ശബരിമലയിലെ വിഐപി ദർശനം; നടന്‍ ദിലീപിനെതിരെ ഹൈക്കോടതി; നടപടി അറിയിക്കാന്‍ നിർദേശം

കൊച്ചി: ശബരിമലയിലെ വിഐപി ദർശന വിവാദത്തിൽ നടൻ ദിലീപിനെതിരെ വിമർശനവുമായി ഹൈക്കോടതി. ദിലീപിന്റെ ശബരിമല ദര്‍ശനം ഗൗരവകരമാണെന്ന് കോടതി നിരീക്ഷിച്ചു. എന്ത് പ്രത്യേകതയാണ് ഇത്തരം ആളുകള്‍ക്കുള്ളതെന്നും, ദിലീപിനു വേണ്ടി മുന്‍ നിരയിലുള്ളവരെ തടഞ്ഞുവെന്നും കോടതി പറഞ്ഞു.

ശബരിമലയില്‍ ദിലീപിനായി മുമ്പും ഭക്തരെ തടഞ്ഞിട്ടുണ്ടെന്ന് കോടതി വ്യക്തമാക്കി. ഇത്തരം നടപടി അനുവദിക്കാനാവില്ല. വിഷയത്തിൽ സ്വീകരിച്ച നടപടി അറിയിക്കാന്‍ ദേവസ്വം ബോര്‍ഡിന് ഹൈക്കോടതി നിര്‍ദേശം നൽകി. ദൃശ്യങ്ങൾ പരിശോധിച്ച ശേഷമായിരുന്നു കോടതിയുടെ വിമർശനം.

കഴിഞ്ഞ വ്യാഴാഴ്ചയാണ് ദിലീപ് ശബരിമലയിൽ ദർശനം നടത്തിയത്. നട അടയ്ക്കുന്നതിന് തൊട്ടുമുൻപാണ് ദിലീപ് ദർശനം നടത്തിയത്. ഹരിവരാസനം കീർത്തനം പൂർത്തിയായി നടയടച്ച ശേഷമാണ് ദിലീപ് മടങ്ങിയത്. കഴിഞ്ഞ വർഷങ്ങളിലും നടൻ ശബരിമല ദർശനം നടത്തിയിരുന്നു. ദീലിപ് ക്യൂ ഒഴിവാക്കി പോലീസുകാർക്കൊപ്പം ദർശനത്തിനായി എത്തുന്ന ദൃശ്യങ്ങൾ പുറത്തുവന്നിരുന്നു.

Read More 

• അന്തിമവാദം തുറന്ന കോടതിയിൽ വേണം; നടിയെ ആക്രമിച്ച കേസിൽ നിർണായക നീക്കവുമായി അതിജീവിത
• ഹേമ കമ്മിറ്റി ഹർജികൾ ഇന്ന് സുപ്രീം കോടതിയിൽ; മൊഴിയിൽ കൃത്രിമം ആരോപിച്ച് മറ്റൊരു നടികൂടി രംഗത്ത്
• പുരുഷന്മാർക്കും അന്തസ്സുണ്ട്; ലൈംഗികാതിക്രമ കേസിൽ ബാലചന്ദ്ര മേനോന് മുൻകൂർ ജാമ്യം അനുവദിച്ച് ഹൈക്കോടതി
• തമിഴ്നാട് മുഖ്യമന്ത്രി എം.കെ.സ്റ്റാലിൻ കേരളത്തിൽ; മുല്ലപ്പെരിയാർ തർക്കത്തിൽ പിണറായിയുമായി ഇന്ന് ചർച്ച
• ഉപതിരഞ്ഞെടുപ്പിന് ചുമതലകൾ തരാത്തതിൽ പരാതിയില്ല, വിവാദം അടഞ്ഞ അധ്യായമായെന്ന് ചാണ്ടി ഉമ്മൻ
• സംസ്ഥാനത്ത് മഴ കനക്കും, അതിശക്ത മഴ മുന്നറിയിപ്പ്