Gold rate: എങ്ങനെ വാങ്ങും പൊന്ന്?... സർവ്വകാല റെക്കോർഡിൽ സ്വർണവില

കൊച്ചി: വമ്പൻ കുതിപ്പിന് ശേഷം സംസ്ഥാനത്ത് ഇന്ന് സ്വർണവില മാറ്റമില്ലാതെ തുടരുന്നു. സർവ്വകാല റെക്കോർഡിൽ തന്നെയാണ് ഇന്നും സ്വർണ വിലയുള്ളത്. ഒരു പവൻ സ്വർണത്തിന്റെ ഇന്നത്തെ വിപണി വില 63,560 രൂപയാണ്.  

ഒരു ഗ്രാം 22 കാരറ്റ് സ്വർണത്തിന്റെ വിപണി വില 7945 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 6560 രൂപയാണ്.  വെള്ളിയുടെവിലയിൽ ഇന്ന് മാറ്റമില്ല. ഒരു ഗ്രാം സാധാരണ വെള്ളിയുടെ വില  106 രൂപയാണ്.വിലയിലുണ്ടായ കുതിച്ചുചാട്ടത്തോടെ  പവൻ സ്വർണാഭരണം വാങ്ങണമെങ്കിൽ പണിക്കൂലിയും ജിഎസ്ടിയുമടക്കം 70,000 രൂപയോളം നൽകേണ്ടി വരും. 

വില വർധനവ് എന്ത് കൊണ്ട് ?

അമേരിക്കൻ പ്രസിഡന്റ് ഡൊണാൾഡ് ട്രംപിന്റെ വ്യാപാര നയങ്ങൾ ആഗോള വ്യാപാര യുദ്ധത്തിലേക്ക് വഴിവെക്കുമെന്ന് ആശങ്ക ഉയർന്നതിനെ തുടർന്നാണ് സ്വർണവില കുത്തനെ ഉയർന്നത്. പശ്ചിമേഷ്യയിലെ സംഘർഷങ്ങളും സ്വർണവില ഉയരുന്നതിന് കാരണമായി. ഇതിനുപുറമേ ഡോളറിനെതിരെ രൂപയുടെ വിനിമയ നിരക്ക് ഇടിഞ്ഞതും സ്വർണവില വർധിക്കാൻ കാരണമായി.

സ്വർണവിലയിലെ കുതിച്ചുചാട്ടം സംസ്ഥാനത്തെ വിവാഹവിപണിയെ ബാധിച്ചിട്ടുണ്ട്. ദിവസേന വിലയിൽ റെക്കോർഡ് വർധന ഉണ്ടാകുന്നത് സാധാരണക്കാരെ ആശങ്കയിലാഴ്ത്തിയിട്ടുണ്ട്.

Read More

• പാതിവില തട്ടിപ്പ്; റിട്ട. ജസ്റ്റിസ് സി.എന്‍. രാമചന്ദ്രന്‍ നായരും ആനന്ദകുമാറും പ്രതികൾ
• സംസ്ഥാനത്ത് ചൂട് കൂടാൻ സാധ്യത; ജാ​ഗ്രതാ നിർദേശം
• വാളയാർ കേസ്; ഇരകളുടെ അമ്മയ്ക്കും അച്ഛനും പങ്കുണ്ടെന്ന് സിബിഐ കുറ്റപത്രം
• ഇനി കേസ് കൊടുക്കുമ്പോൾ കീശ നോക്കണം; സംസ്ഥാനത്ത് കോടതി ഫീസ് കുത്തനെ കൂട്ടി
• ബജറ്റിൽ ഇരുട്ടടി; ഭൂനികുതി കുത്തനെ കൂട്ടി: 50 ശതമാനം വർധന