അമ്മയാണോ മകളാണോ സുന്ദരി? ലുക്കിൽ മത്സരിച്ച് നിത അംബാനിയും ഇഷയും

മുകേഷ് അംബാനിയുടെയും നിത അംബാനിയുടെയും മകൻ അനന്ത് അംബാനിയും രാധിക മെർച്ചന്റും തമ്മിലുള്ള വിവാഹ ആഘോഷങ്ങൾക്ക് തുടക്കമായിട്ടുണ്ട്. ഇന്നലെ നടന്ന സംഗീത് ചടങ്ങിൽ പ്രശസ്ത പോപ് താരം ജസ്റ്റിൻ ബീബറുടെ തകർപ്പൻ പ്രകടനമാണ് നടന്നത്. ബോളിവുഡ് താരങ്ങളും ചടങ്ങിൽ പങ്കെടുക്കാനെത്തി.

വിവാഹ ആഘോഷങ്ങളിൽ ഏവരുടെയും ശ്രദ്ധ പിടിച്ചു പറ്റിയത് അംബാനി ലേഡീസിന്റെ ഔട്ട്ഫിറ്റുകളാണ്. നിത അംബാനിയും മകൾ ഇഷ അംബാനിയും മരുമകൾ ശൊക്ല അംബാനിയും വ്യത്യസ്ത ഔട്ട്ഫിറ്റുകളിലെത്തി ഫാഷൻ ലോകത്തിന്റെ തന്നെ ശ്രദ്ധ കവർന്നിരുന്നു. ഫാൽഗുനി ഷെയ്ൻ പീകോക്കിന്റെ ബ്യൂട്ടിഫുൾ ലെഹങ്ക സെറ്റാണ് നിത അംബാനി ധരിച്ചത്. സ്റ്റോണും സീക്വൻസ് വർക്കുകളും നിറഞ്ഞ ലെഹങ്കയ്ക്കൊപ്പം ഹെവി സിൽവർ ആഭരണങ്ങളാണ് നിത അംബാനി അണിഞ്ഞത്.

അമ്മയെ കടത്തി വെട്ടുന്ന ലുക്കിലായിരുന്നു മകൾ ഇഷ അംബാനി. ടുലേ ലെഹങ്കയിൽ അതിസുന്ദരിയായിരുന്നു ഇഷ. സരോവ്‌സ്കി സ്റ്റോണുകളും സിൽവർ ക്രിസ്റ്റലുകളും പലനിറത്തിലുള്ള ജെംസ്റ്റോണുകളും നിറഞ്ഞ ലെഹങ്ക ആരും മോഹിച്ചു പോകുന്നതാണ്. 

ബ്ലൂ ആൻഡ് സിൽവർ പ്രീ ഡ്രാപ്ഡ് സാരിയായിരുന്നു ഇഷ തിരഞ്ഞെടുത്ത മറ്റൊരു ഔട്ട്ഫിറ്റ്. ഒരു മോഡേൺ ടച്ച് നൽകുന്നവിധമായിരുന്നു ഔട്ട്ഫിറ്റ് ഒരുക്കിയിട്ടുള്ളത്. ഷിമ്മറി സിൽവർ ബ്ലൗസായിരുന്നു ഔട്ട്ഫിറ്റിന്റെ മറ്റൊരു പ്രത്യേകത.

മുഴുവൻ ആർട്ട് വർക്കുകൾ നിറഞ്ഞ സാരിയായിരുന്നു ശ്ലോക അംബാനിയുടെ വേഷം. പ്രശസ്ത ഓസ്ട്രേലിയൻ ഫാഷൻ ഡിസൈനർ താംറ റാൽഫാണ് ഈ ഔട്ട്ഫിറ്റ് ഒരുക്കിയത്. ഫ്ലോറൽ എംബ്രോയിഡറി വർക്കുകളാണ് സാരിയുടെ പ്രത്യേകത. 

ജൂലൈ 12 നാണ് അനന്തും രാധിക മെർച്ചെന്റും തമ്മിലുള്ള വിവാഹം. 

Read More

• പീ കോക്ക് ലെഹങ്കയിൽ മനം മയക്കും ലുക്കിൽ ജാൻവി കപൂർ
• എംബ്രോയിഡറി വർക്കുകൾ നിറഞ്ഞ സാരിയിൽ നിറവയറുമായി ദീപിക പദുക്കോൺ, വില അറിയാം
• അനന്ത്-രാധിക സംഗീത് നൈറ്റിൽ വ്യത്യസ്ത ഔട്ട്ഫിറ്റുകളിൽ ശ്രദ്ധേയമായി ബോളിവുഡ് താരങ്ങൾ
• ക്യൂട്ട് ബ്യൂട്ടിയായി അനിഖ സുരേന്ദ്രൻ; ആളാകെ മാറിപ്പോയെന്ന് ആരാധകർ