കെപിസിസിക്ക് പുതിയ നേതൃത്വം; സണ്ണി ജോസഫ് അധ്യക്ഷൻ, അടൂർ പ്രകാശ് കൺവീനർ

ഡൽഹി: കെപിസിസി അധ്യക്ഷനായി സണ്ണി ജോസഫ് എംഎൽഎയെ നിയമിച്ചു. കെ. സുധാകരന്റെ സ്ഥാനത്തേക്കാണ് പേരാവൂർ എംഎൽഎ ആയ സണ്ണി ജോസഫിനെ നിയമിച്ചത്. സ്ഥാനമൊഴിഞ്ഞ കെ. സുധാകരനെ കോൺഗ്രസ് പ്രവർത്തക സമിതി ക്ഷണിതാവായി തിരഞ്ഞെടുത്തു.

അടൂർ പ്രകാശ് എം.പിയെ യുഡിഎഫ് കൺവീനറായും നിയമിച്ചു. എം.എം ഹസനു പകരമായാണ് അടൂർ പ്രകാശിനെ നിയമിച്ചിരിക്കുന്നത്. പി.സി വിഷ്ണുനാഥ്, എ.പി അനിൽ കുമാർ, ഷാഫി പറമ്പിൽ എന്നിവരെ വർക്കിങ് പ്രസിഡൻ്റുമാരായി നിയമിച്ചു. കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെയാണ് പ്രഖ്യാപനം നടത്തിയത്. ‌കോൺഗ്രസ് ജനറൽ സെക്രട്ടറി കെ.സി വേണുഗോപാലാണ് ഇക്കാര്യം പത്രക്കുറിപ്പിലൂടെ അറിയിച്ചത്.

Hon'ble Congress President Shri @kharge has appointed the President and Working Presidents of the Kerala Pradesh Congress Committee, and also approved the proposal of the appointment of the Convenor of the UDF as follows, with immediate effect:

President, KPCC
Adv. Sunny Joseph… pic.twitter.com/qchk4AVrtk

— Congress (@INCIndia) May 8, 2025

കേരളത്തിലെ കോൺഗ്രസിനെ സംബന്ധിച്ചിടത്തോളം, കഴിഞ്ഞ നാലു വർഷക്കാലമായി പാർട്ടിയെ നയിച്ച കെ. സുധാകരന്റെ പ്രവർത്തനങ്ങളെ ഹൈക്കമാൻഡ് അങ്ങേയറ്റം വിലമതിക്കുന്നുവെന്ന് കെ.സി വേണുഗോപാൽ പറഞ്ഞു. അതുകൊണ്ടാണ് അദ്ദേഹത്തെ കോൺഗ്രസ് പ്രവർത്തക സമിതിയിലെ സ്ഥിരം ക്ഷണിതാവാക്കിയിരിക്കുന്നതെന്നും അദ്ദേഹം പറഞ്ഞു.

സുധാകരന് ശേഷം കണ്ണൂരിലെ കോൺഗ്രസിനെ നയിക്കാൻ അന്ന് പാർട്ടി നിയമിച്ചയാളാണ് സണ്ണി ജോസഫ്. ചിട്ടയോടെയുള്ള സംഘടനാ പ്രവർത്തനങ്ങൾക്ക് പേരുകേട്ടയാളാണ്. ആറു വർഷത്തോളം കണ്ണൂർ ഡിസിസി പ്രസിഡന്റായി അഭിമാനകരമായ പ്രവർത്തനം കാഴ്ചവച്ച ആർജവമുള്ള നേതാവാണ് സണ്ണീ ജോസഫ് എന്ന് കെ.സി വേണുഗോപാൽ പറഞ്ഞു.  

Read More

• സംസ്ഥാനത്ത് വീണ്ടും നിപ; രോഗം സ്ഥിരീകരിച്ചത് മലപ്പുറത്ത്
• കേരളത്തിലും അതിജാഗ്രത; വിമാനത്താവളങ്ങളിൽ അടക്കം കനത്ത സുരക്ഷ
• റാപ്പർ വേടനെതിരായ പുലിപ്പല്ല് കേസ്;വനം വകുപ്പ് ഉദ്യോഗസ്ഥന് സ്ഥലമാറ്റം
• പ്ലസ് ടു പരീക്ഷാഫലം മെയ് 21ന് പ്രഖ്യാപിക്കും
• എ.രാജയ്ക്ക് ദേവികുളം എംഎൽഎയായി തുടരാം; ഹൈക്കോടതി ഉത്തരവ് സുപ്രീം കോടതി റദ്ദാക