Happy Teacher's Day 2025: പ്രിയപ്പെട്ട അധ്യാപകർക്ക് ആശംസകൾ കൈമാറാം

Teacher's Day 2025 Best Wishes and Greetings: സെപ്റ്റംബർ 5 ന് രാജ്യമെങ്ങും അധ്യാപകദിനമായി ആചരിക്കുകയാണ്. അവരുടെ ജീവിതത്തിലെ മൂല്യങ്ങൾ പകർന്നു തന്ന് വിദ്യാർത്ഥികളിൽ നിന്നും നമ്മെ ഓരോരുത്തരെയും സമൂഹത്തിൽ ഉത്തരവാദിത്വമുളള പൗരന്മാരാക്കി മാറ്റിയ അധ്യാപകർക്ക് മാത്രമായി ഒരു ദിനം. ജീവിതത്തിൽ ഉയരങ്ങളിലെത്താൻ കൈകൾ തന്ന അധ്യാപകരെ ഓർക്കുന്നതിനും ആശംസകള്‍ കൈമാറുന്നതിനും ഒരു ദിനം.

രാജ്യത്തിന്റെ മുൻരാഷ്‌ട്രപതി സർവേപ്പള്ളി രാധാകൃഷ്ണന്റെ സംഭാവനകൾക്കും നേട്ടങ്ങൾക്കുമുള്ള ആദരസൂചകമായിമായാണ് എല്ലാ വർഷവും ഇന്ത്യ അദ്ദേഹത്തിന്റെ ജന്മദിനം (സെപ്റ്റംബർ 5) ദേശീയ അധ്യാപക ദിനമായി ആഘോഷിക്കുന്നത്.

നമ്മുടെ ജീവിതത്തിൽ അധ്യാപകരുടെ പ്രാധാന്യം ഉയർത്തിക്കാട്ടുന്നതിനും സമൂഹത്തിന് അവരുടെ സംഭാവനകൾ തിരിച്ചറിയുന്നതിനുമാണ് അധ്യാപക ദിനം ആഘോഷിക്കുന്നത്.

ഈ ദിനത്തിൽ നമുക്കോർക്കാം നമ്മുടെ അധ്യാപകരെ. വിദ്യ പകർന്നു തന്നവരെ നേരിൽ കാണാൻ കഴിഞ്ഞില്ലെങ്കിലും നല്ലൊരു സന്ദേശത്തിലൂടെ നമുക്ക് അവരെ ഓർക്കാം. എസ്എംഎസ്സിലൂടെയോ ഫെയ്സ്ബുക്ക്, വാട്സ്ആപ്പ് മെസേജുകളിലൂടെയോ ആശംസ കാർഡുകളിലൂടെയോ അവർക്ക് ഈ ദിനം നമുക്ക് സമ്മാനിക്കാം.

Also Read:സ്കറിയാവഴികൾ

Also Read:പതിനഞ്ചിൽ നിന്നും ജീവിതത്തിലേയ്ക്ക് പാലം പണിതൊരാൾ

Teachers Day Quotes in malayalam: അധ്യാപക ദിനം ആശംസകൾ

അധ്യാപക ദിനത്തില്‍ ടീച്ചര്‍ക്ക് അയക്കാന്‍ വാക്കുകള്‍ കിട്ടുന്നില്ലന്നോ? ചുവടെ കൊടുത്തിരിക്കുന്നവ ഉപയോഗിക്കാം.

• നിങ്ങൾ പഠിപ്പിച്ച രീതിയും പകർന്നു തന്ന അറിവും സ്നേഹവും കരുതലുമാണ് ഈ ലോകത്തിലെ തന്നെ മികച്ച ടീച്ചറായി നിങ്ങളെ മാറ്റുന്നത്. ഹാപ്പി ടീച്ചേഴ്സ് ഡേ
• നിങ്ങളുടെ വിദ്യാർത്ഥിയാകാൻ കഴിഞ്ഞതിൽ ഞാൻ അഭിമാനിക്കുന്നു. എനിക്ക് ശരിയായ പാത കാട്ടിത്തന്നതിനും ജീവിതത്തിൽ ഉയരത്തിലെത്തിച്ചതിനും നന്ദി. ഹാപ്പി ടീച്ചേഴ്സ് ഡേ
• പ്രിയപ്പെട്ട ടീച്ചർ, എന്റെ കരിയർ രൂപപ്പെടുത്തുന്നതിനുളള വഴികാട്ടിയും മാർഗ്ഗദർശിയും നിങ്ങളായിരുന്നു. അതിന് ഞാൻ നന്ദി പറയുന്നു. എന്നെപ്പോലെ മറ്റുളള കുട്ടികൾക്കും നിങ്ങൾ നല്ലൊരു മാർഗ്ഗദർശിയാവട്ടെ.

Also Read:കാരൂരിന്റെ മകളും എഴുത്തുകാരിയുമായ ബി സരസ്വതിയെ കുറിച്ച്...

• എപ്പോഴും എനിക്ക് പ്രചോദനം പകർന്ന് എന്റെ ലക്ഷ്യങ്ങൾ നേടാൻ ഒപ്പം നിന്നതിന് നന്ദി. സൗഹൃദവും അച്ചടക്കവും സ്നേഹവും എല്ലാം ഞാൻ ഒരാളിൽ നിന്നും അനുഭവിച്ചു. ആ വ്യക്തി നിങ്ങളാണ്. ഹാപ്പി ടീച്ചേഴ്സ് ഡേ
• വായിക്കാനും എഴുതാനും എന്നെ പഠിപ്പിച്ചതിന് നന്ദി. തെറ്റേതാണെന്നും ശരിയേതാണെന്നും ചൂണ്ടിക്കാണിച്ച് എന്നെ ശരിയായ രീതിയിൽ നയിച്ചതിനും നന്ദി.
• സ്വപ്നം കാണാൻ പഠിപ്പിച്ചതിനും പട്ടത്തെപ്പോലെ ഉയരങ്ങളിലേക്ക് ഉയരാനും എന്നെ അനുവദിച്ചതിന് നന്ദി. എന്റെ സുഹൃത്തായും വഴികാട്ടിയായും ഒപ്പം നിന്നതിനും നന്ദി. അധ്യാപക ദിനാംശംസകൾ

Read More: അധ്യാപക ദിനം, തീയതി പ്രാധാന്യം ചരിത്രം; അറിയേണ്ടതെല്ലാം