സ്വർണ്ണവിലയിൽ റെക്കോർഡ് കുറവ്

കൊച്ചി: ഡിസംബർ മാസത്തെ ഏറ്റവും കുറഞ്ഞ നിരക്കിലേക്ക് താഴ്ന്ന് സ്വർണ വില. കേരളത്തിൽ ഇന്ന് ഒരു പവൻ സ്വർണത്തിന്റെ വില 56,560 രൂപയാണ്. പവന് 520 രൂപയാണ് കുറഞ്ഞത്. ഒരു ഗ്രാം സ്വർണത്തിന്റെ ഇന്നത്തെ വില 7,070 രൂപയാണ്. ഇടയ്‌ക്കൊന്ന് കൂടിയെങ്കിലും കഴിഞ്ഞ ഏതാനും നാളുകളായി സ്വർണ വിലയിൽ ഇടിവ് രേഖപ്പെടുത്തുന്നു. ഇന്നലെ പവന് 57,120 രൂപയായിരുന്നു സ്വർണത്തിന്റെ വിപണി വില.

ഈ മാസം ഏറ്റവും ഉയർന്ന സ്വർണ നിരക്ക് രേഖപ്പെടുത്തിയത് ഡിസംബർ 11, 12 തീയതികളിൽ ആയിരുന്നു. അന്ന് 58,280 രൂപയായിരുന്നു സ്വർണ വില. പിന്നീട് അങ്ങോട്ട് വിലയിൽ കാര്യമായ വർദ്ധനവ് ഉണ്ടായിട്ടില്ല. ഏഴ് ദിവസം കൊണ്ട് ഏകദേശം 1,720 രൂപയാണ് കുറഞ്ഞത്. ഡിസംബർ മാസത്തിന്റെ തുടക്കത്തിൽ സംസ്ഥാനത്ത് സ്വർണവില 56,000 രൂപയായിരുന്നു

കഴിഞ്ഞ ആറ് മാസത്തിനിടെ ഏറ്റവും ഉയർന്ന സ്വർണവില രേഖപ്പെടുത്തിയത് നവംബർ 1-നായിരുന്നു. ഒരു പവൻ സ്വർണത്തിന് അന്ന് 59,080 രൂപയായിരുന്നു വില. തുടർന്ന്, നവംബർ മാസത്തിൽ തന്നെ ഏറ്റവും കുറഞ്ഞ സ്വർണവിലയും രേഖപ്പെടുത്തി. നവംബർ 14,16,17 തീയതികളിൽ 55,000 രൂപ ആയിരുന്നു സ്വർണത്തിന്റെ വിപണി നിരക്ക്.

സാമ്പത്തിക വിദഗ്ധരുടെ വിലയിരുത്തൽ അനുസരിച്ച് സമീപഭാവിയിൽ തന്നെ സ്വർണ വില 60000 കടക്കും. സ്വർണത്തിന്റെ ഇറക്കുമതി തീരുവ കുറച്ചെന്ന് ബഡ്ജറ്റിൽ കേന്ദ്ര സർക്കാർ പ്രഖ്യാപിച്ചിട്ടും സ്വർണവില കുറയാത്തത് ആഭരണം വാങ്ങാൻ ഒരുങ്ങുന്നവരെ ആശങ്കയിലാഴ്ത്തിയിട്ടുണ്ട്.

2024 ഡിസംബർ 1 വരെ സംസ്ഥാനത്ത് സ്വർണവിലയിൽ 29 ശതമാനം വർദ്ധനവാണ് ഉണ്ടായിരിക്കുന്നത്. പശ്ചിമേഷ്യൻ രാജ്യങ്ങളിലെ യുദ്ധവും ലോകരാജ്യങ്ങളിലെ രാഷ്ട്രീയ സാഹചര്യവും സ്വർണവിലയെ സ്വാധീനിക്കുന്ന ഘടകങ്ങൾ ആണ്. അതേസമയം, അടുത്ത വർഷം 2024-ന് സമാനമായുള്ള കുതിച്ചുചാട്ടം സ്വർണവിലയിൽ പ്രകടമാകില്ലെന്നാണ് വേൾഡ് ഗോൾഡ് കൗൺസിൽ റിപ്പോർട്ട്.

ഇതിന് പുറമെ, സെൻട്രൽ ബാങ്കുകൾ വലിയ തോതിൽ സ്വർണം വാങ്ങിയതും നിരക്ക് വർദ്ധനവിന് കാരണമായി. എന്നാൽ, പുറത്തുവരുന്ന റിപ്പോർട്ടുകൾ പ്രകാരം 2025ൽ പണപ്പെരുപ്പത്തിന് നിയന്ത്രണമുണ്ടാകും. അതുപോലെ, ഡൊണാൾഡ് ട്രംപ് കൈക്കൊള്ളാൻ പോകുന്ന തീരുമാനങ്ങളും സ്വർണവിലയെ സ്വാധീനിക്കും. വ്യാപാര നയങ്ങളിലും പലിശ നിരക്കുകളിലും ട്രംപ് സ്വീകരിക്കുന്ന ഇനി ഇക്കാര്യങ്ങൾ നിശ്ചയിക്കുന്നത്. അതേസമയം, ഏഷ്യൻ രാജ്യങ്ങളിൽ സ്വർണത്തിന്റെ ഏറ്റവും വലിയ ഉപഭോക്താക്കൾ ഇന്ത്യയും ചൈനയുമാണ്.

അതേസമയം, സംസ്ഥാനത്തെ വെള്ളിവില കാര്യമായ മാറ്റമില്ലാതെ തുടരുകയാണ്. കഴിഞ്ഞ ദിവസത്തെ നിരക്കിൽ നിന്നും വലിയ വ്യത്യാസങ്ങൾ വന്നിട്ടില്ല. ഒരു ഗ്രാം വെള്ളിക്ക് ഇന്ന് 99.90 രൂപയാണ് വില. പ്ലാറ്റിനത്തിന്റെ വിലയും ഇന്ന് മാറ്റമില്ലാതെ തുടർന്ന്. ഇന്ന് ഒരു ഗ്രാം പ്ലാറ്റിനത്തിന് 2555 രൂപ എന്ന നിരക്കിലാണ് വ്യാപാരം പുരോഗമിക്കുന്നത്. 10 ഗ്രാമിന് 25550 രൂപയാണ് വില.

Read More

• മീന ഗണേഷ് ഇനി ഓർമ
• എം.എം.ലോറൻസിന്റെ മൃതദേഹം മതാചാരപ്രകാരം സംസ്കരിക്കണമെന്ന ഹർജി തള്ളി
• ബംഗാൾ ഉൾക്കടലിലെ ന്യൂനമർദം; തെക്കൻ ജില്ലകളിൽ മഴയ്ക്ക് സാധ്യത
• വാഹനം നടുറോഡിൽ നിർത്തിയത് ചോദ്യം ചെയ്തു; മലപ്പുറത്ത് യുവാവിനുനേരെ ആൾക്കൂട്ട ആക്രമണം
• കാനന പാതയിലൂടെ നടന്നു വരുന്ന ഭക്തർക്ക് ശബരിമലയിൽ പ്രത്യേക പാസ്