30കളിലും ചർമ്മം സോഫ്റ്റാകാൻ രാകുൽ പ്രീത് സിംഗിൻ്റെ നുറുങ്ങു വിദ്യ

സെലിബ്രറ്റികളുടെ ചർമ്മ സംരക്ഷണം എല്ലായിപ്പോഴും നമ്മൾ ആകാംക്ഷയോടെയാണ് നോക്കികാണാറുള്ളത്. അവരുടേതു പോലെ സുന്ദരമായ ചർമ്മം സ്വന്തമാക്കാനുള്ള വഴികളാണ് പലപ്പോഴും നമ്മൾ അന്വേഷിക്കാറുള്ളത്. 

സിന്തറ്റിക് ഉത്പന്നങ്ങൾ ഉപയോഗിക്കാതെ, നമ്മുടെ ചർമ്മത്തെ പരിപാലിക്കുന്ന പ്രകൃതിദത്തമായി ചേരുവകളാണ് എപ്പോഴും നല്ലത്. അത്തരത്തിലുള്ള ചർമ്മ പരിചരണ രീതികൾ പിന്തുടരുന്ന താരങ്ങളും ഉണ്ട്. ബോളിവുഡ് നടിയായ രാകുൽ പ്രീത് സിങ് അടുത്തിടെ യൂട്യൂബ് ചാനലിലൂടെ തൻ്റെ ചർമ്മ രഹസ്യം വെളിപ്പെടുത്തിയിരുന്നു.വീട്ടിൽ തന്നെ ലഭ്യമായ ചേരുവകൾ ഉപയോഗിച്ച് ട്രൈ ചെയ്യാവുന്ന ചില നുറുങ്ങു വിദ്യകളാണ് രാകുൽ വീഡിയോയിലൂടെ പരിചയപ്പെടുത്തിയത്. 

Also Read: 50കളിലും യുവത്വം തുളുമ്പുന്ന ചർമ്മം; പിന്നിലെ രഹസ്യം വെളിപ്പെടുത്തി ഖുശ്ബു

വാഴപ്പഴം ഉപയോഗിച്ച് ഫെയ്സ് പാക്ക് ഉണ്ടാക്കി ഉപയോഗിക്കുന്നതും വീഡിയോയിൽ കാണാം. വരണ്ട ചർമ്മമുള്ളവർക്ക് ഉചിതമാണ് ഇത്. 

ചേരുവകൾ

• വാഴപ്പഴം- 1
• നാരങ്ങാനീര്- 1/2
• തേൻ- 1 ടീസ്പൂൺ 

തയ്യാറാക്കുന്ന വിധം

ഒരു ബൗളിലേയ്ക്ക് നന്നായി പഴുത്ത് ഒരു വാഴപ്പഴം ഉടച്ചെടുക്കാം. ഇതിലേയ്ക്ക് ഒരു നാരങ്ങയുടെ പകുതി പിഴിഞ്ഞൊഴിക്കാം. ഒപ്പം ഒരു ടീസ്പൂൺ തേൻ കൂടി ചേർത്തിളക്കി യോജിപ്പിക്കാം. ഈ മിശ്രിതം മുഖത്തും കഴുത്തിലും പുരട്ടി 10 മിനിറ്റ് വിശ്രമിക്കാം. നന്നായി ഉണങ്ങിയതിനു ശേഷം തണുത്ത വെള്ളത്തിൽ കഴുകി കളയാം. 

Also Read: ദിവസവും കഞ്ഞിവെള്ളത്തിൽ ഈ എണ്ണ ചേർത്ത് മുഖം കഴുകൂ, മാറ്റം ഞൊടിയിടയിൽ അറിയാം

Also Read: ഇൻസ്റ്റൻ്റ് ഗ്ലോ നേടാൻ ബ്ലീച്ച് ഉപയോഗിക്കേണ്ട, കാപ്പിപ്പൊടിയിൽ ഇവ ചേർത്തു പുരട്ടൂ

ഗുണങ്ങൾ

• വാഴപ്പഴത്തിൽ പൊട്ടാസ്യം ധാരാളമായി അടങ്ങിയിട്ടുണ്ട്. ഇത് ചർമ്മത്തിൽ ജലാംശം നിർത്തുന്നതിനും ചുളിവുകൾ കുറയ്ക്കുന്നതിനും സഹായിക്കും. 
• ഇതൊരു മികച്ച എക്സ്ഫോളിയേറ്ററാണ്. അതിനാൽ മുഖക്കുരു, പാടുകൾ എന്നിവ അതിവേഗം നീക്കം ചെയ്യാൻ ഗുണകമരാണ്. 
• നാരങ്ങ ഒരു നാച്യുറൽ ബ്ലീച്ചിങ് ഏജൻ്റാണ്. ഇത് കറുത്തപാടുകളും മുഖക്കുരും ചെറുക്കാൻ സഹായിക്കും. 
• തേനിന് ധാരാളം ആൻ്റി ഓക്സിഡൻ്റ് ഗുണങ്ങളുണ്ട്. അത് ചർമ്മത്തെ ഹൈഡ്രേറ്റ് ചെയ്തു നിർത്തുന്നു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ദിവസവും കഞ്ഞിവെള്ളത്തിൽ ഈ എണ്ണ ചേർത്ത് മുഖം കഴുകൂ, മാറ്റം ഞൊടിയിടയിൽ അറിയാം