നിറത്തിന്റെ പേരിൽ അവഹേളനം; 19കാരി ജീവനൊടുക്കിയ സംഭവത്തിൽ ഭർത്താവ് അറസ്റ്റിൽ

കണ്ണൂർ: നിറത്തിന്റെ പേരിലുണ്ടായ അവഹേളനത്തെ തുടർന്ന് പെൺകുട്ടി ആത്മഹത്യ ചെയ്ത സംഭവത്തിൽ ഭർത്താവ് അറസ്റ്റിൽ. മലപ്പുറം കൊണ്ടോട്ടി സ്വദേശിനി ഷഹാന മുംതാസിന്റെ ഭർത്താവായ മൊറയൂർ സ്വദേശി അബ്‌ദുൽ വാഹിദിനെയാണ് പൊലീസ് കസ്റ്റഡിയിലെടുത്തത്. വിദേശത്തു നിന്നെത്തിയ പ്രതിയെ കണ്ണൂർ വിമാനത്താവാളത്തിൽ വച്ചാണ് പൊലീസ് അറസ്റ്റു ചെയ്തത്.

ഭർത്താവിന്റെയും കുടുംബത്തിന്റെയും മാനസിക പീഡനത്തെ തുടർന്നാണ് 19 കാരിയായ ഷഹാന ജീവനൊടുക്കിയതെന്ന കുടുംബത്തിന്റെ പരാതിയിൽ കഴിഞ്ഞ ദിവസം അബ്‌ദുൽ വാഹിദിനെതിരെ കൂടുതൽ വകുപ്പ് ചുമത്തി കൊട്ടോണ്ടി പൊലീസ് കേസ് എടുത്തിരുന്നു. ആത്മഹത്യാ പ്രേരണ, ഭാര്യയെ മാനസികമായി പീഡിപ്പിക്കൽ എന്നീ വകുപ്പുകളാണ് ഇയാൾക്കെതിരെ ചുമത്തിയിരിക്കുന്നത്. 

ചൊവ്വാഴ്ച രാവിലെ പത്തു മണിയോടെയാണ് ഷഹായെ വീടിനുള്ളിൽ തുങ്ങിമരിച്ച നിലയിൽ കണ്ടെത്തിയത്. കഴിഞ്ഞ വർഷം മേയിലാണ് ഇരുവരുടെയും വിവാഹം കഴിഞ്ഞത്. വിദേശത്തുള്ള ഭർത്താവ് നിറത്തിന്റെ പേരിൽ ഫോണിലൂടെ തുടർച്ചയായി ഷഹാനയെ അവഹേളിച്ചിരുന്നുവെന്നാണ് കുടുംബത്തിന്റെയും ബന്ധുക്കളുടെയും പരാതി.

നിറത്തിന്റെ പേരിൽ വിവാഹ മോചനത്തിനായി ഭർത്താവ് നിർബന്ധിച്ചിരുന്നതായും, ഇതിൽ ഷഹാന കടുത്ത മാനസിക ബുദ്ധിമുട്ട് അനുഭവിച്ചിരുന്നുവെന്നും കുടുംബം ആരോപിച്ചു. ഇംഗ്ലീഷ് അറിയില്ലെന്ന് പറഞ്ഞും കുറ്റപ്പെടുത്തിയുരുന്നുവെന്നും പരാതിയിൽ ആരോപണമുണ്ട്.

ശ്രദ്ധിക്കുക, ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായത്തിനായി വിളിക്കൂ: Pratheeksha: 0484 2448830; Roshni: 040 790 4646, Aasra: 022 2754 6669 and Sanjivini: 011-24311918.

Read More

• ഇടതുകൗൺസിലറെ കടത്തിക്കൊണ്ടുപോയിട്ടില്ലെന്ന് സിപിഎം, കൂടുതൽ നടപടിക്ക് ഒരുങ്ങി പൊലീസ്
• സംസ്ഥാനത്ത് വീണ്ടും ശക്തമായ മഴയ്ക്ക് സാധ്യത; നാളെ രണ്ടു ജില്ലകളിൽ മഞ്ഞ മുന്നറിയിപ്പ്
• ഡിസിസി ട്രഷററുടെയും മകൻറെയും ആത്മഹത്യ; കോൺഗ്രസ് നേതാക്കൾക്ക് മുൻകൂർ ജാമ്യം
• ഷാരോൺ വധക്കേസിൽ ശിക്ഷാ വിധി 20 ന്, ഗ്രീഷ്മയ്ക്ക് ചെകുത്താന്റെ സ്വഭാവമെന്ന് പ്രോസിക്യൂഷൻ
• നെയ്യാറ്റിൻകര ഗോപൻ സ്വാമിയുടെ മൃതദേഹം സംസ്കരിച്ചു; പുതിയ കല്ലറയിൽ സംസ്കാരം