കോൺഗ്രസ് സ്ഥാനാർഥികളെ പ്രഖ്യാപിച്ചു: വയനാട്ടിൽ രാഹുൽ, ആലപ്പുഴയിൽ കെസി വേണുഗോപാൽ, തൃശൂരിൽ മുരളീധരൻ, വടകരയിൽ ഷാഫി

ഡൽഹി: വരുന്ന ലോക്‌സഭാ തെരഞ്ഞെടുപ്പിനുള്ള 39 സ്ഥാനാർത്ഥികളുടെ ആദ്യ പട്ടിക കോൺഗ്രസ് വെള്ളിയാഴ്ച പുറത്തിറക്കി. കേരളത്തിൽ മത്സരിക്കുന്ന 16 സീറ്റുകളിലെത് അക്കമുള്ള സ്ഥാനാർഥികളെയാണ് കോൺഗ്രസ് പ്രഖ്യാപിച്ചത്.

പാർട്ടി മുൻ അധ്യക്ഷൻ രാഹുൽ ഗാന്ധി രണ്ടാം തവണയും വയനാട്ടിൽ മത്സരിക്കും. പാർട്ടി ജനറൽ സെക്രട്ടറി കെ.സി വേണുഗോപാൽ ആലപ്പുഴയിൽ നിന്ന് മത്സരിക്കും. കെ മുരളീധരനെ  തൃശൂരിലേക്ക് മാറ്റിയപ്പോൾ, ഷാഫി പറമ്പിൽ എംഎൽഎ വടകരയിൽ സ്ഥാനമുറപ്പിച്ചു. തിരുവനന്തപുരത്ത് തുടർച്ചയായി നാലാം തവണയും സിറ്റിംഗ് എംപി ശശി തരൂർ തന്നെയാണ് മത്സരിക്കുന്നത്. 

സിറ്റിങ്ങ് എംപിമാരിൽ ടി.എൻ പ്രതാപൻ മാത്രമാണ് ഇത്തവണത്തെ കോരളത്തിലെ ലോക്സഭാ തിരഞ്ഞെടുപ്പിൽ ഇടം പിടിക്കാത്തത്. കേരളം, കർണാടക, തെലങ്കാന, ഡൽഹി, ഛത്തീസ്ഗഡ് തുടങ്ങിയ 10 സംസ്ഥാനങ്ങളിൽ നിന്നുള്ള 60 സ്ഥാനാർത്ഥികളുടെ പേരുകൾ തീരുമാനിക്കാൻ കോൺഗ്രസ് തിരഞ്ഞെടുപ്പ് കമ്മിറ്റി വ്യാഴാഴ്ച യോഗം ചേർന്നിരുന്നു.

കേരളത്തിലെ കോൺഗ്രസ് സ്ഥാനാർത്ഥികൾ

• തിരുവനന്തപുരം- ശശി തരൂർ
• ആറ്റിങ്ങൽ- അടൂർ പ്രകാശ്
• പത്തനംതിട്ട-ആന്റോ ആന്റണി
• മാവേലിക്കര-കൊടിക്കുന്നിൽ സുരേഷ്
• ആലപ്പുഴ-കെ.സി വേണുഗേപാൽ
• എറണാകുളം-ഹൈബി ഈഡൻ
• ഇടുക്കി-ഡീൻ കുര്യാക്കോസ്
• ചാലക്കുടി- ബെന്നി ബഹനാൻ
• തൃശ്ശൂർ-കെ.മുരളീധരൻ
• പാലക്കാട്- വികെ ശ്രീകണ്ഠൻ
• ആലത്തൂർ- രമ്യ ഹരിദാസ്
• കോഴിക്കോട് -എംകെ രാഘവൻ
• വയനാട്-രാഹുൽ ഗാന്ധി
• വടകര-ഷാഫി പറമ്പിൽ
• കണ്ണൂർ-കെ.സുധാകരൻ
• കാസർഗോഡ്- രാജ്മോഹൻ ഉണ്ണിത്താൻ

കോൺഗ്രസ് സ്ഥാനാർത്ഥി പട്ടിക