ഒരു മുറി നാരങ്ങയുണ്ടെങ്കിൽ ഇനി താരനകറ്റാൻ മറ്റൊന്നും വേണ്ട

സ്ത്രീകളും പുരുഷന്മാരും ഒരു പോലെ നേരിടുന്ന പ്രശ്നമാണ് താരൻ. അമിതമായ വിയർപ്പ്, പൊടി, രാസപദാർത്ഥങ്ങൾ അടങ്ങിയ ഷാമ്പുവിൻ്റെ ഉപയോഗം എന്നിങ്ങനെ പല കാരണങ്ങൾ കൊണ്ട് താരൻ ഉണ്ടാകാം. ഇതു ശ്രദ്ധിക്കാതെ പോയാൽ പിന്നീട് പരിഹരിക്കാൻ സാധിക്കാത്ത പ്രശ്നമായി മാറിയേക്കാം.

Also Read: മുടിയഴകിന് ചെത്തിപ്പൂവ്, ഇങ്ങനെ ഉപയോഗിക്കൂ

താരൻ എന്നത് ഒരു തരത്തിലുള്ള ഫംഗസാണ്. ഇതു മൂലം അമിതമായ ചൊറിച്ചിൽ, വരൾച്ച, മുടികൊഴിച്ചിൽ കൂടാതെ മുഖക്കുരു വരെ ഉണ്ടായേക്കാം. തലമുടി കഴുകാതിരുന്നാൽ ഇത് വീണ്ടും വർധിച്ചു വരികയേ ഉള്ളൂവെന്നാണ് വിദഗ്ധർ പറയുന്നത്. എന്നാൽ എല്ലാ ദിവസവും ഇങ്ങനെ ചെയ്യുന്നതു കൊണ്ട് താരൻ അകറ്റാൻ സാധിക്കും എന്നതിനു ശാസ്ത്രീയമായ തെളിവുകളില്ല. ചർമ്മത്തിൻ്റെ അവസ്ഥ ഓരോരുത്തരിലും വ്യത്യസ്തമായിരിക്കും. 

തലമുടി പരിചരണത്തിനായി ആഴ്ച്ചയിൽ ഒരിക്കൽ ഹെയർ മാസ്ക് ഉപയോഗിക്കുന്നത് ഗുണം ചെയ്തേക്കും. അതിനായി കടയിൽ നിന്നും വലിയ തുക നൽകി കെമിക്കൽ മാസ്ക് വാങ്ങേണ്ടതില്ല. വീട്ടിൽ ലഭ്യമായ പ്രകൃതി ദത്ത ചേരുവകൾ ഉപയോഗിച്ച് മിനിറ്റുകൾക്കുള്ളിൽ മാസ്ക് റെഡിയാക്കാം. നാരങ്ങയും, തൈരും അടുക്കളയിൽ ഉണ്ടാവുമെല്ലോ? എങ്കിൽ ഇനി ഈ ഹെയർ മാസ്ക് പരീക്ഷിച്ചു നോക്കൂ. 

Also Read: കട്ട കറുപ്പുള്ള തലമുടി നേടാൻ ഹെർബൽ ഹെയർ ഡൈ തയ്യാറാക്കുമ്പോൾ ഇവ കൂടി ചേർക്കൂ

ചേരുവകൾ

• തൈര്- 2 ടേബിൾസ്പൂൺ
• നാരങ്ങ നീര്- 1 ടേബിൾ സ്പൂൺ

തയ്യാറാക്കുന്ന വിധം

• രണ്ട് ടേബിൾസ്പൂൺ തൈരിലേക്ക് ഒരു ടേബിൾസ്പൂൺ നാരങ്ങാ നീര് ചേർത്തിളക്കി യോജിപ്പിക്കാം.
• തലയോട്ടിയിൽ ഇത് പുരട്ടി മസാജ് ചെയ്യാം.
• മുപ്പതു മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയുക. 

Also Read: മുറ്റത്തു നിൽക്കുന്ന ഈ ഇലകൾ മാത്രം മതി, ഇനി അഴകുള്ള തലമുടി നിങ്ങൾക്കു സ്വന്തം

ഗുണങ്ങൾ

നാരങ്ങയിൽ അടങ്ങിയിരിക്കുന്ന സിട്രിക് ആസിഡിന് ധാരാളം ആൻ്റി മൈക്രോബിയൽ സവിശേഷതകളുണ്ട്. നാരങ്ങ നേരിട്ട് തലയോട്ടിയിൽ പുരട്ടുന്നത് അസ്വസ്ഥതകൾ ഉണ്ടാക്കിയേക്കാം. അതിനാലാണ് തൈരിനൊപ്പം യോജിപ്പിച്ച് ഉപയോഗിക്കുന്നത്. ലാക്ടിക് ആസിഡ്, പ്രോബയോട്ടിക്സ് എന്നിങ്ങനെ തലയോട്ടിയുടെ ആരോഗ്യം സംരക്ഷിക്കാൻ സഹായിക്കുന്ന ധാതുക്കൾ ഇതിൽ അടങ്ങിയിരിക്കുന്നു. തലമുടിയിൽ ഒരു മോയിശ്ചറൈസറായി തൈര് പ്രവർത്തിക്കുന്നു.

Read More: കണ്ണിനു താഴെ മാത്രമല്ല കഴുത്തിനു ചുറ്റുമുള്ള കറുപ്പ് നിറം കുറയ്ക്കാനും ഈ 4 വസ്തുക്കൾ മതി