ദിവസവും ഉറങ്ങുന്നതിനു മുമ്പ് ബദാം ഇങ്ങനെ ഉപയോഗിക്കൂ, ഗ്ലാസ് സ്കിൻ സ്വന്തമാക്കാം ദിവസങ്ങൾക്കുള്ളിൽ

ബദാം വെള്ളത്തിൽ കുതിർത്തു കഴിക്കുന്നത് ആരോഗ്യത്തിന് ഏറെ ഗുണകരമാണ്. ഇതുമാത്രമല്ല ചർമ്മ പരിചരണത്തിനും ബദാം ഉപയോഗിക്കാം. ആൻ്റി ഓക്സിഡൻ്റകളുടെയും, ഫാറ്റി ആസിഡുകളുടെയും സമ്പന്നമായ ഉറവിടമാണ് ബദാം.  കൂടാതെ അതിൽ ധാരാളം വിറ്റാമിൻ ഇ അടങ്ങിയിട്ടുണ്ട്. ഇത് ചർമ്മാരോഗ്യം നിർനിർത്തുന്നതിനും മുഖക്കുരു, വരൾച്ച, ടാൻ എന്നിവ അകറ്റാനും സഹായിക്കും. 

ബദാം ക്ലെൻസർ

ബദാം തൊലി കളഞ്ഞ് അരച്ചെടുക്കാം. അതിലേയ്ക്ക് ഒരു ടീസ്പൂൺ നാരങ്ങ ജ്യൂസ് ഒഴിക്കാം. ഇതിലേയ്ക്ക് രണ്ട് ടേബിൾസ്പൂൺ പാലും ക്രീമും ചേർത്തിളക്കി യോജിപ്പിക്കാം. ശേഷം മുഖത്ത് പുരട്ടി10 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം.

ബദാം സ്ക്രബ്

ബദാമിനൊപ്പം കൊക്കോ, നാരങ്ങ ജ്യൂസ്, കറ്റാർവാഴ ജെൽ എന്നിവ ചേർത്ത് അരച്ചെടുക്കാം. അത് മുഖത്ത് പുരട്ടി 5 മിനിറ്റിന് മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. 

ബദാം എണ്ണ

ബദാം എണ്ണ ചെറുചൂടോടെ മുഖത്ത് പുരട്ടി മൃദുവായി മസാജ് ചെയ്യാം. ദിവസവും രാത്രി ഉറങ്ങാൻ കിടക്കുന്നതിനു മുമ്പ് ഇങ്ങനെ ചെയ്യാം. രാവിലെ ഫെയ്സ് വാഷ് ഉപയോഗിച്ച് കഴുകി കളയാം. 

ബദാം ഫെയ്സ് മാസ്ക്

ബദാം ഒരു രാത്രി വെള്ളത്തിൽ കുതിർത്തെടുക്കാം. ശേഷം അത് നന്നായി അരയ്ക്കാം. ഇതിലേയ്ക്ക് ഒട്സ് പൊടിച്ചതും പച്ചപ്പാലും ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

ടീ ടാൻ ഫെയ്സ് പാക്ക്

അര കപ്പ് കടലമാവിലേയ്ക്ക് ഒരു കപ്പ് ബദാം പാൽ ഒഴിക്കാം. ഇതിലേയ്ക്ക് കാൽ കപ്പ് താരു കൂടി ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 20 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

ബദാം മോയ്സ്ച്യുറൈസർ

ഒരു ടേബിൾസ്പൂൺ കറ്റാർവാഴ ജെല്ലിലേയ്ക്ക് 10 തുള്ളി ബദാം എണ്ണയും ഒരു ടേബിൾസ്പൂൺ ഗ്ലിസറിനും ചേർത്തിളക്കി യോജിപ്പിക്കാം. ഇതൊരു നാച്യുറൽ മോയ്സ്ച്യുറൈസറാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കൂൾ ലുക്ക് നേടാം റോസ്‌വാട്ടർ ഇങ്ങനെ ഉപയോഗിക്കൂ
• തലമുടിയിൽ വെളുത്തുള്ളി എണ്ണ ഉപയോഗിക്കുന്നതിൻ്റെ ഗുണങ്ങൾ അറിയാമോ?
• അകാല നരയെ പേടിക്കേണ്ട ഇവ കൈയ്യിലുണ്ടെങ്കിൽ, ഇനി കെമിക്കൽ ഡൈ വേണ്ട
• ഒരു കപ്പ് ചെറുപയറിനൊപ്പം ഈ രണ്ട് ചേരുവകളും മതി, ഇനി തലമുടി ഇടതൂർന്ന് വളരും