തെളിഞ്ഞതും തിളക്കമുള്ളതുമായ ചർമ്മത്തിന് ഫെയ്സ് ജെൽ തയ്യാറാക്കാം വീട്ടിൽ

ചർമ്മ സംരക്ഷണത്തിൽ പ്രകൃതിദത്തമായ ഉത്പന്നങ്ങൾ ഉപയോഗിക്കുന്നവരുടെ എണ്ണം ഇന്ന് കൂടി വരികയാണ്. അത്തരത്തിൽ വളരെ ലളിതമായി വീട്ടിൽ ഉണ്ടാക്കാൻ കഴിയുന്ന ഒന്നാണ്  റൈസ് വാട്ടർ കൊണ്ടുള്ള ഫേസ് ജെൽ. ഇത് നിങ്ങളുടെ ചർമ്മത്തിന് തിളക്കവും മൃദുത്വവും നൽകാൻ സഹായിക്കും. റൈസ് വാട്ടറിൽ അടങ്ങിയിരിക്കുന്ന വിറ്റാമിനുകളും ധാതുക്കളും ആന്റിഓക്സിഡന്റുകളും ചർമ്മത്തിലെ കറുത്ത പാടുകൾ കുറയ്ക്കാനും ചർമ്മത്തിന്റെ നിറം മെച്ചപ്പെടുത്താനും സഹായിക്കുന്നു.

Also Read: യുവത്വം തുളുമ്പുന്ന ചർമ്മം സ്വന്തമാക്കാം, ദിവസവും വെള്ളം കുടിക്കുമ്പോൾ ഇങ്ങനെ ചെയ്യൂ

ചേരുവകൾ

• അരി- 1/2 കപ്പ് (ഏതുതരം അരിയും ഉപയോഗിക്കാം)
• വെള്ളം- 1.5 കപ്പ് 
• കറ്റാർ വാഴ ജെൽ- 1 ടേബിൾസ്പൂൺ 
• ടീ ട്രീ ഓയിൽ- 5-10 തുള്ളി 

തയ്യാറാക്കുന്ന വിധം

• ആദ്യം അര കപ്പ് അരി എടുത്ത് നന്നായി കഴുകാം. കഴുകിയ അരി ഒരു പാത്രത്തിലിട്ട് ഒന്നര കപ്പ് വെള്ളം ചേർത്ത് 30 മിനിറ്റ് മുതൽ ഒരു മണിക്കൂർ വരെ കുതിർക്കാൻ വെക്കുക.
• ഇങ്ങനെ ചെയ്യുന്നത് അരിയിലെ പോഷകങ്ങൾ വെള്ളത്തിലേക്ക് ഇറങ്ങാൻ സഹായിക്കും.
• അരി കുതിർത്ത ശേഷം വെള്ളം മാത്രം ഒരു ഗ്ലാസിലേക്ക് അരിച്ചെടുക്കുക.
• ഈ വെള്ളമാണ് ഉപയോഗിക്കേണ്ടത്. അരിച്ചെടുത്ത അരി വെള്ളം ഒരു ചെറിയ പാത്രത്തിൽ എടുത്ത് ചെറുതീയിൽ ചൂടാക്കുക.
• ഇത് ഒരു ജെൽ രൂപത്തിലാകുന്നതുവരെ ഇളക്കി കൊടുക്കുക. ഏകദേശം 5-7 മിനിറ്റ് മതിയാകും. ഇത് തണുക്കാൻ അനുവദിക്കാം.
• ഇത് തണുത്തതിനു ശേഷം ഒരു ടേബിൾസ്പൂൺ കറ്റാർ വാഴ ജെൽ ചേർത്ത് നന്നായി ഇളക്കാം. കറ്റാർവാഴ ചർമ്മത്തിന് ഈർപ്പം നൽകാനും തണുപ്പിക്കാനും സഹായിക്കുന്നു.
• ആവശ്യമെങ്കിൽ 5-10 തുള്ളി ടീ ട്രീ ഓയിൽ കൂടി ചേർത്ത് നന്നായി യോജിപ്പിക്കാം. ഇത് മുഖക്കുരു കുറയ്ക്കാൻ സഹായിക്കും.
• ഈ ഫേസ് ജെൽ ഒരു അടപ്പുള്ള പാത്രത്തിലാക്കി ഫ്രിഡ്ജിൽ സൂക്ഷിക്കുക. ഇത് ഒരാഴ്ച വരെ ഉപയോഗിക്കാം.

Also Read: മുഖക്കുരുവും ചുളിവുകളും അകറ്റും, കുളിക്കുന്നതിനു മുമ്പ് ഇത് സ്ഥിരമായി പുരട്ടൂ

Also Read: കഴുത്തിനു ചുറ്റുമുള്ള കറുപ്പ് നിറത്തിന് ഒരു ഒറ്റമൂലി

ഗുണങ്ങൾ

• റൈസ് വാട്ടറിൽ അടങ്ങിയ ഇനോസിറ്റോൾ പോലുള്ള പോഷകങ്ങൾ ചർമ്മകോശങ്ങളെ പുനരുജ്ജീവിപ്പിക്കുകയും സ്വാഭാവികമായ തിളക്കം നൽകുകയും ചെയ്യുന്നു.
• ഇതിലെ ആന്റിഓക്സിഡന്റുകൾ ചർമ്മത്തിലെ കറുത്ത പാടുകൾ, മുഖക്കുരുവിന്റെ പാടുകൾ, ഹൈപ്പർ പിഗ്മെന്റേഷൻ എന്നിവ കുറയ്ക്കാൻ സഹായിക്കുന്നു.
• റൈസ് വാട്ടർ ജെൽ ചർമ്മത്തിൽ ആവശ്യമായ ഈർപ്പം നിലനിർത്താൻ സഹായിക്കുകയും മൃദുത്വവും ഇലാസ്തികതയും നൽകുകയും ചെയ്യുന്നു.
• പ്രായമാകുന്നതിന്റെ ലക്ഷണങ്ങളായ നേർത്ത വരകളും ചുളിവുകളും കുറയ്ക്കാൻ ഇത് സഹായിക്കുന്നു. പതിവായ ഉപയോഗം ചർമ്മത്തിന് യുവത്വം നൽകും.
• ഇത് സൂര്യതാപം ഏറ്റതുമൂലമുണ്ടാകുന്ന ചുവപ്പ്, മറ്റ് ചർമ്മത്തിലെ ചെറിയ വീക്കങ്ങൾ എന്നിവ കുറയ്ക്കാൻ സഹായിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ദിവസവും ഉറങ്ങുന്നതിനു മുമ്പ് ഇത് രണ്ട് തുള്ളി പുരട്ടൂ, ചർമ്മം തിളക്കമുള്ളതാകും