മുറ്റത്തു നിൽക്കുന്ന ഈ ഇലകൾ മാത്രം മതി, ഇനി അഴകുള്ള തലമുടി നിങ്ങൾക്കു സ്വന്തം

കരുത്തുറ്റ മുടിയിഴകൾ അതിവേഗം കൊഴിയുന്നത് പലരുടെയും പ്രശ്നമാണ്. ഹോർമോണൽ വ്യതിയാനം, ഭക്ഷണശീലം, ജീവിത ശൈലി തുടങ്ങിയ നിരവധി കാര്യങ്ങൾ ഇതിനു പിന്നിലുണ്ട്. എന്നാൽ തലമുടിയെ ബാധിക്കുന്ന പ്രശ്നങ്ങൾ തുടക്കത്തിൽ തന്നെ തിരിച്ചറിഞ്ഞാൽ പരിചരണവും തേടിത്തുടങ്ങണം. 

മുടിക്കു വേണ്ടി കെമിക്കൽ ട്രീറ്റ്‌മെൻ്റുകൾക്കു പകരം പ്രകൃതിദത്തമായ വഴികൾ ശീലമാക്കാം. വീട്ടിൽ തന്നെ അതിന് പല വഴികളുണ്ട്. ആയുർവേദ ഗുണങ്ങൾ ധാരാളമുള്ള ചില ഇലകൾ നിങ്ങളുടെ മുടിയുടെ ആരോഗ്യത്തിനായി ഉപയോഗിക്കാം.

കറ്റാർവാഴ ഇല
കറ്റാർവാഴയ്ക്ക് ആൻ്റി ഇൻഫ്ലമേറ്ററി സവിശേഷതകളുണ്ട്. അത് തലയോട്ടിയിലെ അസ്വസ്ഥതകൾ കുറച്ച് താരൻ, മുടികൊഴിച്ചിൽ എന്നിവയുടെ സാധ്യതകൾ ഇല്ലാതാക്കുന്നു.

Also Read: ഒരു സ്പൂൺ വെളിച്ചെണ്ണയിൽ ഫെയ്സ് സ്ക്രബ് തയ്യാറാക്കാം, ഇവ രണ്ടും ഒപ്പം ചേർക്കൂ

കയ്യോന്നി (ഭൃംഗരാജ്)
ധാരാളം ഔഷധ ഗുണങ്ങളുള്ള ഇലകളാണ് കയ്യോന്നിയുടേത്. ഇലകൾ മാത്രമല്ല അതിൻ്റെ വേരുകളും, തണ്ടും, പൂക്കളും മികച്ച മരുന്നാണ്. ഇത് രക്ത ചംക്രമണം പ്രോത്സാഹിപ്പിച്ച് കരുത്തുറ്റ മുടിയിഴകൾ വളരാൻ സഹായിക്കുന്നു.

തുളസി ഇല
ആൻ്റി ഓക്സിഡൻ്റുകളും ഫൈറ്റോ ന്യൂട്രിയൻ്റുകളും ധാരാളം തുളസിയിലയിൽ അടങ്ങിയിട്ടുണ്ട്. ഇത് മുടിക്ക് കട്ടി കുറഞ്ഞ് പൊട്ടിപോകുന്നത് തടയുന്നു.

Also Read: ദിവസവും ഉറങ്ങുന്നതിനു മുമ്പ് ഈ ക്രീം പുരട്ടൂ, കണ്ണിനു ചുറ്റുമുള്ള കറുപ്പും ചുളിവുകളും അകറ്റാം

ആര്യവേപ്പില
ആൻ്റിബാക്ടീരിയൽ സവിശേഷതകളാൽ സമ്പന്നമാണ് ആര്യവേപ്പിൻ്റെ ഇല. ചൊറിച്ചിൽ, താരൻ, എന്നിവ പരിഹരിക്കുന്നു.

കറിവേപ്പില
കറിവേപ്പിലയിൽ ധാരാളം ആൻ്റിഓക്സിഡൻ്റും അമിനോആസിഡുകളും അടങ്ങിയിട്ടുണ്ട്. അവ ഹെയർ ഫോളിക്കിളുകളുടെ പ്രവർത്തനം മെചപ്പെടുത്തി വേരുകളിൽ നിന്നു തന്നെ തലമുടിക്ക് കരുത്ത് പകരുന്നു.

Also Read: ദിവസവും ഒരു സ്പൂൺ തൈരിൽ കാപ്പിപ്പൊടി ചേർത്ത് ഇങ്ങനെ ഉപയോഗിക്കൂ, ഗുണങ്ങൾ ഏറെയാണ്?

മൈലാഞ്ചി ഇല
മുടിക്ക് നിറം നൽകാൻ മൈലാഞ്ചിയില ഉപയോഗിക്കാറുണ്ടോ? നിറം മാത്രമല്ല അതിൽ അടങ്ങിയിരിക്കുന്ന ആൻ്റി ഓക്സിഡൻ്റ് സവിശേഷതകൾ തലയോട്ടിയുടെ ആരോഗ്യത്തിനും ഗുണകരമാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു മുറി തക്കാളിയിലേയ്ക്ക് ഈ പൊടി ചേർത്ത് മുഖത്ത് പുരട്ടൂ, ഒറ്റ ഉപയോഗത്തിൽ ചർമ്മം തിളക്കമുള്ളതാകും