കാൽപാദങ്ങളിലെ വീണ്ടു കീറൽ മാറ്റാം, എളുപ്പത്തിൽ വീട്ടിൽ തയ്യാറാക്കാവുന്ന ക്രീം

കാൽപാദങ്ങളിലെ വിണ്ടു കീറൽ ഇന്നു പലരെയും അലട്ടുന്നൊരു പ്രശ്നമാണ്. കാലുകൾ വൃത്തിയോടെ സൂക്ഷിക്കാത്തതാണ് ഇതിനുപിന്നിലെ പ്രധാന കാരണം. തുടക്കത്തിലേ വിണ്ടു കീറൽ ശ്രദ്ധിച്ചില്ലെങ്കിൽ ഇൻഫെക്ഷനുള്ള സാധ്യതയുണ്ട്.

കാൽപാദങ്ങളിലെ വിണ്ടു കീറൽ എളുപ്പത്തിൽ മാറ്റാൻ കഴിയും. ഇതിനായ് വീട്ടിൽതന്നെ വളരെ കുറഞ്ഞ ചേരുവകൾ ഉപയോഗിച്ച് ഒരു ക്രീം തയ്യാറാക്കാം. ഇതിന്റെ വീഡിയോ പാചക വിദഗ്ധയും ബ്യൂട്ടി ബ്ലോഗറുമായ ഡോ.ലക്ഷ്മി നായർ സോഷ്യൽ മീഡിയ പേജുകളിൽ പോസ്റ്റ് ചെയ്തിട്ടുണ്ട്. 

ചേരുവകൾ

• കടുകെണ്ണ- അര കപ്പ്
• മെഴുകുതിരി- 1 എണ്ണം
• വൈറ്റമിൻ ഇ ക്യാപ്സൂൾ- 4 എണ്ണം
• ഗ്ലിസറിൻ- 1 ടീസ്പൂൺ

തയ്യാറാക്കുന്ന വിധം

ഒരു പാത്രത്തിൽ കടുകെണ്ണ ഒഴിക്കുക. ഇതിലേക്ക് മെഴുകുതിരി കഷ്ണങ്ങൾ പൊട്ടിച്ച് ചേർക്കുക. നന്നായി ചൂടാക്കുക. തണുത്തശേഷം ഒരു ടീസ്പൂൺ ഗ്ലിസറിൻ ചേർക്കുക. അതിനുശേഷം നന്നായി മിക്സ് ചെയ്യുക. ഇതിലേക്ക് വൈറ്റമിൻ ഇ ക്യാപ്സൂൾ ചേർക്കുക. നന്നായി മിക്സ് ചെയ്യുക. തണുത്തശേഷം ഒരു ബോട്ടിലേക്ക് മാറ്റുക.

കാൽ വൃത്തിയായി കഴുകിയശേഷം നന്നായി തുടക്കുക. അതിനുശേഷം ഈ ക്രീം പുരട്ടുക. പിറ്റേ ദിവസം രാവിലെ കഴുകി കളയുക. കാൽ പാദങ്ങളിലെ വിണ്ടുകീറൽ മാറുന്നതുവരെ പുരട്ടുക. 

Read More

• മുഖം തിളങ്ങും, ഈ ഒരൊറ്റ ആയുർവേദ ഫെയ്സ്‌പാക്ക് പുരട്ടൂ
• നെല്ലിക്ക പൊടിയിൽ വെളിച്ചെണ്ണ ചേർത്ത് പുരട്ടുന്നത് മുടി വളർച്ച കൂട്ടുമോ?
• കൈ കാലുകളുടെ ഇരുളിച്ച മാറ്റി നല്ല നിറം വയ്ക്കാനൊരു സൂപ്പർപാക്ക്
• പൈനാപ്പിൾ, പപ്പായ, ഓറഞ്ച്, നാരങ്ങ; ചർമ്മം തിളങ്ങാൻ ഇവ സഹായിക്കുമോ?