കോട്ടയത്ത് ഗർഭിണി ആത്മഹത്യ ചെയ്ത സംഭവം; ഭർതൃവീട്ടുകാരുടെ പീഡനം മൂലമെന്ന് ആരോപണം

കോട്ടയം: കടുത്തുരുത്തി കടപ്ലാമറ്റത്ത് ഒമ്പത് മാസം ഗർഭിണിയായ യുവതി ആത്മഹത്യ ചെയ്തത സംഭവത്തിൽ ഭർത്താവിന്റെ വീട്ടുകാർക്കെതിരെ പരാതിയുമായി യുവതിയുടെ കുടുംബം. ഭർത്താവിന്റെ വീട്ടിലെ പീഡനമാണ് ആത്മഹത്യക്ക് കാരണമെന്ന് വീട്ടുകാർ ആരോപിക്കുന്നു.

ഭർത്താവ് അഖിൽ സ്ഥിരം മദ്യപാനി ആയിരുന്നുവെന്നും വീട്ടിൽ മനസമാധാനം ഉണ്ടായിരുന്നില്ലെന്നും അമിതാ സണ്ണിയുടെ മാതാവ് എൽസമ്മ പറഞ്ഞു.ആത്മഹത്യചെയ്യുന്നതിന് മുമ്പ് ഫോണിൽ വിളിച്ച് രണ്ട് മക്കളെയും നോക്കണമെന്ന് പറഞ്ഞ് മകൾ ഫോൺ സ്വിച്ച് ഓഫ് ചെയ്യുകയായിരുന്നെന്നും അവർ പറഞ്ഞു. 

സംഭവത്തിൽ കടുത്തുരുത്തി പൊലീസ് അസ്വാഭാവിക മരണത്തിന് കേസെടുത്തിരുന്നു.കഴിഞ്ഞ ആഴ്ചയാണ് കടപ്ലാമറ്റം സ്വദേശിനി അമിതാ സണ്ണി (32) ആത്മഹത്യ ചെയ്തത്. മാഞ്ഞൂർ കണ്ടാറ്റുപാടം സ്വദേശി അഖിൽ മാനുവലാണ് അമിതാ സണ്ണിയുടെ ഭർത്താവ്. ഒമ്പത് മാസം ഗർഭിണിയായ അമിതയെ ഭർതൃവീട്ടിൽ തൂങ്ങി മരിച്ച നിലയിൽ കണ്ടെത്തുകയായിരുന്നു.ഭർത്താവുമായുള്ള വഴക്കാണ് ആത്മഹത്യയ്ക്ക് കാരണമെന്നാണ് പ്രാഥമിക നിഗമനം. നാലുവർഷം മുൻപായിരുന്നു ഇവരുടെയും വിവാഹം നടന്നത്.

ശ്രദ്ധിക്കു-ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായത്തിനായി വിളിക്കൂ: Pratheeksha: 0484 2448830; Roshni: 040 790 4646, Aasra: 022 2754 6669 and Sanjivini: 011-24311918

Read More

• ആശമാരുടെ ആവശ്യങ്ങൾ കേന്ദ്രസർക്കാരിനെ അറിയിച്ചെന്ന് വീണാ ജോർജ്; സമരത്തിന് പിന്തുണയുമായി ഐഎൻടിയുസി
• സംസ്ഥാനത്ത് ഉരുൾപ്പൊട്ടലിന് സാധ്യത;മുന്നറിയിപ്പുമായി കാലാവസ്ഥ നിരീക്ഷണ കേന്ദ്രം
• എമ്പുരാനെതിരെ ഹര്‍ജി; ബിജെപി ജില്ലാ കമ്മിറ്റി അംഗത്തിന് സസ്‌പെന്‍ഷൻ
• എമ്പുരാൻ റീ എഡിറ്റഡിൽ 24 വെട്ട്, സുരേഷ് ഗോപിയുടെ പേര് ഒഴിവാക്കി; മാറ്റങ്ങൾ ഇങ്ങനെ