കൊല്ലത്ത് കയർ ഫാക്ടറിയിൽ തീപിടിത്തം; വാഹനമടക്കം കത്തി നശിച്ചു

കൊല്ലം: ഓച്ചിറയ്ക്കടുത്ത് കയർ ഫാക്ടറിയിൽ വൻ തീപിടിത്തം. ഓച്ചിറ നിവാസ് എന്ന കയർ ഫാക്ടറിയിലാണ് തീപിടിത്തമുണ്ടായത്. ഫാക്ടറിയും ഫാക്ടറി വളപ്പിൽ ലോഡ് കയറ്റിയിട്ടിരുന്ന വാഹനവും പൂർണ്ണമായും കത്തിനശിച്ചു. അപകട കാരണം വ്യക്തമല്ല.

Also Read: വീണ്ടും നിയന്ത്രണങ്ങൾ, കാൽലക്ഷത്തോളം പൊലീസിനെ വിന്യസിക്കും; ജാഗ്രത തുടരണമെന്ന് മുഖ്യമന്ത്രി

ഇന്നലെ അർധ രാത്രിയോടെയാണ് അപകടം ഉണ്ടായത്. അപകടത്തിൽ ആളപായമില്ല. കായംകുളം, ഓച്ചിറ നിലയങ്ങളിലെ അഗ്നിശമന സേനയും നാട്ടുകാരും പൊലീസുമെത്തിയാണ് തീ അണച്ചത്.

Also Read: ജോബിയുടെ വിരലടയാളം കുടുക്കുമെന്ന് ഭയം; സുഹൃത്തിനെ കൊന്നത് തെളിവ് ലഭിക്കാതിരിക്കാൻ

അൻപത് ലക്ഷത്തിലധികം രൂപയുടെ നാശ നഷ്ടമുണ്ടായെന്നാണ് പ്രാഥമിക വിലയിരുത്തൽ. രാത്രി പതിനൊന്നു മണിയോടെയാണ് തീ ശ്രദ്ധയിൽപ്പെട്ടത്. പുലർച്ചെ നാലര മണിയോടെയാണ് തീ അണയ്ക്കാൻ സാധിച്ചത്.