മുൻ ഡിജിപി ആർ ശ്രീലേഖ ബിജെപിയിൽ ചേർന്നു

തിരുവനന്തപുരം: മുൻ ഡിപിജി ആർ ശ്രീലേഖ ബിജെപിയിൽ ചേർന്നു. ബിജെപി സംസ്ഥാന അധ്യക്ഷന്‍ കെ സുരേന്ദ്രനില്‍ നിന്നുമാണ് അംഗത്വം സ്വീകരിച്ചത്. തിരുവനന്തപുരത്തെ ഈശ്വരവിലാസത്തുള്ള ശ്രീലേഖയുടെ വീട്ടിലെത്തിയാണ് ബിജെപി നേതാക്കൾ അം​ഗത്വം നൽകിയത്.

മൂന്ന്  ആഴ്ചത്തെ ആലോചനക്ക് ശേഷമാണ് ബിജെപിയില്‍ ചേര്‍ന്നതെന്ന് ശ്രീലേഖ പ്രതികരിച്ചു. തുടര്‍ന്നും സേവനം ചെയ്യാന്‍ പറ്റുന്ന അവസരമായി കാണുന്നു. തെരഞ്ഞെടുപ്പ് രാഷ്ട്രീയത്തിലിറങ്ങുന്നതിനെ കുറിച്ച് ഇപ്പോള്‍ പ്രതികരിക്കുന്നില്ലെന്നും ശ്രീലേഖ അറിയിച്ചു. 

ഏറെക്കാലമായി ബിജെപിയുടെ കേന്ദ്ര സംസ്ഥാന നേതാക്കൾ പാർട്ടിയിൽ അംഗത്വം എടുക്കാൻ ആവശ്യപ്പെടുന്നതായി ശ്രീലേഖ പറഞ്ഞു. ബിജെപിയെ ഇഷ്ടമായതിനാലാണ് അംഗത്വം എടുക്കാൻ തീരുമാനിച്ചതെന്ന് ശ്രീലേഖ പറഞ്ഞു.രണ്ട് വർഷം മുൻപ് ഫയർ ഫോഴ്സ് മേധാവിയായിരിക്കെയാണ് ശ്രീലേഖ വിരമിച്ചത്.  നേരത്തെ ഡിജിപി ആയിരുന്ന ടിപി സെൻകുമാറും ബിജെപിയുമായി ചേർന്ന് പ്രവർത്തിച്ചിരുന്നു.

Read More

• കൈക്കൂലി കേസ്; ഇടുക്കി ഡിഎംഒ അറസ്റ്റിൽ
• KeralaBumper Lottery Result 2024:ചുരം കയറിയ ഭാഗ്യം പശ്ചിമഘട്ടം കടന്നുപോയോ?
• Kerala Onam Bumper Winner 2024:ചുരം കയറി ഭാഗ്യം; തിരുവോണം ബംപർ അടിച്ചത് വയനാട്ടിൽ
• Kerala Bumper Lottery Result 2024: ഓണം ബമ്പർ ഒന്നാം സമ്മാനം TG 434222 എന്ന ടിക്കറ്റ് നമ്പരിന്
• ഷെയറിട്ട് ഓണം ബമ്പർ വാങ്ങുന്നവർ അറിയാൻ, സമ്മാനതുക കൈമാറുന്നത് ഇങ്ങനെയാണ്