അങ്കമാലി യാഡിലെ അറ്റകുറ്റപണി: ട്രെയിൻ സർവീസുകളിൽ മാറ്റം

കൊച്ചി: അങ്കമാലി യാഡിൽ അറ്റകുറ്റപണി നടക്കുന്നതിനാൽ ട്രെയിൻ സർവീസുകളിൽ മാറ്റം. രണ്ടു ട്രെയിനുകൾ റദ്ദാക്കി. ഞായറാഴ്ച രാവിലെ 7.20-ന് പുറപ്പെടുന്ന പാലക്കാട് - എറണാകുളം ജംങ്ഷൻ മെമു (06797), ഉച്ചയ്ക്ക് 2.45-ന് പുറപ്പെടുന്ന എറണാകുളം ജംങ്ഷൻ - പാലക്കാട് മെമു (06798) എന്നീ ട്രെയിനുകളാണ് റദ്ദാക്കിയത്. 

തൂത്തുക്കുടി - പാലക്കാട് പാലരുവി എക്സ്പ്രസ് (16791) ശനിയാഴ്ച ആലുവയിൽ സർവീസ് അവസാനിപ്പിക്കും. തിരുവനന്തപുരം - കോഴിക്കോട് ജനശതാബ്ദി എക്സ്പ്രസ് (12076) എറണാകുളം ജംങ്ഷനിലും, തിരുവനന്തപുരം - ഷൊർണൂർ വേണാട് എക്സ്പ്രസ് (16302) എറണാകുളം ​ടൗണിലും, കണ്ണൂർ - ആലപ്പുഴ എക്സപ്രസ് ( 16308) ഷൊർണൂരിലും ഞായറാഴ്ച സർവീസ് അവസാനിപ്പിക്കും.

പാലക്കാട് - തൂത്തുക്കുടി പാലരുവി എക്സ്പ്രസ് (16792) ആലുവയിൽ നിന്ന് ഞായറാഴ്ച വൈകിട്ട് 6.05-ന് പുറപ്പെടും. കോഴിക്കോട് - തിരുവനന്തപുരം ജനശതാബ്ദി എക്സ്പ്രസ് (12075) ഞായറാഴ്ച എറണാകുളം ജംങ്ഷനിൽ നിന്ന് വൈകിട്ട് 5.25ന് പുറപ്പെടും. ഷൊർണൂർ - തിരുവനന്തപുരം വേണാട് എക്സ്പ്രസ് (16301) ഞായറാഴ്ച വൈകിട്ട് 7.50നാണ് ഷൊർണൂരിൽ നിന്ന് പുറപ്പെടുക.

Read More

• ഇപി ജയരാജനെ എൽഡിഎഫ് കൺവീനർ സ്ഥാനത്ത് നിന്ന് മാറ്റി
• യുവാവിന്റെ പരാതി:രഞ്ജിത്തിനെതിരെ കേസെടുത്തു
• 'കാരവാനിൽ വരെ ഒളിക്യാമറ';വെളിപ്പെടുത്തലുമായി നടി രാധികാ ശരത്കുമാർ
• ലൈംഗികാതിക്രമണ പരാതി; ലോയേഴ്‌സ് കോണ്‍ഗ്രസ് നേതാവിന്റെ അറസ്റ്റു തടഞ്ഞ് കോടതി