എസ്‌ഐയ്ക്ക് ഇമ്പോസിഷൻ, എസ്പി വക

പത്തനംതിട്ട: ചോദ്യത്തിന് കൃത്യമായ ഉത്തരം നൽകാത്തതിനെ തുടർന്ന്  വനിതാ എസ്‌ഐയ്ക്ക് ഇമ്പോസിഷൻ നൽകി എസ്പി. പത്തനംതിട്ടയിലാണ് സംഭവം. പതിവുഡാറ്റ റിപ്പോർട്ടിങ്ങിനിടെ ഭാരത ന്യായ് സംഹിത് സംബന്ധിച്ചുള്ള ചോദ്യത്തിന് കൃത്യമായി മറുപടി നൽകാത്തതിനെ തുർന്നാണ് എസ്പിയുടെ നടപടി. തുടർന്ന് ചോദിച്ച ഭാഗം മൂന്ന് തവണ ഇമ്പോസിഷനായി മെയിൽ വഴി അയക്കാനാണ് ജില്ലാ പോലീസ് മേധാവി നിർദ്ദേശം നൽകിയത്.

വനിതാ എസ് ഐ ഉടൻ ഇമ്പോസിഷൻ എഴുതി അയക്കുകയും ചെയ്തു. നല്ല ഉദ്ദേശത്തോടെയാണ് ഇമ്പോസിഷൻ നൽകിയതെന്നും പുതിയ നിയമസംവിധാനത്തെപ്പറ്റി കൂടുതൽ അവബോധം ഉണ്ടാവാൻ വേണ്ടിയാണ് ഇങ്ങനെയൊരു കൃത്യം നൽകിയതെന്നും പത്തനംതിട്ട ജില്ലാപോലീസ് മേധാവി വി.അജിത് പറഞ്ഞു. 

  എന്നാൽ, സംഭവം സേനയ്ക്കുള്ളിൽ വ്യാപക ചർച്ചയ്ക്ക് ഇടയാക്കിയിട്ടുണ്ട്. ഇത്തരത്തിൽ പ്രാകൃതമായ ശിക്ഷാനടപടികൾ വേണമോയെന്ന് ചോദ്യമാണ് സേനയിൽ തന്നെയുള്ള ഒരുവിഭാഗം ചോദിക്കുന്നത്. 

Read More

• സംസ്ഥാനത്ത് അതിതീവ്ര മഴ തുടരുന്നു; ഇടുക്കിയിലും കോട്ടയത്തും വീശിയടിച്ച് കൊടുങ്കാറ്റ്
• നേത്രാവതി എക്‌സ്പ്രസ് ഉൾപ്പെടെയുള്ള ട്രെയിൻ സർവ്വീസുകൾ ഓടില്ല; റദ്ദാക്കിയ ട്രയിനുകളറിയാം
  
• ആമയിഴഞ്ചാൻ തോട്ടിലെ അപകടം: കേസെടുത്ത് മനുഷ്യാവകാശ കമ്മിഷൻ