ദിവസവും ഒരു സ്പൂൺ തൈരിൽ കാപ്പിപ്പൊടി ചേർത്ത് ഇങ്ങനെ ഉപയോഗിക്കൂ, ഗുണങ്ങൾ ഏറെയാണ്?

ഇൻസ്റ്റൻ്റായി ഗ്ലോ നേടാൻ ബ്യൂട്ടിപാർലറുകളിലേയ്ക്ക് പോകുന്നതിനു പകരം എപ്പോഴെങ്കിലും വീട്ടിൽ ലഭ്യമായ ചേരുവകൾ ചർമ്മ പരിചരണത്തിന് ഉപയോഗിച്ചു നോക്കിയിട്ടുണ്ടോ?. പർലറിൽ കിട്ടുന്ന ഫേഷ്യലിനും ബ്ലീച്ചിനും തുല്യമായ ഗുണം ചെയ്യുന്ന മികച്ച് ഫെയ്സ്മാസ്ക്കുകൾ നിങ്ങൾക്ക് വീട്ടിൽ തന്നെ തയാറാക്കാൻ സാധിക്കും. 

തൈരും കാപ്പിപ്പൊടിയും ചർമ്മത്തിനായി ഉപയോഗിക്കാവുന്ന രണ്ട് ചേരുവകളാണ്. 

Also Read: ഒരു സ്പൂൺ വെളിച്ചെണ്ണയിലേയ്ക്ക് ഇതു കൂടി ചേർത്തെടുക്കൂ, നാച്യുറൽ ഗ്ലോ നേടാൻ മറ്റൊന്നും വേണ്ട

തൈര്

പ്രോട്ടീൻ്റെ സമ്പന്നമായ ഉറവിടമാണ് തൈര്. ഇത് മുടിയുടെയും ചർമ്മത്തിൻ്റെയും സംരക്ഷണത്തിനും ഗുണപ്രദമാണ്. തൈരിൽ അടങ്ങിയിരിക്കുന്ന ലാക്ടിക് ആസിഡാണ് ഇതിനു കാരണം. നിറം മെച്ചപ്പെടുത്താനും ചർമ്മ സുഷിരങ്ങളിൽ തടസ്സം സൃ്ഷ്ടിക്കുന്ന മൃതകോശങ്ങൾ നീക്കം ചെയ്യാനും ഇത് സഹായിക്കും. 

ടാൻ അകറ്റാനുള്ള മികച്ച പ്രതിവിധിയാണ് തൈര്. സ്ഥിരമായി തൈര് മുഖത്ത് പുരട്ടുന്നത് തെളിച്ചമുള്ള ചർമ്മം സ്വന്തമാക്കാൻ സഹായിക്കും. ലാക്ടിക് ആസിഡ് ചർമ്മത്തിൽ ചുളിവുകൾ ഉണ്ടാകുന്നത് തടയും. 

കാപ്പിപ്പൊടി

ഇതൊരു മികച്ച സ്ക്രബറാണ്. കാപ്പിപ്പൊടിയുടെ ആന്റി ഓക്സിഡന്റ് സവിശേഷതകൾ ചർമ്മത്തിന്റെ ആരോഗ്യത്തെ സംരക്ഷിക്കുന്നതിന് വളരെയേറെ സഹായിക്കുന്നു. സൂര്യപ്രകാശം, അന്തരീക്ഷ മലിനീകരണം എന്നിവ മൂലം മങ്ങിയ ചർമ്മം തിളക്കമുള്ളതാക്കാൻ ഇത് സഹായിക്കും. 

ഇവ രണ്ടും ചേർത്ത് ദിവസവും ഉപയോഗിക്കാവുന്ന ഒരു ഫെയ്സ്പാക്ക് തയ്യാറാക്കാം

ചേരുവകൾ

• തൈര്
• കാപ്പിപ്പൊടി
• തക്കാളി

Also Read: ദിവസവും ഉറങ്ങുന്നതിനു മുമ്പ് ഈ ക്രീം പുരട്ടൂ, കണ്ണിനു ചുറ്റുമുള്ള കറുപ്പും ചുളിവുകളും അകറ്റാം

Also Read: ഒരു സ്പൂൺ വെളിച്ചെണ്ണയിൽ ഫെയ്സ് സ്ക്രബ് തയ്യാറാക്കാം, ഇവ രണ്ടും ഒപ്പം ചേർക്കൂ

തയ്യാറാക്കുന്ന വിധം

• ഒരു സ്പൂൺ തൈരിലേയ്ക്ക് അര സ്പൂൺ കാപ്പിപ്പൊടി ചേർത്തിളക്കി യോജിപ്പിക്കാം.
• ഇതിലേയ്ക്ക് ഒരു തക്കാളി അരച്ചതിൻ്റെ പകുതി കൂടി ചേർക്കാം.
• ക്ലെൻസ് ചെയ്ത മുഖത്ത് ഈ മിശ്രിതം പുരട്ടി 20 മിനിറ്റ് വിശ്രമിക്കാം.
• ശേഷം തണുത്ത വെള്ളത്തിൽ കഴുകി കളയാം.
• ഒരാഴ്ചയെങ്കിലും ഇത് സ്ഥിരമായി ഉപയോഗിച്ചു നോക്കൂ, മാറ്റം പെട്ടെന്ന് അറിയാൻ സാധിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു മുറി തക്കാളിയിലേയ്ക്ക് ഈ പൊടി ചേർത്ത് മുഖത്ത് പുരട്ടൂ, ഒറ്റ ഉപയോഗത്തിൽ ചർമ്മം തിളക്കമുള്ളതാകും