Kerala SSLC Result 2025 OUT: എസ്.എസ്.എൽ.സി. വിജയശതമാനം 99.5, നാലുമണി മുതൽ ഫലം അറിയാം

Kerala SSLC Result 2025 OUT: തിരുവനന്തപുരം: ഈ വർഷത്തെ എസ്.എസ്.എൽ.സി. പരീക്ഷാഫലം പ്രഖ്യാപിച്ചു. വിജയശതമാനം. 99.5 ആണ് വിജയശതമാനം. കണ്ണൂർ ജില്ലയിലാണ് ഏറ്റവുമധികം വിജയശതമാനം.99.87 ആണ് വിജയശതമാനം. തിരുവനന്തപുരം ജില്ലയിലാണ് ഏറ്റവും കുറവ് വിജയശതമാനം. 98.59-ശതമാനമാണ് ജില്ലയിലെ വിജയശതമാനം

വിദ്യാഭ്യാസ ജില്ലയിൽ പാല, മാവേലിക്കര വിദ്യാഭ്യാസ ജില്ലകളാണ് ഒന്നാമത്. പാലയും മാവേലിക്കരയും നൂറ് ശതമാനം വിജയം നേടി. ആറ്റങ്ങലാണ് വിദ്യാഭ്യാസ ജില്ലയിൽ ഏറ്റവും പിന്നിൽ. 98.28-ശതമാനമാണ് വിജയം. കഴിഞ്ഞ വർഷവും വിജയശതമാനത്തിൽ ഒന്നാമത് പാലായും പിന്നിൽ ആറ്റിങ്ങലുമായിരുന്നു.

എ പ്ലസിൽ ഒന്നാമത് മലപ്പുറം

റെഗുലർ വിഭാഗത്തിൽ 61449  കുട്ടികൾക്ക് സമ്പൂർണ എ പ്ലസ് നേടി. മലപ്പുറം ജില്ലയിലാണ് ഏറ്റവും കുടുതൽ എ പ്ലസ്.2331 സ്കൂളുകൾ നൂറ് ശതമാനം വിജയം കരസ്ഥമാക്കി.   856 സർക്കാർ സ്‌കുളുകൾ നൂറ് ശതമാനം വിജയം നേടി. 1086 എയ്ഡഡ് സ്‌കൂളുകൾ നൂറ് ശതമാനം വിജയം നേടിയപ്പോൾ അൺ എയ്ഡഡ് മേഖലയിൽ 441 സ്‌കൂളുകൾ നൂറ് ശതമാനം വിജയം നേടി.

വിജയശതമാനം കുറവ്

വിദ്യാഭ്യാസ വകുപ്പ് മന്ത്രി വി.ശിവൻകുട്ടിയാണ് ഫലം പ്രഖ്യാപിച്ചത്. എസ്.എസ്.എൽ.സി പരീക്ഷയിൽ ജയവും തോൽവിയുമില്ല. എല്ലാവരും ആത്മവിശ്വാസത്തോടെ ജീവിതമെന്ന് പരീക്ഷയിൽ വിജയിക്കുകയാണ് വേണ്ടതെന്നും മന്ത്രി പറഞ്ഞു.

കഴിഞ്ഞ വർഷത്തെ അപേക്ഷിച്ച് ഇക്കുറി വിജയശതമാനം കുറവാണ്.കഴിഞ്ഞ വർഷത്തേക്കാൾ 1.9 ശതമാനമാണ് കുറവ്.72 ക്യാമ്പുകളിലായാണ് ഈ വർഷത്തെ മൂല്യനിർണയം പൂർത്തിയാക്കിയത്. കഴിഞ്ഞ വർഷം  99.69 ആയിരുന്നു വിജയശതമാനം.

പരീക്ഷ എഴുതിയത് 426697 കുട്ടികൾ 

3024 സെന്റെറുകളിലായി 427020 വിദ്യാർഥികളാണ് രജിസ്റ്റർ ചെയ്തത്. ഇതിൽ 426697 വിദ്യാർഥികൾ പരീക്ഷയെഴുതി. പ്രൈവറ്റ് വിഭാഗത്തിൽ 74 വിദ്യാർഥികൾ പരീക്ഷയെഴുതി.ഇതിൽ 424583 വിദ്യാർഥികൾ ഉന്നതപഠനത്തിന് യോഗ്യത നേടി.

ടി.എച്ച്.എസ്.എൽ.സി. വിഭാഗത്തിൽ 3055 കുട്ടികൾ പരീക്ഷയെഴുതിയതിൽ 3055പേർ ഉന്നത പഠനത്തിന് യോഗ്യത നേടി. 99.48-ശതമാനമാണ് വിജയം. ടി.എച്ച്.എസ്.എൽ.സി. എച്ച.ഐ. വിഭാഗത്തിൽ 12 കുട്ടികൾ പരീക്ഷയെഴുതിയതിൽ മുഴുവൻ പേരും വിജയിച്ചു. എ.എച്ച്.എസ്.എൽ.സിയിൽ പരീക്ഷയെഴുതിയ 66 കുട്ടികളും വിജയിച്ചു.

ഫലം ഇവിടെ അറിയാം

മുന്‍ വര്‍ഷങ്ങളിലേതിന് സമാനമായി ഔദ്യോഗിക വെബ്‌സൈറ്റുകള്‍ക്ക് പുറമെ ഡിജിലോക്കര്‍ വഴിയും എസ്എംഎസ് വഴിയും ഫലം അറിയാന്‍ സൗകര്യമുണ്ടാകും.

എസ്എസ്എൽസി (എച്ച്ഐ) ഫലം http://sslchiexam.kerala.gov.in ലും ടിഎച്ച്എസ്എൽസി (എച്ച്ഐ) ഫലം http://thslchiexam.kerala.gov.in ലും എഎച്ച്എസ്എൽസി ഫലം http://ahslcexam.kerala.gov.in ലും ടിഎച്ച്എസ്എൽസി ഫലം https://thslcexam.kerala.gov.in/thslc/index.php എന്ന വെബ്സൈറ്റിലും ലഭിക്കും. വൈകീട്ട് നാല് മണിമുതൽ ഔദ്യോഗിക വെബ്‌സൈറ്റുകള്‍ വഴി ഫലം അറിയാൻ കഴിയും. 

പ്ലസ് വൺ പ്രവേശനം

സർക്കാർ, എയ്ഡ് സ്കൂളുകളിലെ പ്ലസ് വൺ പ്രവേശനം ഈ മാസം 14 മുതൽ 20 വരെ ഏകജാലക സംവിധാനം വഴി ഓൺലൈനിൽ അപേക്ഷിക്കാം. മൂന്ന് അലോട്മെൻ്റ് അനുസരിച്ചുള്ള പ്രവേശനം പൂർത്തിയാക്കി ജൂൺ 18ന് ക്ലാസുകൾ ആരംഭിക്കുമെന്ന് മന്ത്രി ശിവൻകുട്ടി അറിയിച്ചു. 

Read More

• എസ്എസ്എൽസി പരീക്ഷാ ഫലം; ഈ 4 വെബ്സൈറ്റുകളിൽ അറിയാം
• മീഡിയ അക്കാദമി പിജി ഡിപ്ലോമ; മെയ് 25 വരെ അപേക്ഷിക്കാം
• കൈറ്റ് എ.ഐ. കോഴ്‌സ്: രജിസ്‌ട്രേഷൻ നീട്ടി
• കൈറ്റിന്റെ കീ ടു എൻട്രൻസ്: നീറ്റ് എൻട്രൻസ് മാതൃകാ പരീക്ഷ എഴുതാം
• സിബിഎസ്ഇ 10, 12 ക്ലാസ് പരീക്ഷാഫലം ഇന്നില്ല, അടുത്ത ആഴ്ചയാകുമെന്ന് ബോർഡ്