ദിവ്യയെ ചോദ്യം ചെയ്യാതെ പോലീസ്; പ്രശാന്തിനെതിരെ നടപടി ഉണ്ടായേക്കും

കണ്ണൂർ: എഡിഎം നവീൻ ബാബുവിന്റെ മരണവുമായി ബന്ധപ്പെട്ട് മുൻ കണ്ണൂർ ജില്ലാ പഞ്ചായത്ത് പ്രസിഡന്റ് പിപി ദിവ്യയ്‌ക്കെതിരെ കേസെടുത്തിട്ടും അറസ്റ്റ് ചെയ്യാതെ പോലീസ്. വ്യാഴാഴ്ച ദിവ്യയുടെ മുൻകൂർ ജാമ്യ ഹർജിയിൽ ഹൈക്കോടതി വിധിയുണ്ടാകും. അതുവരെ ഒളിവിൽ തുടരാനാണ് സാധ്യത. 

ദിവ്യയെ അറസ്റ്റ് ചെയ്യാത്ത പോലീസ് നടപടിയിൽ പ്രതിഷേധവും ശക്തമാണ്. നേരത്തെ പോലീസ് നടപടിയിൽ പ്രതിഷേധിച്ച് ദിവ്യക്കെതിരെ ലുക്ക്ഔട്ട് നോട്ടീസ് ഇറക്കി യൂത്ത് കോൺഗ്രസ് പ്രതിഷേധിച്ചിരുന്നു. പിപി ദിവ്യയെ അറസ്റ്റ് ചെയ്യണമെന്നാവശ്യപ്പെട്ട് എൻജിഒ അസോസിയേഷൻറെ നേതൃത്വത്തിൽ കണ്ണൂർ കളക്ടറേറ്റിലെ ജീവനക്കാർ മാർച്ചും നടത്തിയിരുന്നു.

അതേസമയം, എഡിഎം  നവീൻ ബാബു പെട്രോൾ പമ്പ് അനുവദിക്കാൻ കൈക്കൂലി വാങ്ങി എന്ന് ആരോപണം ഉന്നയിച്ചുള്ള ടി വി പ്രശാന്തിൻറെ പരാതിയിൽ അടിമുടി ദുരൂഹത തുടരുന്നു. പരാതിയിലെയും പമ്പിനായുള്ള എൻഒസിയിലെയും ഒപ്പിലെയും പേരിലെയും വ്യത്യാസങ്ങൾ നേരത്തെ തന്നെ വിവാദമായിരുന്നു. പരാതി വ്യാജമാണെന്ന് തെളിഞ്ഞിട്ടും പ്രശാന്ത് ഇതുവരെ നിഷേധിച്ചിട്ടില്ല. വ്യാജ പരാതിയെ കുറിച്ച് ഇത് വരെ ഒരന്വേഷണവും നടക്കുന്നില്ല 

അതേസമയം, എ ഡി എം നവീൻ ബാബുവിൻറെ മരണത്തിലേക്ക് നയിച്ച സംഭവങ്ങൾ അന്വേഷിക്കുന്ന ലാൻഡ് റവന്യു ജോയിന്റ് കമ്മീഷണർ ഇന്ന് സർക്കാരിന് റിപ്പോർട്ട് നൽകിയെക്കും. പെട്രോൾ പമ്പിന് എൻഒസി ബോധ പൂർവ്വം വൈകിപ്പിച്ചു എന്നതിന് ഇതുവരെ തെളിവ് കിട്ടിയിട്ടില്ല.

എഡിഎം നവീൻ ബാബുകോഴ വാങ്ങി എന്നതിനും തെളിവ് ഇല്ലെന്നാണ് വിവരം. കൈക്കൂലി ആരോപണം ഉന്നയിച്ച പി പി ദിവ്യ ഇതുവരെ മൊഴി കൊടുത്തിട്ടില്ല. മൊഴി നൽകാൻ കാലതാമസം തേടുക ആണ് ചെയ്തത്. എഡിഎം നിയമ പരിധിക്കുള്ളിൽ നിന്നാണ് പമ്പിൻറെ  കാര്യത്തിൽ ഇടപെട്ടത് എന്നാണ് മൊഴികൾ.

പ്രശാന്തിനെതിരെ വകുപ്പ് തല അന്വേഷണം

എംഡിഎം നവീൻ ബാബുവിനെതിരെ കൈക്കൂലി ആരോപണം ഉന്നയിച്ച പ്രശാന്തിനെ സർവീസിൽ നിന്ന് ഒഴിവാക്കുന്നതിൻറെ ഭാഗമായി ആരോഗ്യ വകുപ്പ് അഡീഷണൽ ചീഫ് സെക്രട്ടറിയുടെ അന്വേഷണം ഇന്ന് തുടങ്ങും.

മെഡിക്കൽ എഡ്യൂക്കേഷൻ ജോയിൻറ് ഡയറക്ടർക്ക് മുൻപാകെ ഇന്ന് ഹാജരാകാൻ ആവശ്യപ്പെട്ട് പ്രശാന്തിന് ഇന്നലെ പരിയാരം മെഡിക്കൽ കോളേജ് പ്രിൻസിപ്പൽ നോട്ടീസ് നൽകിയിരുന്നു. ഇലക്ട്രീഷ്യനായ പ്രശാന്തിനെ പുറത്താക്കുന്നതിൽ ആരോഗ്യവകുപ്പ് നിയമോപദേശം തേടിയിട്ടുണ്ട്. 

Read More

• മഴ വില്ലനായി; പാലക്കാട് വാഹനാപകടത്തിൽ മരണം അഞ്ചായി
• ഏഴ് ജില്ലകളിൽ യെല്ലോ അലർട്ട്; സംസ്ഥാനത്ത് അതിശക്തമായ മഴ
• സിദ്ദിഖിന് ആശ്വാസം;അറസ്റ്റ് തടയുന്ന ഇടക്കാല ഉത്തരവ് തുടരും
• പ്രിയങ്കയേക്കാൾ മികച്ച നേതാവിനെ വയനാടിന് നിർദേശിക്കാനാകില്ല;രാഹുൽ ഗാന്ധി
• ന്യൂനമർദ്ദം തീവ്രമായി;സംസ്ഥാനത്ത് നാളെ ശക്തമായ മഴയ്ക്ക് സാധ്യത
• നവീൻ ബാബുവിനെതിരായ ആരോപണം; പരാതിയിലും പാട്ടക്കരാറിലും രണ്ട് ഒപ്പുകൾ