകളെ ഹൈഡ്രേറ്റ് ചെയ്തു നിർത്തുന്ന, എളുപ്പത്തിൽ തയ്യാറാക്കാവുന്ന ഒരു ലിപ് സ്‌ക്രബ് ബോളിവുഡ് നടി പ്രിയങ്ക ചോപ്ര പങ്കുവെയ്ക്കുന്നുണ്ട്. അതിന് വെറും മൂന്ന് ചേരുവകൾ മതി. പ്രകൃതിദത്തമായ ചേരുവകൾ മാത്രം മതി ഇതിന്. 

Also Read: ലിപ്സ്റ്റിക്കും ബാമും പ്രത്യേകം വാങ്ങേണ്ട, വെളിച്ചെണ്ണയും ബീറ്റ്റൂട്ടും മതി

എന്നാൽ ഇത് ഉപയോഗിക്കുമ്പോൾ ശ്രദ്ധിക്കേണ്ടതുണ്ട്. അമിതമായി ലിപ് സ്ക്രബ് ഉപയോഗിച്ച് മസാജ് ചെയ്യുന്നത് ചുണ്ടുകളിൽ രക്തസ്രാവം ഉണ്ടാകുന്നതിനും വരണ്ടു പോകുന്നതിനും കാരണമാകും. 

ചേരുവകൾ

• പിങ്ക് സോൾട്ട്
• റോസ് വാട്ടർ
• ഗ്ലിസറിൻ

Also Read: ഒരു മുറി നാരങ്ങ മതി, മുഖക്കുരുവും ചുളിവുകളും ഒറ്റ ഉപയോഗത്തിൽ നീക്കം ചെയ്യാം

തയ്യാറാക്കുന്ന വിധം

ഒരു ചെറിയ ബൗളിലേയ്ക്ക് പിങ്ക് സോൾട്ടെടുക്കാം. അതിലേയ്ക്ക് റോസ് വാട്ടറും, ഗ്ലിസറിനും ചേർത്തിളക്കിയെടുക്കാം. 

Also Read: നിറം മങ്ങിയ വരണ്ട ചുണ്ടിൽ ദിവസവും ഇത് ഒരു തുള്ളി പുരട്ടൂ, ഗുണങ്ങൾ ഏറെയാണ്

ഉപയോഗിക്കേണ്ടവിധം

തയ്യാറാക്കിയ ലിപ് സ്ക്രബ് വിരൽ ഉപയോഗിച്ച് ചുണ്ടിൽ പുരട്ടാം. ശേഷം മൃദുവായി മസാജ് ചെയ്യാം. 5 മിനിറ്റ് മസാജ് ചെയ്തതിനു ശേഷം ടിഷ്യൂ പേപ്പർ ഉപയോഗിച്ച് തുടച്ചെടുക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഹെയർമാസ്ക്കും ക്രീമും മാത്രമല്ല, മുടി കൊഴിച്ചിൽ പരിഹരിക്കാൻ ഇവ ദിവസവും കഴിക്കൂ