ഒരു സ്പൂൺ പാൽ മതി, ഇനി പോക്കറ്റ് കാലിയാക്കുന്ന ക്ലെൻസറുകൾ വേണ്ട

ചർമ്മത്തിന്റെ ആരോഗ്യത്തിന് ഏറ്റവും അത്യാവശ്യമായ ഒന്നാണ് മുഖം ആഴത്തിൽ വൃത്തിയാക്കുക എന്നത് (Deep Cleansing). അന്തരീക്ഷ മലിനീകരണം, മേക്കപ്പ്, അമിതമായ എണ്ണമയം എന്നിവ കാരണം ചർമ്മ സുഷിരങ്ങളിൽ അഴുക്ക് അടിഞ്ഞുകൂടുന്നത് മുഖക്കുരുവിനും മങ്ങലിനും കാരണമാകും. ഈ പ്രശ്‌നം പരിഹരിക്കാൻ പാർശ്വഫലങ്ങളില്ലാത്ത ഒരു പ്രകൃതിദത്ത വഴിയാണ് പച്ചപ്പാലും, പനിനീരും, ചേർന്ന മിശ്രിതം ഉപയോഗിച്ച് മുഖം വൃത്തിയാക്കാം.

Also Read: യുവത്വം തുളുമ്പുന്ന ചർമ്മം സ്വന്തമാക്കാം, ദിവസവും വെള്ളം കുടിക്കുമ്പോൾ ഇങ്ങനെ ചെയ്യൂ

പച്ചപ്പാൽ ചർമ്മത്തിന് ഒരു മികച്ച മൈൽഡ് ക്ലെൻസറായി പ്രവർത്തിക്കുന്നു. ഇതിലെ ലാക്റ്റിക് ആസിഡ്  മൃതകോശങ്ങളെ നീക്കം ചെയ്യാനും ചർമ്മത്തിന് തിളക്കം നൽകാനും സഹായിക്കും. പനിനീർ ഒരു മികച്ച ടോണറായും പ്രവർത്തിക്കുകയും ചർമ്മത്തെ തണുപ്പിക്കുകയും പിഎച്ച് നില സന്തുലനപ്പെടുത്തുകയും ചെയ്യുന്നു.

ചേരുവകൾ

• പച്ചപ്പാൽ- 2 ടേബിൾസ്പൂൺ
• പനിനീർ- 1 ടേബിൾസ്പൂൺ

Also Read: ടാനകറ്റാൻ ബ്ലീച്ചല്ല, ഒരു സ്പൂൺ പാൽ ഇങ്ങനെ പുരട്ടി നോക്കൂ

ഉപയോഗിക്കേണ്ട വിധം

• ഒരു ചെറിയ പാത്രത്തിൽ രണ്ട് ടേബിൾസ്പൂൺ പച്ചപ്പാലെടുക്കാം.
• അതിലേയ്ക്ക് ഒരു ടേബിൾസ്പൂൺ പനിനീരും ഒഴിച്ചിളക്കി യോജിപ്പിക്കാം. ഈ മിശ്രിതത്തിൽ ഒരു പഞ്ഞി മുക്കിയെടുക്കാം.
• കണ്ണുകൾ ഒഴികെ മുഖത്തും കഴുത്തിലും ആ പഞ്ഞി ഉപയോഗിച്ച് തുടയ്ക്കാം.
• രണ്ട് മുതൽ മൂന്ന് മിനിറ്റ് വരെ ഇങ്ങനെ ചെയ്യാം. ശേഷം തണുത്ത വെള്ളത്തിൽ കഴുകി കളയാം. തുടർന്ന് ചർമ്മത്തിന് അനുയോജ്യമായ മോയ്സ്ച്യുറൈസർ ഉപയോഗിക്കാം. 

Also Read: മുഖക്കുരുവും ചുളിവുകളും അകറ്റും, കുളിക്കുന്നതിനു മുമ്പ് ഇത് സ്ഥിരമായി പുരട്ടൂ

ഗുണങ്ങൾ

• പാലിലെ ലാക്റ്റിക് ആസിഡ് ചർമ്മ സുഷിരങ്ങളിൽ അടിഞ്ഞുകൂടിയ അഴുക്കും എണ്ണമയവും നീക്കം ചെയ്ത് ചർമ്മത്തെ ആഴത്തിൽ വൃത്തിയാക്കാൻ സഹായിക്കുന്നു.
• പാലിലെ കൊഴുപ്പും പോഷകങ്ങളും ചർമ്മത്തിന്റെ സ്വാഭാവിക ഈർപ്പം നിലനിർത്താൻ സഹായിക്കുന്നു, ഇത് ചർമ്മം മൃദുവായി ഇരിക്കാൻ ഉപകരിക്കും.
• പനിനീർ ഒരു മികച്ച ടോണറായി പ്രവർത്തിച്ച് ചർമ്മത്തിന്റെ പിഎച്ച് നില സന്തുലിതമാക്കുകയും ചർമ്മത്തിന് ഉന്മേഷം നൽകുകയും ചെയ്യുന്നു.
• പനിനീരിനും പാലിനും ശാന്തമാക്കാനുള്ള കഴിവുണ്ട്. സൂര്യതാപം മൂലമുള്ള ചുവപ്പ്, ചെറിയ വീക്കങ്ങൾ എന്നിവ ചർമ്മത്തിന് തണുപ്പ് നൽകുന്നു.
• ലാക്റ്റിക് ആസിഡ് മൃതകോശങ്ങളെ നീക്കം ചെയ്യുകയും ചർമ്മത്തിന്റെ നിറം മെച്ചപ്പെടുത്തുകയും ചെയ്യുന്നു. ഇത് ചർമ്മത്തിന് സ്വാഭാവികമായ തിളക്കം നൽകാൻ സഹായിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: തെളിഞ്ഞതും തിളക്കമുള്ളതുമായ ചർമ്മത്തിന് ഫെയ്സ് ജെൽ തയ്യാറാക്കാം വീട്ടിൽ