പ്രധാനമന്ത്രി വയനാട്ടിലെത്തി

കൽപ്പറ്റ: ഉരുൾകവർന്നെടുത്ത വയനാട്ടിലെ ദുരന്തമേഖലകൾ നേരിട്ട് കണ്ട്, അതിജീവിതരുടെ സങ്കടങ്ങൾ കേൾക്കാൻ പ്രധാനമന്ത്രി നരേന്ദ്ര മോദി വയനാട്ടിലെത്തി. 12.15 ഓടെയാണ് കൽപ്പറ്റ എസ്.കെ.എം.ജെ. സ്‌കൂൾ ഗ്രൗണ്ടിലാണ് വ്യോമസേനയുടെ പ്രത്യേക ഹെലികോപ്റ്ററിൽ പ്രധാനമന്ത്രി വന്നിറങ്ങിയത്. മുഖ്യമന്ത്രി പിണറായി വിജയൻ, ഗവർണർ ആരിഫ് മുഹമ്മദ് ഖാൻ, കേന്ദ്രമന്ത്രി സുരേഷ് ഗോപി എന്നിവരും പ്രധാനമന്ത്രിക്ക് ഒപ്പമുണ്ട്. മന്ത്രിമാരായ കെ രാജൻ,പി പ്രസാദ്, പിഎ മുഹമ്മദ് റിയാസ്, ഒആർ കേളു കളക്ടർ ഡിആർ മേഘശ്രീ എന്നിവർ ചേർന്ന് പ്രധാനമന്ത്രിയെ സ്വീകരിച്ചു. കൽപ്പറ്റയിൽ നിന്ന് റോഡുമാർഗമാണ് പ്രധാനമന്ത്രി ചൂരൽമലയിലേക്ക് പോകുന്നത്. ബെയ്‌ലി പാലം, സ്‌കൂൾ റോഡ് എന്നിവടങ്ങൾ പ്രധാനമന്ത്രി സന്ദർശിക്കും.തുടർന്ന്  ദുരിതാശ്വാസക്യാമ്പിലും ആശുപത്രിയിലും കഴിയുന്നവരുമായി സംസാരിക്കും.തുടർന്ന് വയനാട് കളക്ടറേറ്റിൽ എത്തുന്ന അദ്ദേഹം അവലോകനയോഗത്തിൽ പങ്കെടുക്കും.3.15-ന് തിരികെ കണ്ണൂരിലേക്ക് മടങ്ങും.

#Kerala | Prime Minister @narendramodi conducts aerial survey of the landslide-affected area in Wayanad

CM Pinarayi Vijayan is accompanying him#waynadlandslidepic.twitter.com/ES3sCmNVMl

— DD News (@DDNewslive) August 10, 2024

നേരത്തെ 11 മണിയോടെയാണ് പ്രധാനമന്ത്രി കണ്ണൂർ വിമാനതാവളത്തിൽ പ്രത്യേക വിമാനത്തിൽ വന്നിറങ്ങിയത്. അവിടെ നിന്ന് പ്രത്യേക വിമാനത്തിലാണ് പ്രധാനമന്ത്രി വയനാട്ടിലേക്ക് പുറപ്പെട്ടത്. ചൂരൽമല, പുഞ്ചിരിമല, മുണ്ടക്കൈ എന്നിടങ്ങളിലെ ദുരന്തമേഖലയിൽ വ്യോമ നിരീക്ഷണം നടത്തിയ ശേഷമാണ് പ്രധാനമന്ത്രിയുടെ ഹെലികോപ്റ്റർ കൽപ്പറ്റയിൽ വന്നിറങ്ങിയത്.

പ്രധാനമന്ത്രിയുടെ സന്ദർശനത്തോടനുബന്ധിച്ച് വയനാട് ജില്ലയിൽ കർശന നിയന്ത്രണങ്ങളുള്ളതിനാൽ മുണ്ടക്കൈ, ചൂരൽമല തുടങ്ങി ദുരന്തബാധിത പ്രദേശങ്ങളിൽ ശനിയാഴ്ച തിരച്ചിൽ ഉണ്ടായിരിക്കുന്നതല്ലെന്ന് ജില്ലാ കളക്ടർ ഡി.ആർ. മേഘശ്രീ അറിയിച്ചു. സന്നദ്ധ പ്രവർത്തകർ, തെരച്ചിലുമായി ബന്ധപ്പെട്ട മറ്റുള്ളവർ തുടങ്ങിയവർക്ക് ദുരന്തബാധിത പ്രദേശങ്ങളിൽ പ്രവേശനം ഉണ്ടായിരിക്കുന്നതല്ല. ഞായറാഴ്ച ജനകീയ തെരച്ചിൽ പുനരാരംഭിക്കുമെന്നും  ജില്ലാ കളക്ടർഅറിയിച്ചു.

Read More

• പ്രധാനമന്ത്രിയുടെ വയനാട് സന്ദർശനം; പ്രതീക്ഷയോടെ കേരളം
• പ്രധാനമന്ത്രിയുടെ സന്ദർശനം;വയനാട്ടിൽ ഗതാഗത നിയന്ത്രണം
• വയനാട് ദുരന്തം; ഓണാഘോഷം ഒഴിവാക്കി
• വയനാട്ടിലെ വിദ്യാർഥികൾക്ക് നഷ്ടപ്പെട്ട സർട്ടിഫിക്കറ്റുകൾ വേഗം നൽകുമെന്ന് മന്ത്രി
• വയനാടിന്റെ പുനരധിവാസത്തിന് സമഗ്ര പദ്ധതി വേണം: മുഖ്യമന്ത്രി
• വയനാട് ദുരന്തം;സ്വമേധയാ കേസെടുക്കാൻ ഹൈക്കോടതി നിർദേശം
• വയനാട്ടിലെ പുനരധിവാസം: 91 സർക്കാർ ക്വാട്ടേഴ്സുകൾ ലഭ്യമാക്കും
• വയനാട് ദുരന്തം: കാണാതായവർക്കായുള്ള തിരച്ചിൽ പത്താം നാൾ