ശബരിമല തീർത്ഥാടകർക്ക് മുന്നറിയിപ്പ്; രാത്രി പമ്പയിൽ ഇറങ്ങരുത്

പത്തനംതിട്ട: അതിശക്തമായ മഴയുടെ സാഹചര്യത്തിൽ ശബരിമല തീർത്ഥാടകർക്ക് പത്തനംതിട്ട ജില്ലാ ഭരണകൂടത്തിന്റെ മുന്നറിയിപ്പ്. മഴ ശക്തമായി തുടരുന്ന സാഹചര്യത്തിൽ പമ്പാ നദിയിൽ ജലനിരപ്പ് ഉയരാൻ സാധ്യതയുണ്ട്. പമ്പ നദിയിൽ നീരൊഴുക്ക് ശക്തമാണ്. ജലനിരപ്പ് ഉയരാനും ഒഴുക്ക് ശക്തമാകാനും സാധ്യതയുള്ളതിനാൽ രാത്രിയിൽ തീർത്ഥാടകർ പമ്പ നദിയിൽ കുളിക്കാൻ ഇറങ്ങരുത്. 

കനത്ത മഴയുടെ പശ്ചാത്തലത്തിൽ മലയോര മേഖലയിലേക്കുള്ള രാത്രി യാത്ര നിരോധിച്ചിട്ടുണ്ട്. രാത്രി യാത്രയിൽ ശബരിമല തീർത്ഥാടകർക്ക് ഇളവ് അനുവദിച്ചിട്ടുണ്ട്. ഇന്നും അതിശക്തമായി മഴ തുടർന്നാൽ കാനനപാത വഴി തീർത്ഥാടകരെ കടത്തി വിടില്ല. പത്തനംതിട്ട ജില്ലയിൽ ഇന്ന് റെഡ് അലർട്ടാണ്.

സംസ്ഥാനത്ത് ഇന്ന് അതിശക്തമായ മഴയ്ക്ക് സാധ്യതയെന്നാണ് കാലാവസ്ഥ മുന്നറിയിപ്പ്. ആലപ്പുഴ, കോട്ടയം, എറണാകുളം, തൃശൂർ  ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കും മണിക്കൂറിൽ 40 കിലോമീറ്ററിൽ താഴെ വരെ വേഗതയിൽ ശക്തമായ കാറ്റിനും സാധ്യതയുണ്ട്. പത്തനംതിട്ട, ഇടുക്കി, പാലക്കാട്, മലപ്പുറം, കോഴിക്കോട് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.  

Read More

• ഇന്ന് അതിശക്തമായ മഴ; 5 ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി
• 'അടുപ്പില്‍ വെച്ച വെള്ളം വാങ്ങി വെച്ചോളൂ;' മുന്നണി വിടുമെന്ന വാർത്ത വ്യാജമെന്ന് ജോസ് കെ. മാണി
• കരുനാഗപ്പള്ളിയിലേത് ഒറ്റപ്പെട്ട സംഭവം; പാർട്ടിക്ക് അപമാനമല്ല; എംവി ഗോവിന്ദൻ
• ക്ഷേമ പെൻഷൻ തട്ടിപ്പ്; തദ്ദേശ സ്ഥാപനങ്ങളിൽ സോഷ്യൽ ഓഡിറ്റ് പരിശോധന നടത്തും