ഇനി പെഡിക്യൂർ ചെയ്യേണ്ട, അഴകുള്ള പാദങ്ങൾക്ക് കഞ്ഞിവെള്ളം മതി

ചർമ്മത്തിൽ അനുഭവപ്പെടുന്നതു പോലെ തന്നെ കാൽപാദങ്ങളും അതിവേഗം വരണ്ടുപോകാറുണ്ട്. ഈർപ്പമില്ലാതെ വരണ്ട പാദങ്ങളിൽ അതിവേഗം വിള്ളലുകൾ ഉണ്ടാകുന്നു. എന്നാൽ ഇനി അതോർത്ത് കാൽപാദങ്ങൾ ഒളിച്ചു പിടിക്കേണ്ട. വീട്ടിൽ തന്നെ ലഭ്യമായ പ്രകൃതിദത്ത വസ്തുക്കൾ ഉപയോഗിച്ച് പാദ സംരക്ഷണം വൈകാതെ തന്നെ തുടങ്ങിക്കോളൂ. വ്യക്തി ശുചിത്വമാണ് അതിനായി ആദ്യം വേണ്ടത്. പാദങ്ങൾ എല്ലായിപ്പോഴും വൃത്തിയായി സൂക്ഷിക്കുക.

സുന്ദരമായ കാൽപാദങ്ങൾക്ക് വീട്ടിൽ തന്നെ ചെയ്യാവുന്ന നുറുങ്ങു വിദ്യകൾ ഇവയാണ്:

കഞ്ഞിവെള്ളം

കുറച്ച് കഞ്ഞിവെള്ളത്തിലേക്ക് തേനും അൽപം വിനാഗിരിയും ചേർത്തിളക്കി യോജിപ്പിക്കുക. ഇതിൽ കാൽപാദം അൽപ സമയം മുക്കി വെയ്ക്കാം.

Also Read: വെളിച്ചെണ്ണയും ഉപ്പും മതി, ബ്ലാക്ഹെഡ്സ് ഇനി ഒറ്റ ഉപയോഗത്തിൽ നീക്കം ചെയ്യും

ഉപ്പ് വെള്ളം

ഇളം ചൂടുള്ള വെള്ളത്തിലേക്ക് കുറച്ച് ഉപ്പ് ചേർത്ത് പാദങ്ങൾ അതിൽ മുക്കി വെയ്ക്കാം. 20 മിനിറ്റ് വരെ ഇങ്ങനെ ചെയ്യുക. പാദങ്ങളുടെ വിണ്ടുകീറൽ തടയാൻ ഉപ്പ് സഹായിക്കും. 

വാഴപ്പഴം

പഴുത്ത വാഴപ്പഴം ഉടച്ചെടുക്കാം. ഇത് വിണ്ടുകീറലുള്ള ഭാഗങ്ങളിൽ പുരട്ടി മസാജ് ചെയ്യാം. 

നാരങ്ങാ നീര്

ഇളം ചൂടുള്ള വെള്ളത്തിൽ അൽപ്പം നാരങ്ങാ നീര് ചേർത്തിളക്കാം. ഇതിൽ പാദങ്ങൾ മുക്കി അൽപ സമയം വിശ്രമിക്കാം. ശേഷം തണുത്ത വെള്ളത്തിൽ കഴുകാം. 

റോസ് വാട്ടർ

അൽപ്പം നാരങ്ങാ നീരിലേക്ക് ഗ്ലിസറിനും റോസ് വാട്ടറും ചേർത്തിളക്കി യോജിപ്പിക്കുക. ഈ മിശ്രിതം കാൽപാദങ്ങളിൽ പുരട്ടി മസാജ് ചെയ്യാം. പതിവായി ഇങ്ങനെ ചെയ്യുന്നത് പാദങ്ങളിലെ വിണ്ടു കീറലും വരൾച്ചയും തടയാൻ സഹായിക്കും. 

Also Read: ദിവസവും ഈ ക്രീം പുരട്ടൂ, പാടുകളില്ലാത്ത കൊറിയൻ ഗ്ലാസ് സ്കിൻ സ്വന്തമാക്കാം

ബേക്കിങ് സോഡയും ഉപ്പും

ഇളം ചൂടുള്ള വെള്ളത്തിൽ ബേക്കിങ് സോഡയും ഉപ്പും കലർത്തുക. കാൽപാദങ്ങളിൽ അതിൽ മുക്കി വച്ച് പതിനഞ്ച് മിനിറ്റ് വിശ്രമിക്കുക. ആഴ്ചയിൽ മൂന്ന് തവണ വരെ ഇങ്ങനെ ചെയ്യാം.

ഷാമ്പൂ

ഇളം ചൂടുള്ള വെള്ളത്തിൽ ഷാമ്പൂ കലർത്തി അതിലേക്ക് നാല് തുള്ളി നാരങ്ങാ നീര് കൂടി ചേർക്കാം. ഇതിൽ പാദങ്ങൾ മുക്കി വെയ്ക്കാം, 30 മിനിറ്റ് വിശ്രമിക്കുക. ആഴ്ചയിൽ രണ്ടോ മൂന്നോ തവണ വരെ ഇങ്ങനെ ചെയ്യാം. ഇത് കാൽപാദങ്ങൾ മൃദുവും ഭംഗിയുള്ളതുമാക്കാം. 
 
കറ്റാർവാഴ

കറ്റാർവാഴയുടെ ജെൽ മാത്രം എടുത്ത് പാദങ്ങളിൽ പൂരട്ടുന്നത് വരൾച്ചയും വിണ്ടു കീറലും തടയാൻ സഹായിക്കും. 

Also Read: കുളിക്കുന്നതിനു മുമ്പ് ഈ എണ്ണ പൊക്കിളിൽ പുരട്ടൂ, മുഖക്കുരു പമ്പ കടക്കും

തേൻ 

ഇളംചൂടുള്ള വെള്ളത്തിലേക്ക് അൽപ്പം തേൻ കലർത്തി 10 മുതൽ 20 മിനിറ്റ് വരെ കാലുകൾ അതിൽ മുക്കി വെയ്ക്കാം. 

ഇക്കാര്യങ്ങൾ ശ്രദ്ധിക്കൂ

മഴക്കാലത്താണ് പാദ പരിചണത്തിൽ ഏറ്റവും അധികം ശ്രദ്ധയുണ്ടാകേണ്ടത്. പുറത്തു പോയി വന്നാൽ ഉടൻ വൃത്തിയായി കഴുകി വെള്ള മയം തുടച്ചു നീക്കാൻ മറക്കരുത്. രാത്രിയിൽ കിടക്കുന്നതിനു മുമ്പായി സ്ഥിരമായി ഉപയോഗിക്കുന്ന മോയ്സ്ചറൈസർ പുരട്ടാനും മറക്കേണ്ട. വായു സഞ്ചാരമില്ലാത്ത ഷൂസുകൾ ഈ സമയം കഴിവതും ഒഴിവാക്കാൻ ശ്രദ്ധിക്കുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഫെയ്സ് മാസ്ക് മുതൽ ബോഡി സ്ക്രബ് വരെ, ഒരു സ്പൂൺ കാപ്പിപ്പൊടി ഉണ്ടെങ്കിൽ ഇനി ചർമ്മ സംരക്ഷണം എളുപ്പമാകും