ഒരു സ്പൂൺ വെളിച്ചെണ്ണയിലേയ്ക്ക് ഇതു കൂടി ചേർത്തെടുക്കൂ, നാച്യുറൽ ഗ്ലോ നേടാൻ മറ്റൊന്നും വേണ്ട

തിരക്കുള്ള ദിവസങ്ങളിൽ ചർമ്മ പരിചരണത്തിന് സാധ്യമായെന്നു വരില്ല. ഇത് ചർമ്മത്തിൻ്റെ തിളക്കം നഷ്ടപ്പെടുത്തുന്നു. അതിനൊരു മികച്ച വിദ്യയാണ് കാരറ്റ് ഓയിൽ. അത് കടയിൽ നിന്നും വാങ്ങേണ്ട വളരെ എളുപ്പം വീട്ടിൽ തയ്യാറാക്കാം. 

ബീറ്റാ കരോട്ടിൻ, വിറ്റാമിൻ സി, വിറ്റാമിൻ ഇ, പൊട്ടാസ്യം, എന്നിവയുടെ സമ്പന്നമായ ഉറവിമാണ് കാരറ്റ്.  ഈ ബീറ്റാ കരോട്ടിൻ നമ്മുടെ ശരീരത്തിൽ വിറ്റാമിൻ എ ആയി പരിവർത്തനം ചെയ്യപ്പെടുന്നു, ഇത് ചർമ്മ ആരോഗ്യത്തിന് വളരെ ഗുണം ചെയ്യും.

Also Read: തിളക്കമുള്ള ചർമ്മം സ്വന്തമാക്കാൻ കിയാര ഉപയോഗിക്കുന്നത് ഇവ രണ്ടുമാണ്

മാത്രമല്ല, കാരറ്റിലെ ആന്റിഓക്‌സിഡന്റുകൾ ചർമ്മകോശങ്ങളെ സംരക്ഷിക്കുകയും വാർധക്യത്തിന്റെ ലക്ഷണങ്ങൾ വൈകിപ്പിക്കാൻ സഹായിക്കും. കടയിൽ നിന്നും വില കൊടുത്തു വാങ്ങുന്ന രാസവസ്തുക്കൾ അടങ്ങിയ ടോണറുകൾക്ക് പകരം ഇത്രയേറെ ഗുണങ്ങളുള്ള കാരറ്റ് ഉപയോഗിക്കാം. 

കാരറ്റ് ഓയിൽ 

ചേരുവകൾ

• കാരറ്റ്- 2-3
• ഒലിവ് ഓയിൽ അല്ലെങ്കിൽ വെളിച്ചെണ്ണ-- 1 കപ്പ് 

Also Read: ചർമ്മം പൂപോലെ സോഫ്റ്റാകാൻ ഒരു നുള്ള് മഞ്ഞൾപ്പൊടി മതി; ഇത് ട്രൈ ചെയ്യൂ

Also Read: പതിവായി ഫേഷ്യൽ ചെയ്യേണ്ട, ഇനി തൈര് ഉണ്ടെങ്കിൽ മിനിറ്റുകൾക്കുള്ളിൽ ചർമ്മം തിളങ്ങും

തയ്യാറാക്കുന്ന വിധം

• കാരറ്റ് നന്നായി കഴുകി തൊലി കളയാം. അവ വളരെ ചെറിയ കഷണങ്ങളായി മുറിക്കുകയോ ഗ്രേറ്റ് ചെയ്തോ എടുക്കാം.
• ഒരു പാൻ അടുപ്പിൽ വച്ച് വെളിച്ചെണ്ണ അല്ലെങ്കിൽ ഒലിവ് എണ്ണ ഒഴിക്കാം. അതിലേയ്ക്ക് കാരറ്റ് കഷ്ണങ്ങൾ ചേർത്തു ചൂടാക്കാം.
• എണ്ണ ചൂടായി കഴിയുമ്പോൾ അടുപ്പണയ്ക്കാം.
• ഇത് തണുത്തതിനു ശേഷം കോട്ടൺ തുണിയിൽ അരിച്ചെടുക്കാം.
• വൃത്തിയുള്ള ഒരു കുപ്പിയിലേയ്ക്കു മാറ്റി സൂക്ഷിക്കാം. 2 മുതൽ 3 ആഴ്ച വരെ ഇത് കേടാകാതെ ഉപയോഗിക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ദിവസവും ഉറങ്ങുന്നതിനു മുമ്പ് ഈ ക്രീം പുരട്ടൂ, കണ്ണിനു ചുറ്റുമുള്ള കറുപ്പും ചുളിവുകളും അകറ്റാം