തിളക്കമുള്ള ചർമ്മം നേടാം, ഇത്തിരി കുഞ്ഞൻ കടുകിലേയ്ക്ക് ഈ പൊടി ഒരു നുള്ള് ചേർത്ത് മുഖത്ത് പുരട്ടൂ

പരമ്പരാഗതമായി പാചകത്തിന് കടുക് ഉപയോഗത്തിലുണ്ട്. അടുക്കളയിൽ കടുക് സുലഭമാണ്. എന്നാൽ ഭക്ഷണത്തിൻ്റെ രുചി വർധിപ്പിക്കുന്നതിനു മാത്രമല്ല സൗന്ദര്യം വർധിപ്പിക്കുന്നതിനും കടുക് ഉപയോഗിക്കാം എന്ന് നിങ്ങൾക്ക് അറിയാമോ? 

ചർമ്മത്തിനെ സ്വാഭാവികമായി എക്സ്ഫോളിയേറ്റ് ചെയ്യാനുള്ള കഴിവ് കടുകിനുണ്ടെന്ന് വിശ്വസിക്കപ്പെടുന്നു. നിങ്ങൾ സ്ഥിരമായി ഉപയോഗിക്കുന്ന സൗന്ദര്യ വർധക ഉത്പന്നങ്ങൾക്കു പകരം കടുക് പ്രയോജനപ്പെടുത്തി നോക്കൂ. 

Also Read: സ്ഥിരമായി ഉപയോഗിക്കുന്ന കെമിക്കൽ ഉൽപന്നങ്ങൾക്കു പകരം ഈ 5 പ്രകൃതിദത്ത ചേരുവകൾ ശീലമാക്കൂ

അകാല വാർധക്യ ലക്ഷണങ്ങളായ ചുളിവുകളും പാടുകളും അകറ്റുന്നതിന് ഈ വിത്തുകൾ ഗുണകരമാണ്. വിറ്റാമിൻ സിയുടെ സമ്പന്നമായ ഉറിവിടമാണ് കടുക്. 

ഇവ കൂടാതെ ധാരാളം ആൻ്റി ബാക്ടീരിയൽ ആൻ്റി ഇൻഫ്ലമേറ്ററി സവിശേഷതകളും കടുകിനുണ്ട്. 

ഫെയ്സ് ക്രീം

കടുക് അരച്ചെടുക്കാം. അതിലേയ്ക്ക് വെളിച്ചെണ്ണ ചേഞ്ഞത്ത് പേസ്റ്റ് രൂപത്തിലാക്കാം. ഇത് ചർമ്മത്തിൽ പുരട്ടുന്നത് അണുബാധയും മുഖക്കുരുവും കുറയ്ക്കാൻ സഹായിക്കും. ഒപ്പം ചർമ്മത്തിലെ ടാൻ നീക്കം ചെയ്യാനും സഹായിച്ചേക്കും. 

Also Read: ഇൻസ്റ്റൻ്റ് ഗ്ലോ നേടാൻ ബ്ലീച്ച് ഉപയോഗിക്കേണ്ട, കാപ്പിപ്പൊടിയിൽ ഇവ ചേർത്തു പുരട്ടൂ

ഫെയ്സ് സ്ക്രബ്

കറ്റാവാഴജെല്ലിലേയ്ക്ക് കടുക് പൊടിച്ചതു ചേർക്കാം. ഇത് മുഖത്ത് പുരട്ടി മൃദുവായി 5 മിനിറ്റ് മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. 

ഫെയ്സ് പാക്ക്

കടുക് നന്നായി പൊടിച്ചെടുക്കാം. രണ്ട് ടീസ്പൂൺ അരിപ്പൊടിയിലേയ്ക്ക് അതു ചേർക്കാം. ഒപ്പം ഒരു നുള്ള് മഞ്ഞൾപ്പൊടി കൂടി ചേർത്തിളക്കി യോജിപ്പിക്കാം. ഇതിലേയ്ക്ക് അൽപം കടുകെണ്ണ ഒഴിക്കാം. ആവശ്യത്തിന് വെള്ളം ഒഴിച്ച് പേസ്റ്റ് രൂപത്തിലാക്കിയെടുക്കാം. തയ്യാറാക്കിയ മിശ്രിതം മുഖത്ത് പുരട്ടി 30 മിനിറ്റ് വിശ്രമിക്കാം. ശേഷം നനഞ്ഞ തുണി ഉപയോഗിച്ച് മൃദുവായി മസാജ് ചെയ്യാം. ഇനി തണുത്ത വെള്ളം ഉപയോഗിച്ച് മുഖം കഴുകാം. ആഴ്ചയിൽ ഒരു തവണയെങ്കിലും ഇത് ഉപയോഗിച്ചാൽ അതിവേഗം മാറ്റം അറിയാം. 

Also Read: ദിവസവും കഞ്ഞിവെള്ളത്തിൽ ഈ എണ്ണ ചേർത്ത് മുഖം കഴുകൂ, മാറ്റം ഞൊടിയിടയിൽ അറിയാം

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഉറങ്ങുന്നതിനു മുമ്പ് ദിവസവും ഇത് പുരട്ടൂ, കണ്ണിനടിയിലെ കറുപ്പും ചുളിവുകളും പമ്പ കടക്കും