രാഷ്ട്രപതി ശബരിമലയിലേക്ക്; ഒക്ടോബർ കേരളത്തിലെത്തും

ന്യൂഡൽഹി: ശബരിമലയിൽ ദർശനത്തിനായി രാഷ്ട്രപതി ദ്രൗപദി മുർമു ഒക്ടോബർ 22-ന് കേരളത്തിലെത്തും. തുലാമാസ പൂജയുടെ അവസാന ദിവസമാണ് രാഷ്ട്രപതി എത്തുന്നത്. അന്ന് രാത്രി തന്നെ മലയിറങ്ങി തിരുവനന്തപുരത്ത് എത്തും. ഒക്ടോബർ 22 മുതൽ 24 വരെ രാഷ്ട്രപതി കേരളത്തിലുണ്ടാകും.

Also Read:ശബരിമല സ്വർണ്ണപ്പാളി വിവാദം; തന്റെ വീട്ടിൽ പൂജ നടന്നിട്ടില്ലെന്ന് ജയറാം

22ന് ഉച്ചയ്ക്ക് നെടുമ്പാശ്ശേരിയിൽ എത്തുന്ന രാഷ്ട്രപതി തുടർന്ന് നിലയ്ക്കലിൽ തങ്ങിയ ശേഷം വൈകീട്ടോടെയാകും ശബരിമലയിൽ ദർശനത്തിനെത്തുക.

Also Read:സ്വർണപാളി വിവാദം; തന്നെയാരും പ്രതികൂട്ടിലാക്കിയിട്ടില്ല, അന്വേഷണത്തോട് സഹകരിക്കും: ഉണ്ണികൃഷ്ണൻ പോറ്റി

ഒക്ടോബർ 16നാണ് തുലാമാസ പൂജകൾക്കായി ശബരിമല നട തുറക്കുന്നത്. ആഗോള അയ്യപ്പ സംഗമ വേദിയിൽ രാഷ്ട്രപതി ശബരിമല സന്ദർശനത്തിന് എത്തുമെന്ന് മന്ത്രി വിഎൻ വാസവൻ പ്രഖ്യാപിച്ചിരുന്നു. രാഷ്ട്രപതിയുടെ സന്ദർശനത്തോടനുബന്ധിച്ച് സുരക്ഷാ മുന്നൊരുക്കങ്ങൾ ഇതിനോടകം നടത്തിയിട്ടുണ്ട്.

Also Read:വയനാട് ദുരന്തം; കൂടുതൽ ധനസഹായം ആവശ്യപ്പെട്ട് മുഖ്യമന്ത്രി ഡൽഹിയിലേക്ക്

നേരത്തെ, മേയ് മാസത്തിൽ രാഷ്ട്രപതി ശബരിമല സന്ദർശിക്കാൻ തീരുമാനിച്ചിരുന്നു. എന്നാൽ പഹൽഗാം ഭീകരാക്രമണവും തുടർന്നുണ്ടായ സംഘർഷങ്ങളുടെയും പശ്ചാത്തലത്തിൽ രാഷ്ട്രപതി സന്ദർശനം മാറ്റിവെക്കുകയായിരുന്നു. 

Read More:49-ാമത് വയലാർ അവാർഡ് ഇ. സന്തോഷ് കുമാറിന്