Kerala Rain: ശക്തമായ മഴ തുടരും; എട്ട് ജില്ലകളിൽ യെല്ലോ അലർട്ട്

Kerala Rains Updates: കൊച്ചി: സംസ്ഥാനത്ത് ശനിയാഴ്ചയും ഒറ്റപ്പെട്ട ശക്തമായ മഴ തുടരും. അടുത്ത അഞ്ച് ദിവസം മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ഗംഗാതട പശ്ചിമ ബംഗാളിന് മുകളിലായി ചക്രവാതചുഴി സ്ഥിതിചെയ്യുന്നു. മഹാരാഷ്ട തീരം മുതൽ കർണാടക തീരം വരെ ന്യൂനമർദ പാത്തി സ്ഥിതിചെയ്യുന്നു. ഈ സാഹചര്യത്തിലാണ് സംസ്ഥാനത്ത് ശക്തമായ മഴ്ക്കുള്ള സാഹചര്യം. 

Also Read:മെഡിക്കൽ കോളേജ് അപകടം; ആരോഗ്യ മന്ത്രിയുടെ രാജി ആവശ്യപ്പെട്ട് പ്രതിഷേധം ശക്തം

ജൂലൈ നാലു മുതൽ ഏഴ് വരെ കേരളത്തിന് മുകളിൽ മണിക്കൂറിൽ പരമാവധി 40 മുതൽ 50 കിലോമീറ്റർ വരെ വേഗതയിൽ കാറ്റു ശക്തമാകാനും സാധ്യതയെന്നും മുന്നറിയിപ്പിൽ പറയുന്നു.

Also Read: തോരാക്കണ്ണീരിൽ , നെഞ്ചുലഞ്ഞ് ബിന്ദുവിന് വിട നൽകി നാട്

ശക്തമായ മഴ കണക്കിലെടുത്ത് എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ യെല്ലോ അലർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

Also Read: മെഡിക്കൽ കോളേജ് അപകടം; ബിന്ദുവിന്റെ കുടുംബത്തിന് നഷ്ടപരിഹാരം നൽകും: വി.എൻ.വാസവൻ

അതേസമയം, കേരള- കർണാടക - ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിന് തടസമില്ല. എന്നാൽ, നാളെ മുതൽ ചൊവ്വാഴ്ച വരെ കർണാടക തീരത്ത് മത്സ്യബന്ധനത്തിന് പോകാൻ പാടില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.

ഇടുക്കിയിൽ റെക്കോർഡ് മഴ

പത്തു വർഷത്തിനിടെ ഇത്തവണ മേയ്, ജൂൺ മാസങ്ങളിൽ ഇടുക്കി മൂന്നാറിൽ പെയ്തത് റെക്കോർഡ് മഴ. ഈ വർഷം മേയ് മാസത്തിൽ 117.25 സെന്റിമീറ്ററും ജൂണിൽ 137. 69 സെന്റിമീറ്റർ മഴയുമാണ് ലഭിച്ചത്. ഈ വർഷം ഏറ്റവുമധികം മഴ പെയ്തത് മേയ് 25നും (18.28 സെന്റിമീറ്റർ) ജൂൺ 10നും (15.64 സെന്റിമീറ്റർ) ആണ്.

കഴിഞ്ഞ 9 വർഷം മേയ് മാസത്തിൽ ശരാശരി 27.17 സെന്റിമീറ്ററും ജൂണിൽ ശരാശരി 58.25 സെന്റിമീറ്ററും മഴയാണ് മൂന്നാറിൽ പെയ്തത്. ഈ വർഷം ജനുവരി ഒന്നു മുതൽ ജൂൺ 30 വരെ 270.89 സെന്റിമീറ്റർ മഴ പെയ്തു.കഴിഞ്ഞ വർഷം ഇതേ കാലയളവിൽ 121.55 സെന്റിമീറ്റർ മഴ മാത്രമാണ് ലഭിച്ചത്. 2015 ലാണ് ഇതിനു മുൻപ് ഏറ്റവുമധികം (171.8 സെന്റിമീറ്റർ) മഴ ലഭിച്ചത്.

Read More

വി.എസിൻറെ ആരോഗ്യനിലയിൽ പുരോഗതി; ഹൃദയമിടിപ്പ് സാധാരണ നിലയിലേക്കെത്തുകയാണെന്ന് മകൻ