'ആവേശം' കുറച്ച് കൂടിപ്പോയി; കാറിൽ സ്വിമ്മിങ് പൂളൊരുക്കിയ യൂട്യൂബർക്ക് മുട്ടൻപണി!

ആലപ്പുഴ: ഫഹദ് ഫാസിൽ നായകനായ 'ആവേശം' സിനിമയിലെ ഒരു സീനിലേത് പോലെ, കാറിനുള്ളിൽ നിയമവിരുദ്ധമായി സ്വിമ്മിങ് പൂളൊരുക്കിയ യൂട്യൂബർക്കും സഹായികൾക്കും മുട്ടൻപണി കൊടുത്ത് ആലപ്പുഴ എൻഫോഴ്സ്മെന്റ് ആർടിഒ. രംഗണ്ണന്റെ അമ്പാൻ ലോറിയിലാണ് സ്വിമ്മിങ് പൂൾ ഒരുക്കിയതെങ്കിൽ, സ‍‍‍ഞ്ജു ടെക്കി എന്ന വ്ളോഗർ സഫാരി കാറിനുള്ളിലാണ് ഈ പണി ചെയ്തുവച്ചത്.

സ്വിമ്മിങ് പൂൾ സജ്ജീകരിച്ച വാഹനം സഞ്ജുവും സുഹൃത്തുക്കളും പൊതുനിരത്തിൽ ഓടിക്കുന്ന വീഡിയോ സമൂഹമാധ്യമങ്ങളിൽ പ്രചരിപ്പിച്ചതോടെയാണ് അധികൃതർ നടപടിയെടുത്തിരിക്കുന്നത്. വാഹനം പിടിച്ചെടുത്ത അധികൃതർ കാർ ഉടമയുടേയും ഡ്രൈവറുടേയും  ലൈസൻസ് റദ്ദാക്കി.

വാഹനത്തിൽ കുളിച്ചു, യാത്ര ചെയ്തു, കാര്‍ സ്വിമ്മിങ് പൂളുമായി പോവുന്നതിന്റെ ദൃശ്യങ്ങൾ യൂട്യൂബിൽ അപ്‌ലോഡ് ചെയ്തു, വെള്ളം പൊതുനിരത്തിലേക്ക് ഒഴുക്കിവിട്ടു എന്നിങ്ങനെയാണ് ആർടിഒയുടെ വിശദീകരണം. എന്നാൽ വരുമാന മാർഗത്തിനാണ് ഇങ്ങനെ ചെയ്തതെന്ന് യൂട്യൂബർ സഞ്ജു ടെക്കി പറഞ്ഞു.

കുറച്ച് ദിവസങ്ങൾക്ക് മുമ്പാണ് സഞ്ജു ടെക്കി വ്ളോഗ്‌സ് എന്ന യൂട്യൂബ് ചാനലില്‍ വീഡിയോ പങ്കുവച്ചത്. കാറിന്റെ പിന്‍ഭാഗത്തെ സീറ്റ് അഴിച്ചുമാറ്റി സ്വിമ്മിങ് പൂള്‍ സജ്ജീകരിക്കുകയായിരുന്നു. ടാര്‍പോളിന്‍ ഷീറ്റ് വലിച്ചുകെട്ടി അതിലാണ് വെള്ളം നിറച്ചത്. തുടര്‍ന്ന് വെള്ളം പുറത്തേക്ക് ഒഴുക്കി കളയുകയായിരുന്നു.

Read More

• കേരളത്തിൽ മഴ കനക്കുന്നു; കാലവർഷം സാധാരണയേക്കാൾ ശക്തമാകുമെന്ന് കാലവസ്ഥ റിപ്പോർട്ട്
• മാസപ്പടി വിവാദത്തിൽ പൊലീസിന് കേസെടുക്കാം; ഗൂഢാലോചന, വഞ്ചനാക്കുറ്റം നിലനിൽക്കുമെന്ന് ഇ.ഡി.
• ബാർ കോഴ ആരോപണം തള്ളി സിപിഎം; മന്ത്രി എം.ബി. രാജേഷ് രാജി വയ്‌ക്കേണ്ടെന്ന് എം.വി. ​ഗോവിന്ദൻ
• മദ്യനയത്തിലെ ഇളവുകൾക്ക് ലക്ഷങ്ങളുടെ പ്രത്യുപകാരം? സംസ്ഥാനത്ത് വീണ്ടും ബാർ കോഴ വിവാദം