ഉറങ്ങുന്നതിനു മുമ്പ് ദിവസവും ഇത് പുരട്ടൂ, കണ്ണിനടിയിലെ കറുപ്പും ചുളിവുകളും പമ്പ കടക്കും

ഏറെക്കാലമയി ചികിത്സാപ്രതിവിധികൾക്കു വേണ്ടി നെയ്യ് ഉപയോഗത്തിലുണ്ട്. അത് ശരീരത്തിനും ചർമ്മത്തിനും ഏറെ ഗുണപ്രദമാണ്. പ്രത്യേകിച്ച് കണ്ണിനടിയിലെ കറുപ്പും ചുളിവുകളും കുറയ്ക്കാൻ. 

നെയ്യിൽ ധാരാളം ഫാറ്റി ആസിഡുകൾ അടങ്ങിയിട്ടുണ്ട്. അത് ചർമ്മത്തിലേയ്ക്ക് ആഴ്ന്നിറങ്ങി അമിതമായി വരണ്ടു പോകുന്നത് തടയും. കിടക്കുന്നതിനു മുമ്പായി അൽപം നെയ്യ് കണ്ണിനു ചുറ്റും പുരട്ടി മൃദുവായി മസാജ് ചെയ്യുന്നത് ശീലമാക്കാം. വിറ്റാമിനുകൾ ആൻ്റി ഓക്സിഡൻ്റുകൾ എന്നിവയുടെ സമ്പന്നമായ ഉറവിടമാണ് നെയ്യ്. ഇത് കണ്ണിനു ചുറ്റും പുരട്ടി മസാജ് ചെയ്യുമ്പോൾ രക്തയോട്ടം വർധിക്കുന്നു. അത് വീർപ്പ്, കറുപ്പ് എന്നിങ്ങനെ കണ്ണിനു ചുറ്റും ഉണ്ടായേക്കാവുന്ന ചർമ്മ പ്രശ്നങ്ങൾ പരിഹരിക്കും.

Also Read: സ്ഥിരമായി ഉപയോഗിക്കുന്ന കെമിക്കൽ ഉൽപന്നങ്ങൾക്കു പകരം ഈ 5 പ്രകൃതിദത്ത ചേരുവകൾ ശീലമാക്കൂ

ചർമ്മം അമിതമായി വരണ്ടാൽ വീണ്ടു കീറുകയോ വെളുത്ത നിറത്തിൽ പൊളിഞ്ഞു പോവുകയോ ചെയ്തേക്കും. സ്ഥിരമായി നെയ്യ് പുരട്ടുന്നതിലൂടെ ചർമ്മത്തിൽ ഒരു സംരക്ഷണ കവചം തീർക്കാൻ സാധിക്കും. അകാല വാർധക്യത്തിൻ്റെ ലക്ഷണങ്ങളാണ് ചർമ്മത്തിലുണ്ടാകുന്ന ചുളിവുകളും നേർത്ത വരകളും. അത് ഈർപ്പത്തിൻ്റെയും ചർമ്മത്തിലേയ്ക്കുള്ള രക്തയോട്ടത്തിൻ്റെയും കുറവാണ് കാണിക്കുന്നത്. നെയ്യ് ബദാം എണ്ണയുമായി കലർത്തി കണ്ണിനു ചുറ്റും പുരട്ടാം. 20 മിനിറ്റിനു ശേഷം കഴുകി കളയാം. സ്ഥിരമായി ഇങ്ങനെ ചെയ്യുന്നത് കണ്ണിനു ചുറ്റുമുള്ള ചുളിവുകളും വരകളും മായിക്കാൻ സഹായിക്കും.

Also Read: ഇൻസ്റ്റൻ്റ് ഗ്ലോ നേടാൻ ബ്ലീച്ച് ഉപയോഗിക്കേണ്ട, കാപ്പിപ്പൊടിയിൽ ഇവ ചേർത്തു പുരട്ടൂ

ദിവസവും കണ്ണിനടിയിൽ നെയ്യ് പുരട്ടേണ്ട വിധം

അര ടീസ്പൂൺ നെയ്യെടുത്ത് ഉരുക്കാം. ശേഷം അത് തണുക്കാൻ മാറ്റി വയ്ക്കാം. അധികം തണുക്കാതെ എന്നാൽ ചൂടില്ലാതെ വേണം ഉപയോഗിക്കാൻ. 

ഉപയോഗിക്കേണ്ട വിധം

ചെറുചൂടുള്ള നെയ്യ് വിരലുകൾ ഉപയോഗിച്ച് കണ്ണിനടിയിൽ പുരട്ടാം. ശേഷം മൃദുവായി മസാജ് ചെയ്യാം. 20 മിനിറ്റ് വിശ്രമിക്കാം. കിടക്കുന്നതിനു മുമ്പ് ഇത് തണുത്ത വെള്ളത്തിൽ കഴുകി കളയാം. 

ഇവ കൂടി ചേർക്കാം

ഒരു നുള്ള മഞ്ഞൾപ്പൊടി, വിറ്റാമിൻ ഇ ഓയിൽ, എസെൻഷ്യൽ ഓയിൽ എന്നിവ കൂടി ചേർത്തു പുരട്ടുന്നത് കൂടുതൽ ഫലപ്രദമായിരിക്കും.

Also Read: 30കളിലും ചർമ്മം സോഫ്റ്റാകാൻ രാകുൽ പ്രീത് സിംഗിൻ്റെ നുറുങ്ങു വിദ്യ

ഇക്കാര്യങ്ങൾ ശ്രദ്ധിക്കാം

• ആദ്യമായി ഉപയോഗിക്കുന്നതിനു മുമ്പ് കൈമുട്ടിലെ ചെവിക്കു പിൻഭാഗത്തോ പുരട്ടി പാച്ച് ടെസ്റ്റ് ചെയ്തു നോക്കുക. 
• നെയ്യ് ചൂടോടെ മുഖത്ത് പുരട്ടരുത്. 
• ആഴ്ചയിൽ ഒന്നോ രണ്ടോ തവണ മാത്രമല്ല ഇത് ദിവസവും ഉപയോഗിക്കാവുന്ന ഐ ക്രീം ആണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: തേയില വെള്ളം വെറുതെ കളയരുത്, തിളക്കമുള്ള മുടിക്കും യുവത്വം തുളുമ്പുന്ന ചർമ്മത്തിനും അതുമതി